遲來的

因為巨人爸爸的事，小巨人的好友們不介意等我們歸隊才吃這一餐生日飯，真是感動。難得大家高興，我也將減肥一事「放假一天」... 好多野食，同埋有curry chicken原隻上呀! 哈哈!

難得「放假一天」，豁晒出去... 我個雪山，真係好好味! 好想食多次呀!

反斗兵團

9號風球快來快去... 不過好彩琴日仲可以趕得切探探錢多多。

無見希文同反斗細佬幾個月，估唔到反斗細佬大個左好多，依家係真正的反斗奇兵!!!



不過佢真係好有潛質做大哥哥，因為見到錢多多又立即展示佢溫柔一面。可惜反斗細佬同錢多多身型強弱懸殊，多多對哥哥既熱情竟然毫不領情，仲立即向爸爸媽媽投訴(((哈哈哈!)))... 我見到反斗細佬的一絲失望表情，真慘!

7月孖寶

7月之星生日會又來了...
今次有黎生的特別演出，令各位樂而忘返。






好開心，好似唔捨得走咁。

尋熊啟事

陳小熊，四歲，男性，身高十二厘米，面圓、身圓、四肢圓、無頭髮，身體有藍白間條，人見人愛，於2006年5月在青衣區失蹤。假如見到失蹤熊，請盡快跟本人聯絡，厚酬。

(其實小熊係我做比小巨人既一個公仔，自從搬屋之後就比人遺棄。小巨人晌佢雜物入面搵返佢啦，我終於可以同小熊團聚! 雖然發現佢時好污糟，不過沖完涼之後又靚仔晒。Good!)

大話精

今日各大報章都大篇報導補習天皇既新聞。依位先生成日標榜自己band 5學校出身，所指就係我既母校。

其實佢要抬高自己，都唔駛咁話學校不是，因為我地學校校風純樸，絕對唔係佢所形容。佢竟然話:「如果你唔食煙唔講粗口，根本唔可以喺一間band 5學校生存！」呢位仁兄，你無野呀? 當年佢係咁之麻，唔好拉埋其他人啦!

雖然畢業之後，已經很少返學校，亦唔係die hard fans，不過依個地方真係帶左好多美好回憶比我同班好朋友。原來睇見有人睜大眼講大話，感覺多麼討厭。

回味

這個週末，大衛和肥雞來了我們家作客，我們順道欣賞大衛婚禮的DVD。

看來我比兄弟們還要興奮，看著DVD笑得比他們大聲之餘，更為新郎的「神秘驚喜演唱會」再一次落力鼓掌。不過，我印象最深還是錢生錢太婚禮，兄弟們接新娘時的忘我演出，真的令人笑到肚痛 (有空一定要問錢太借來看看當天實況!)。最失望是小花貓的婚禮，因為我竟然錯過了... 是對我自己的失望。

大衛和肥雞離開之後，我就嚷著要立即看我與小巨人婚禮的片段。細看當天的點滴，感覺真溫馨，原來轉眼已經年半有多了。

新鮮出爐

自從上個星期日，小焗爐來到我家之後，我同小巨人日日都有新玩意。

其實想買焗爐好耐，小巨人仲更加好似小朋友想買玩具咁成日提住。可惜廚房地方淺窄，點可以容納一個焗爐... 不過，我地記起可以晌巨人老家度尋寶，終於比我地搵到個小焗爐。

短短幾日，我地已經玩過雞翼、雞脾、焗薯，仲有今日限量版(兩個咁多)蛋糕仔! 真係好好玩呀!

我在想什麼?

近來過的生活很簡單，好像沒有什麼特別...

每天上班下班，放工後就做運動和煮飯。近來非常努力工作，埋頭苦幹，現在好像湊bb一樣，希望整個project可以快點面世。原來快樂不知時日過，轉眼已經兩個星期。

近來天氣非常熱，真的很想去游水!

牙癢癢

整天牙癢癢的感覺，真的很難受。

牙痛已經有兩個星期，最後終於下定決心去睇牙醫。不過牙醫原來都不是想看就看，口脾比較好的都要預定一星期以上，而且價格不菲。誤打誤撞之下，竟然給我找到了醫院中的牙醫診所服務。

本來已經有心理準備要脫牙，也等了今天足足一星期的我，醫生的意見竟然是可以先試試食藥止痛，再看情況，診症前後不用15分鐘。

那我特別請來的半天假不是白費了...

懶惰

人性的基本，就是懶惰，我也不例外。

本來努力減磅的我，發現自己開始懶散起來，將記錄飲食的事情拋諸腦後，不過減肥仍然繼續。

到今日已經第三個星期，數字有點郁動。其實之前也怕對身體有影響而有點顧忌，不過健康的飲食對身體應該是正面的。

真的要好好努力。

機械人世界

柯柏文又來了，今次的續集我同小巨人好期待，估唔到咁快又有得睇啦!

根據小巨人同事既意見，最好揀d比較後既位置，咁先可以睇到機械人大變身，真係無錯。

今次劇情加重左男、女主角，男主角(沙拉寶夫)睇左佢幾套戲，仍然覺得佢無咩星味... 反而女主角好索。劇情又係咁上下，不過個諧角同學仔又廢左d，唔知佢晌度做咩野!

最精彩係機械人大戰，荷里活一級制作，當然唔會令人失望。