重要約會

黑雨關係，又令到我同小巨人的「重要約會」一拖再拖，一等又要三個星期。

要工作狂小巨人請一日半日假陪我赴約，簡直難過登天。我曾經想過，今次再有意外的話，真係會放棄的。不過好彩，終於順利完成了。仲比我地誤打誤撞，去左「金鳳」食左個超抵午餐。哈哈!

依家就等埋個下半場，不過都係等我晌大陸完成任務之後的事了。

好緊張呀!

忙到嘔

等了一年，工作好像終於有點成果。

每天也在忙著，左騰騰、右騰騰的好快又過了一天，但也沒有多餘時間做自己的事。不過現在工作很充實，跟以前差得遠了。希望整個項目可以順利完成，那就可以鬆一口氣。否則的話，我的白頭髮一定會以倍數增長。

下星期要向終點進發，不過又會在大陸待上幾天。

捐血日

公司其中一個project的關係，找來了一些健康產品，有些是量血壓，有些就驗血糖、膽固醇的。後者兩部都要有自願者來「捐血」，最後我就做左其中一個自願者。

慘叫一聲(啪手指)之後，得出結果血糖(左邊)ok -- 正常係讀數100以下，不過膽固醇(右邊)就高左啲 -- 正常係讀數200以下。唔通真係同少做運動有關?

結果都唔知準唔準，不過貢獻左咁多滴血，真係要影相留念下!

100%支持你

蘇碧今日話左個壞消息我知，佢個好朋友--娜姐病了...

蘇碧同娜姐讀中學開始就係好姊妹，真係由細睇住我地大，有幾年佢地各有各忙，音訊少了。不過近呢幾年，佢地又親密起黎。每次見到佢都和藹可親，係性格爽朗的大姐姐。知道佢病左，真係好唔開心、好sad。

你要快啲好返，要同我地一齊煮野食。

100%支持你呀!

想念你

又到了六月中，好像令人很傷心的一個月。

或許時間真的可以撫平傷心的感覺，
但不知何解，
每當到了每年差不多的這個日子，
回想起當天的一切，
好像每一刻還歷歷在目。

有時候，我真的害怕會忘掉跟你的一切一切。
不過每當憶起這些傷心的感覺，
又會記起曾經跟你在一起，
所以傷心... 也不錯吧!

我好想你!

祝你快樂

今日收到一封信，係小美美寄黎架，其實佢仲太細，所以平時都係大家姐代筆嘅，今次仲有二哥出場添。

晌相中睇到佢地三個咁親暱，我諗佢地平時感情都好好。佢地係三姊弟(妹)，同我&小巨人一樣，都係三姊弟，真係啱啦!

小美美依家已經識得寫佢自己個名啦! 仲越大越可愛呀! 真係好想等佢快高長大，快啲大個女，見証佢嘅成長。

祝你快樂!

狂風暴雨

仲等我滿心歡喜等左咁耐，點知都係去唔到一個「重要約會」...

今日一起身就send email返公司請假，不過後來先至發現因為「黑色暴雨警告」而唔洗返工。雖然多左一日假期，但係就要約過另一個日去呢個「重要約會」，又要再等過，唉! (真係等左好耐，成個幾月啦!)

不過都好，小巨人趁機會休息休息，我又可以繼續沉迷CSI了。

不要氣餒

朋友近來正為兩口子的將來努力。

連日來，我也不禁替她一同緊張。
除了留意所有消息、行情，也向小巨人報告最新情況。
情況稍有偏差，就急不及待一起討論。
緊張得好像自己的事。
可惜，今日收到壞消息。

朋友，不要氣餒... 不停為你打氣!

燒賣派對

依家返工等放工，放工又等開party... 呢個就係我同豹豹加埋小神童嘅燒賣派對(or魚旦party)。其實係大家有時放工肚餓，就去篤下魚旦燒賣，仲有時間可以比我地盡情「說三道四講是非」(女人至愛做嘅事，爽呀)!

因為自從他他遠走他方，加上柏師奶又離開左，我地就開心不再。依家瘋婦入主，每日簡直谷住谷住，唔講下野發下up風，遲啲可能會痴線，好彩仲有佢兩個陪下我! 我都以為「人不犯我」，點知會有人太得閒去四周圍撩人... 好賤!

雖然個個都叫我唔好理啲瘋婦人，但我真係要大叫:「呢啲人真係好討厭呀! ^@@&%#@*$*!!!」(舒服晒!)

白雪雪王子

今日係小蒲生日，我地帶埋個「白馬王子」同佢慶祝。呢個「王子」當然就係白雪雪、滑嘟嘟嘅臻臻啦!

雖然係小蒲生日，但係五個大人嘅注意力又係晌臻臻身上了。bb仔，真係睇少眼都唔可以架。因為臻臻竟然趁住蔡太幫佢搵口水「堅」呢一秒鐘，就一手拍落餐湯上面(唔通佢想洗手?)。好彩餐湯唔係太滾，不過手仔就紅晒了。

今日又出動臻臻部戰車，蔡生仲話沿途聽到路人甲乙丙都話臻臻好型仔，我梗係要影下佢啦!

祝小蒲生日好快樂!