時間緊迫

今天發覺，時間好像很緊迫，要做的事情還未做好!
心情不其然緊張起黎...
點算好? 點算好? 點算好?

下一件要做的事，就是要開始減肥了!
作戰開始!!!

大大大睡床

過去這幾天都同小巨人為新居張羅...
大至裝修、傢俬、電器，
小至門鎖、水龍頭、電制也要睇過!
今日終於決定了浴室之內大部份項目，
琴日也準備了門鎖同訂左大大大睡床。

未來的五月也會很忙呢!

再見了

今日去左廣州，可能係工作關係，感覺真係比上次同小巨人去差得遠了...

我好早已經準備出發，仲諗住時間剛剛好。可惜，去到火車站經已無晒飛賣，下一班有車飛賣的已經係兩個半鐘頭之後... 最後，我決定上去深圳轉當地火車。成功搭到火車之後，一切竟然好順利。而歸心似箭的我決定飛左個lunch，務求完成工作，火速返香港。



當我興高彩烈打電話比他他知我已經身在香港時，佢話我知鬼仔比人炒魷魚... oh! no! 點解會咁架??? 後來小神童都有打比我，只知道大家一片愁雲慘霧。因為鬼仔係我地第一個外國人註香港同事，所以大家都對佢好好。本來我今日廣州之行都會同佢一齊去架... 點會咁架??

So Sad!

歡迎 歡迎

除左「安安」同「佳佳」之外，香港又有新朋友啦! 佢地就係大熊貓「樂樂」同「盈盈」，芳齡兩歲，係中央送比香港o既回歸禮物! 原來唔經唔覺，已經係回歸十週年了! 所以今年攪大佢!!

新朋友會住晌海洋公園，希望可以快d同佢地見面，到時仲可以探埋「安安」同「佳佳」呀!

1.「樂樂」、「盈盈」知多少

問：如何飼養「樂樂」、「盈盈」？
答：1歲半熊貓少吃多餐，每天餵奶、吃鍋鍋頭（以黃豆、雞蛋及竹子製成的高蛋白質餅乾），以及逾20公斤竹子

問：如何保持衛生？
答：1歲半熊貓易患上腸炎、消化不良及「屙爛屎」，所以要經常消毒；食物要新鮮及乾淨

問：樂樂、盈盈會生病嗎？
答：1歲半的大熊貓會生蛔蟲，每1至2個月要服用杜蟲藥；另外天氣轉變亦要小心感冒

問：大熊貓編號有何玄機？
答：「606」和「610」是大熊貓的譜系號碼。人工飼養的瀕危物種動物一般會配以編號，以便記錄生活狀，一般來說，大熊貓編號愈細，代表愈早出生，而「606」則是2005年第6隻出世的熊貓

2. 大熊貓知多少

問：哪裏有大熊貓？
答：現時全球約有1000隻，分佈於四川 、甘肅和陝西自然保護區

問：有多長壽？
答：野生的壽命約20歲，人工飼養的壽命可達40歲

問：懶惰嗎？
答：每日有55%時間覓食、43%休息、2%遊玩

問：除了吃和睡，還有何本能？
答：別看牠們外形肥胖，其實是爬樹高手，在樹上逃避敵人、嬉戲玩耍

問：會叫嗎？
答：一出生就會叫，聲音十分響亮，長大後較少發出叫聲，成年大熊貓主要在發情期發出叫聲

問：為什麼是黑白相間的？
答：毛色是經過長期演化所得來的，有專家解釋，黑白相間有利在竹林中遮掩自己

問：怕凍嗎？
答：不怕凍，亦從不冬眠，即使氣降到零下4℃-14℃，仍在白雪竹林中穿梭，享受竹子

問：是「外交大使」？
答：相傳遠在唐朝初年，中國唯一一位女皇帝武則天已向日本的天武天皇贈送大熊貓。中國建國後，亦先後向美國、法國 、墨西哥和西班牙等國贈送大熊貓

問：祖先是誰？
答：古稱「貔貅」、「貘」，根據《史記‧五帝本紀》記載，4000多年前，黃帝曾飼養調教貔貅助戰，亦是秦漢皇家獵場上林苑 圈養的奇珍異獸之一

問：野生大熊貓如何交配？
答：野生熊貓的尾巴腺體會將油質分泌物塗在樹幹上傳遞信息，當異性經過便會記住該氣味，再作選擇，到每年數天的發情期便交配，且有多個伴侶。雄性的麝香味一般較濃，帶點臭，雌性帶酸。野生熊貓一生可生育8至9個子女

資料來源﹕明報資料室

腹膜透析

公公終於開始晌屋企洗肚(腹膜透析)了，初時我地都好擔心。但依家佢不但精神好左好多，而且說話有力，麻雀都贏多d呀!

不過最好彩還是有芝姐姐的幫忙。我同小巨人今晚睇了一次過程，雖然唔係太複雜，但係要晌極度清潔o既環境下進行。所以對公公咁大年紀黎講，都係有一定困難。家人亦要對佢地有多d支持同鼓勵呢!

公公同醫生講，佢依家好開心，我地都放心得多了!

(有用資料: 什麼是洗腎? / 腹膜透析)

抱得美人歸

琴晚，渣倫終於抱得美人歸! 恭喜恭喜! 因為新郎哥平時好文靜，所以大家都好期待佢o既發言時間。果然，係其中一個精彩環節，一定要歡呼坐慶。另外唱歌環節，新娘子都感動到喊起上黎，好sweet喔!

呢個仲係我地一班同學仔聚會o既好日子。我地保記同學仔當然一如已往，唔放過任何影相留念機會。 大家情緒高漲，所以黎唔切等新郎哥，成班已經要再去下一場。多得小影好介紹，我地去左葵芳新都會的Yo Park! 大家都讚口不絕。仲一定會介紹比其他朋友仔，再黎玩過飽先得!

不需要理由

琴晚又約左一班好朋友出黎，個個都好奇怪點解我會約佢地出黎... 無架，想見咪見囉! 朋友見面係唔需要理由架嘛!

今次仲有一位特別朋友現身，就係小柏高。上次見佢係佢出世前一日，當時佢仲晌媽咪(出奇媽媽)肚入面，依家佢已經14個月大啦。佢同爸爸&家姐完全係同一個樣，見佢行路時搖搖擺擺，好可愛呢!



重有，未來錢太分享左佢同錢生o既甜蜜台灣結婚相之旅，d相勁靚，真係好羨慕。錢生仲同個老闆娘非常投契，所以比左個超筍discount佢地，真係好呀... 佢地個trip有得食，有得玩，又有得影! 最開心係佢地已經搵到個心水安樂窩，第時我地又可以組織第二個睇樓團了!

好開心見到小狗、狂野健同黎太... 只可惜見面時間太短，下次一定要傾過飽!

一場大雨

天文台幾日前已經話今日會有狂風暴雨，我當然早有準備帶定雨具返公司。但係失魄的我又點會記得佢o既重要性...

結果搭車時當我暗罵天文台又唔準o既時候，真係落起狂風暴雨，厲害程度竟然可以比得上打風時o既威力! 最後又要打比蘇太太求救，不過到來救我的竟然係蘇老大! 返到屋企，蘇太太話我知當時天氣差得很，蘇老大得知我o既求救電話後二話不說就去接我!

爸爸，謝謝你!

Baby仔

今日去左探準媽媽蔡太同佢肚入面o既小baby，佢今日話我知係一個「Baby仔」定「Baby女」啦! 其實我唔係探佢地，係我為新居做功課至真。真係好多謝佢o既寶貴意見! 我真係唔知點多謝佢地好了... 我地當然又會提起R小姐，真係「傻人傻事」笑料一羅羅! 唉!

小浦都有去打羽毛波，我真係好想同佢地玩呀! (只可惜我仍未好番... 都唔知幾時先可以好番... 真灰心!) 小浦提到佢呢排有d失落，因為佢仲未搵到佢人生目標，加上其他事，又令到佢有d迷網! 希望佢可以快d提起精神，努力呀!

新玩具

今日小巨人班好朋友幫佢攪左個生日派對，有一段日子都未試過咁齊人。我知道小巨人晌朋友們心目中都相當有地位的，因為平時佢就係生日派對o既攪手嘛!

雖然主角事前已經告知了朋友們佢o既心水禮物，但係佢收到一刻仍然掩不住佢o既興奮! 梗係啦... 佢又有新玩具了! 新玩具係插hard disk入去已經可以揀movie/相睇o既盒仔，第時唔洗駁住電腦都可以「去片」啦!

小巨人其中一位好友--車厘病了，仲係唔係小病，希望佢快d康復!

(原來我好耐無同小巨人合照，睇黎小相機又要四圍出動了...)

事日動工

經天地，泣鬼神之作...
我地o既新居今日終於正式動工了!
多謝B姨丈慷慨幫忙，
籌備經年 (足足一個農曆年) o既「希望工程」終於展開。

Yeah!!!

生日快樂

小巨人生日快樂!

我地好早之前已經諗去邊度慶祝，可惜我依家放工時間所限，太遠o既地方都唔可以去。不過聽日要返廠，所以我地最後去左大埔好出名o既「奧利花」餐廳食晚飯慶祝。

我地揀左茄汁車輪粉同一個細pizza，可惜我地只有兩個人，唔係就可以試多d野食。餐廳氣氛好好，裝飾又好靚，真係一個談心好地方。其實食物水準不錯，不過唔知我地係咪太遲去，攪到車輪粉太甜了，好彩無損我地今日o既好心情。

我個背囊太重，佢怕論盡的我又再整傷，竟然"咩"住佢自己個大背囊之餘，又"台"住我個大大背囊，一邊行又怪責我做咩又帶個電腦上大陸。大隻佬呀... 哈哈!

他緊張我的樣子... 令我真的很愛他! Happy Birthday to my darling!!

羅拔神奇家族

今日去左睇羅拔神奇家族(Meet The Robinsons), 等左咁耐終於有得睇。不過要他他就我放工時間，所以只可以去青衣睇10點場! 要佢入黎咁遠就我，真係有d唔好意思...

嘩! 套戲有好多角色，一時間都分唔清楚邊個打邊個，不過如果我屋企有咁多人，真係頭都暈！我最鍾意個角色係大壞蛋o既小時侯呀！佢d動作加埋個配音好cute，好得！

但係如果我係小朋友，真係會唔明個故仔講咩架。好彩我係個大朋友，所以...就覺得好睇囉！哈哈！其實，依家d卡通片係比大朋友定小朋友睇架？

復活節 燒雞翼

今年清明節加復活節假期有五日咁多，我班好同事又點可以放過去癲去玩o既好機會... 今次柏師奶直情總動員，叫埋柏細佬同柏大佬一齊參加--復活節bbq活動。地點係大家百玩不厭，玩完又有得食好味海鮮o既阿喜魚排。

由於係復活節關係，蒙蒙已經準備好新奇、好味又刺激o既kinder出奇蛋慶祝。積奇蓮更加要去玩快艇坐慶，結果攪到大家依嘩鬼叫! 不過，原來入夜先係大家談心o既時間，令本來熱鬧狂野o既氣氛一下子變得感性起來。

原來，誰都有秘密! 希望開心的朋友仍然開心，唔開心的好快就... 開心「返埋黎」!

生日禮物

早幾日，我已經進行左偷番薯大行動，即係鬼鬼祟祟地去買左生日禮物比小巨人啦! 雖然距離佢生日仲有幾日，但係我已經急不及待要送比佢，等佢快d可以用到呀!

上年佢生日我自己出左部電話，今年就到小巨人了。經過我做左幾個月research，最後決定了... 我見到佢咪咪咀笑個樣，我都好開心。呵呵... 因為我知道佢係好低調o既人，所以都揀左一個低調o既顏色比佢! 因為有優惠價關係，好彩亦無比小巨人責怪我又去買野... 比佢! 好野!

尋找快樂

晚上同同事們相約好去欣賞尋找快樂的故事(The Pursuit Of Happyness), 有Will Smith, 仲有佢個仔同場演出! 男主角演出真係好精彩，最後都攪到我眼濕濕。

其實最吸引我都係呢套戲個名，因為佢提到"尋找快樂"! 呢樣野好似好難得到，但係又好似成日都晌身邊出現。不過我知道，依家我好快樂。

「知足者，常樂也」(獻給身邊的每一位)。