好耐

好耐都無寫過blog...

舊同事咪返左公司派(紅色)炸彈, 雖然識左唔係好耐佢就走左, 但係佢都幾好人. 我會同其他同事去, 好似開Party咁!

發惡夢

呢排公司黎左個新上司, 但係佢個style好aggressive, 令我工作上有d困擾... 同事J話人生不如意事好平常... 其實我都知道! 希望可以快d搵到方法解決吧!

今朝起身之前發惡夢, 蘇太太見到我發夢個樣, 仲問我點解咁驚... 我夢見好多老鼠晌我身邊, 上網Check左解釋, 竟然係咁:

鼠 - 象徵合不來的人和難相處的人。

好易中, 好易買餐"送"...

迷迷迷

呢個星期係咁迷迷迷... Jack and Kate (男女主角)... 超"正"（型男索女）！！

男人之虎

琴晚同小巨人去左睇舞台劇<男人之虎>, 之前聽過好多人話好好睇(人云亦云??), 所以膽粗粗扮有文化去睇, 結果... 唔知係唔係希望越大, 失望越大... 但係誠意可加! 可能係我地唔夠文化修養...

亦可能係我 Enjoy 睇"Lost"多d! 呢幾日d劇情仲晌我腦海不斷浮現出黎... 哈哈!

Lost

想睇好耐, 但係我知道一開機之後實停唔到, 所以一直都未有勇氣去開始... 直到終於等到復活節假期! 果然停唔到, 用左四日睇完第一季!

故事係講 "四十八名空難生還者滯留於太平洋的一個荒島上, 他們必須互相依賴來生存. 但在森林深處似乎有些神秘的東西出沒..."





真係五粒星!!! (男主角勁man...暈浪ing!!)

生日快樂

今日係小巨人生日, 但係我地好忙, 因為要搬部電腦比華仔, 我由公司搭地鐵去到白田, 好彩問下人, 唔係實搵唔到. 其實好近, 可以由公司搭巴士去, 可惜對我呢個方向白痴黎講, 已經係高難度... 所以成日都激到小巨人死死下(哈哈)! 華仔屋企都幾大, 可能無o羊傢俬關係, 打波都得... 我見我地搬左部電腦比佢之後, 佢好開心, 希望佢唔好成日掛住玩, 唔係佢阿媽實鬧死我!

去完白田就出左太子, 因為時間無多, 我要去出"零"機價電話... SHARP SX313, 好靚, 白色的! 不過就未可以羅住, 要等到月尾. 因為時間無多, 所以我同小巨人只係去左附近o既餐廳慶祝... 今年無準備, 因為想買o既 NDS Lite 仲未有行貨, 依家d水貨又有bug, 所以只好後補.

不過只要我地晌一齊, 都已經好開心(好似我開心d, 因為有新電話用)... Happy Birthday!!!