今日又去左睇第三次醫生, 真係病到成個人都無晒心機... 不過接到嘈嘈電話, 我就出動去玩啦!好野, 可以見到Kiki! 佢係舊同事"師奶"個囡囡, 好活潑, 好聽話, 但係又唔任性, 令人好錫佢! 不過, 我已經有幾年無見佢, 唔知佢重記唔記得我呢...
我記得Kiki以前好鍾意同小巨人玩, 竟然唔怕小巨人龐大o既身軀, 仲用佢o既小手拖住小巨人周圍走! 我地仲笑Kiki係第三者... Mmmm... 我實輸梗啦!
見到面, 初時Kiki有d怕羞, 不過好彩佢好易同人熟, 佢好快就同我玩啦! 佢大個左好多, 今年已經升小學二年班, 頭髮長左好多, 又瘦左好多... 但都仲係咁可愛! 原來哥哥Koko仲做左我師弟, 同我讀同一間中學呀! eeee... 我之前見佢地, 一個讀幼稚園, 一個讀小學之嘛... 原來時間真係唔等人架!!!今個weekend好happy!!
