OK繃

小巨人好友添晌台灣帶返黎既手信，好得意呀!

包裝係膠布，打開原來係朱古力! 仲幾好味架!

Week 34 - 醫院覆診

今日下晝去醫院覆診，自從轉左專科之後，才發覺政府service真係好好!

醫生話，毛毛整體都係比較細，不過生長都算幾好。政府多數都唔會因為呢個原因而比媽媽開刀，不過就要睇準時機「催生」，毛毛好大機會要做七月bb啦!

醫生又話，見到胎盤有點鈣化，嚇得我返屋企上網睇多d資料，原來都係正常現象。不過醫生就話儘量唔好吸咁多二手煙，可能都有d關係。至於毛毛咁細粒，醫生意見話可能有左初期，我食野唔係太「食得」同平時工作太緊張有關吧...

依家對政府醫生完全改觀，可能對住我地既時間多左，所有問題都會悉心解答，好細心。不過... 我見到要去呢個部門的case，都唔係太好。所以有得揀，當然唔入好過啦!

多謝，大姨媽!

蘇碧去完花旗國返黎，帶左好多禮物比毛毛。之前佢話打開成個行李，毛毛既野佔左一半有多，本來我都唔信，不過見佢拎住兩大袋禮物到我家，真係呆左!

個個都知蘇碧一向勁鍚小朋友，所以毛毛有福了... 我一定要教佢冧死大姨媽至得!

仲有佢好姊妹Candy既小毛氈，好soft又靚，我好鐘意。最鐘意都係一set由蘇碧精挑細選既小朋友書，真係靚到... 我都想學下生字!

偶遇

同小巨人一班兄弟們去大衛家觀戰，滿心歡喜期待既「葡萄牙對巴西」，結果係悶戰一場，大家有攻勢但唔刺激，最後得兩隻蛋。

好彩之前晌商場遇到小花貓，仲有殷殷既飛吻! 真係好耐無見殷殷，我發現佢真人比爸爸媽媽平時發出黎既相細粒多了，而且仲係好baby! so cute!!

估唔到連小巨人都有份收「飛吻」，我睇殷殷當時，應該仲好眼瞓! 哈哈!

最後一次

每一次都說了是「最後一次」，
今天應該真的是暫別前的最後一次了...

說再見時，我也有點不捨。
真的不知道幾個月後的事情，
我會很懷念，大家有講有笑的時間。

時間好像過得很快，希望可以再見面。

Every Day I Love You

夜晚聽收音機有驚喜，一首舊歌加熟悉既聲音。
之後飲住小巨人既愛心靚湯，好warm!!

I don't know but I believe
That some things are meant to be
And that you'll make a better me
Everyday I love you

豪比你

我公司都出左名騎呢，唔係d同事咁簡單，而係成個admin都超騎呢...

今日有人拎住我張產檢假紙同我講，公司唔接受「整天」既到診紙，要問醫院攞病假紙。我同騎呢喇叭(傳話人)講，我唔係病，醫院點開病假紙? 張紙寫明我成日晌醫院，咩野叫只當半日? 咩野道理? 不如公司寫明點先接受。明明係我上午同下午各有野要做，係醫院安排架麻。其實可以同我了解左咩野事先，唔好咩野都唔知就話唔接受。真係痴痴地...

之後又話我請左一個星期假，要扣埋個短週，我話要「問下」。騎呢喇叭就話已經問左勞工處，你問左唔代表我唔可以問下化? 我知錢唔係好多，只係五分一，但係就好激氣!

本來我放工o個陣真係想爆炸，不過小巨人話... 扣多一日、少一日都唔係問題，由得佢地慢慢扣，當「豪比佢」啦! 最緊要唔好影響心情!

因為假可以慢慢請... 心情唔好請假、心情好又可以請假!! 

微笑小豬!

小巨人同班好朋友們，仍然keep住開生日會，所以定期會見面，真係唔錯! 其實我都好想學下。

今次到肥雞啦... 大家揀左食中菜。

每次最開心就係拆禮物時間，由於禮物都係主角自己揀既，所以拆禮物一刻，係其他人surprise 多啲!

「微笑小豬!」好可愛! 見到佢, 個人都開心啲，我諗就係主角揀佢既原因!

Week 32 - 手腫腳腫

其實毛毛除左細粒d之外，直到上星期既懷孕過程，我都幾舒服，行得走得又跑得，又唔係太論盡。

不過好似由今個星期開始，情況就唔同左。因為開始水腫，係手腫腳又腫。所以唯有飲多d水，快d去水消腫。

而且唔知係咪毛毛依家睇得世界盃多，學左頂頭搥... 日日都頂住我個胃。食得多d野就頂，成日有「爆胃」既感覺。爆啦、爆啦、爆啦!!!

沙灘樂

好耐都未去過沙灘啦! 耐到我都唔記得上一次係幾時啦...

難得可以同一班bb們去玩，仲有野餐大會。好有細個爸爸媽媽帶我地幾姊弟去沙灘既感覺! 好開心呀!

Week 32 - 谷底反彈

琴日去左政府醫院檢查，今日就輪到去私家醫生。

今次檢查完之後，我將政府醫院既情況講左比張醫生知，佢話依家反而唔太擔心。因為佢每一次見毛毛，都見佢有長大，今次叻左... 排第13。而且依家政府同私家一齊check緊啲，就唔會有太大問題。

不過醫生話以佢經驗，毛毛可能唔可以等到40週先出世，要提早到37週左右。而且或者有需要既時候，就要開刀了。

開始有啲緊張...

Week 32 - 聽心跳

今日去左醫院驗查，今次直接去醫院既產科，仲有得照超聲波。

政府醫生都話毛毛好細，我都唔知有無聽錯，醫生話大小差左3星期 (吓!)... 佢叫我兩個星期之後就返醫院照，即係唔駛去門診。不過個department係High Risk Pregnancy Clinic (專科妊娠)，個名好嚇人喎。不過仲好既，有人睇住可以安心d啦!

之後仲要去另一間房搏左部機檢查bb心跳，要半個鐘頭，全部都合格。

咁就有一日假期，同小巨人去左食個美味午餐。

It's Time for Africa

4年一度，世界盃又開波啦!

今年主辦國係南非，但係新聞報導日日都係有關當地治安差既新聞，真攪笑。

開場頭一日戲碼真係麻麻地，我都瞓左半場。第二日先係真正開始，因為有英格蘭。本來有開頭係有啲氣勢，可惜最後輸左個核突波，比人迫和... 唉!

挨眼瞓睇一晚既結果，可能係瞓幾日都補唔返呢!

Week 31 - 洗洗刷刷

今個星期特備節目，除左探公公之外，就係開始洗奶樽。

本來都想開始洗下衫仔，不過天氣都唔係太好，洗完又未諗到地方放，所以又要排下隊。

時間好似突然過得好快，仲有兩個月就可以見到毛毛!

玩具贊助商

雞啄唔斷既威力，又一次証明晌我同小花貓身上。點解好似咁快又過左一晚既? 每一次見面，我都想時間可以長一啲呀!

小花貓已經係毛毛指定玩具贊助商。其實我都無買過玩具，全部都係小花貓既愛心之作，希望毛毛快啲識玩啦!

好野! 今日毛毛又有禮物收, 第時日日陪住佢覺覺豬...

無停手

又回歸工作，呢幾日，真係日日做到無停手!
放工對手仲痺晒，因為係咁打字。
連食飯時間都要做、做、做!
忙死人啦!

睇晒全公司，我張書台應該係最亂...

Week 30 - 食同瞓

放左一個星期假，好努力咁食同瞓，電腦都唔比自己開，就係要瞓多d。我覺得個肚大左d架! 希望下次見醫生嗰陣，毛毛會乖乖地!

放假既日子，竟然瞓得好左好多... 聽日回歸返工，都唔知點算好!

煮飯仔

小蒲話今年想有個溫馨生日會，菜太做主廚，珍妮就係二廚。話就話我借個廚房出黎，不過最開心又係我... 坐定定等食就得! 臻臻應該都幾開心，因為成間屋都係佢既戲樂場。真好玩!

一班好朋友可以圍埋一齊玩煮飯仔，真係好開心。