今日又要返大陸交人, 即係將我o既靈魂抽走, 交個軀殼比m主任(超pair!!), 我地晌羅湖等賭神o既時候, 佢竟然話過關先發現無帶身份証... 哎呀! 我"十大唔上大陸秘笈"入面其中一個藉口比佢用左添...
不過好彩今日都有蒙蒙同歷奇陪我! (佢地講野好好笑同對我好好!) 蒙蒙仲幫我打發左個好煩o既司機走, 如果唔係我都唔知點算. 食Lunch時, 同佢地傾開計先知道蒙蒙學vocal學得好pro, 仲係考英國皇家試o個種... 歷奇更加係廚神, 咩都識煮之餘仲非常有研究, 呢排仲學埋結他, 真係唔夠佢地玩!
比起佢地, 我就好無目標, 就連自己興趣係咩都唔知道. 我話比佢地知以前學左好耐畫畫, 曾經想pick up返, 跟住又放棄左... 蒙蒙竟然話, 如果屋企嘈就去佢度畫, 我好感動呀! 要返屋企搵返d畫具出黎先!
自從知道他他係專業化妝師同阿苗係Master of Education之後, 我已經知道睇人唔可以睇表面... 我真係好渺小! 所以更加要虛心向其他人學習.
我d同事話晌公司入面, 咩都可以搵到人幫手, 除左公事! 哈哈!
