有女萬事足

桐桐出世了，我地加埋劉生劉太帶埋小亮同去探下何生何太。桐桐好靚女呀! 一睇何生個樣就知佢鍚bb鍚到暈的好爸爸，見佢同何太有女萬事足，真係甜蜜。

小亮再度同小巨人相遇，bb仲主動挑戰(撩人!!)，真係大膽臭b(劉太話的)... 哈哈!

契媽生日會

契媽媽珍妮的生日會，臻臻小休一會之後表現一百份，超好玩。因為臻臻見到蛋糕仲開心過契媽媽，都係多得菜太平時訓練有素。

今日感覺臻臻大個左好多，因為佢已經開始牙牙學語啦! 最好笑係叫「阿爸、阿爸」但係唔叫「媽媽」，竟然係叫媽媽個名... 哈哈!

曾經有一段時間，我地一班好朋友好擔心珍妮，不過佢依家已經無晒事，我地可愛的珍妮又返黎了。祝契媽媽生日願望好快成真!!

閃亮亮

潮b亮仔，一頭新潮曲髮... 勁可愛喔! 劉太話佢同朋友講，佢帶左亮仔去電髮，真係竟然有人信。咁又係，點會曲得咁可愛架??!! 亮仔好得意，我叫佢唔好對住我喊... 因為佢連喊都勁可愛呀!




同場加映，又一次打擊小巨人自信心之作...


「亮仔，你做咩呆左呀?」

舊同學 新朋友

今晚出席了一個特別的聚會，我竟然見了一班18年沒有見面的小學同學們。

都係多得Facebook，我可以尋回小學同一年畢業的同學們，更相約出席飯局。其實初時我都有點猶豫，幸好又有小影相伴。大家果然18年後又一條好漢，最厲害係竟然沒有半點陌生的感覺，就連當年不大熟悉的面孔，也傾得很投契。大家是舊同學，也像新朋友。

其中一個同學仔更反老還童，比小朋友時的樣子更可愛，成為大家焦點。大家也記得當年他常常被老師責罰，我們是旁人也覺得他可憐。但他竟然說沒有不快，小學生活還給他一個快樂童年，可能就是他樂觀的性格令他駐顏有術。



很期待下一次再聚。

認識香港

今日好開心。

經過上星期晌香港島做「迷路三寶」，豹豹話我知其實中區有好多景點可以去。所以我同小巨人就帶埋佢個新玩具來一個戶外實習之旅。

好多地方對我地黎講好新奇，因為成日晌電視見到，又唔知晌邊度，今日終於比我地搵到。我地玩到夜晚，仲影埋夜景。雖然攰，不過好好玩。

其實香港好靚架，只係平時未認真去睇睇。

大石砸死蟹

當初係大佬踢我地走，話我地陀衰家。我地辛辛苦苦搵左新廠，成隊人又走左上去幾轉，第二代終於出世。

人地覺得呢樣唔得, o個樣唔好... ok，我地攪返好佢。今年年初一隻型號都攪唔掂，依家迫住做好晒成系列。全世界覺得我地唔得，總算比我地行得到。

依家又話唔夠野做，要我地返轉頭。咁又話大家獨立運作，邊個平幫趁邊個好公道。晌依家呢個時勢，要求供應商減價真係比幾個月之前容易。我將個新價比返你地做參考，大佬又話唔係蘋果比蘋果。我話比你知已經全部出過晒貨，客戶也接受了，你又話係我地銷售部問題。

無野好講...

手作仔 (II)

登登登登... 小兔出場啦!

其實係有一次寶寶show左佢個舊同事o既得意之作後，我就心郁郁搵番晒d「架生」同書出黎玩下。當然無寶寶舊同事可以憑空想像就變左五隻福娃出黎咁厲害，不過我都覺得好開心。


小兔無幾耐之後就要搭飛機啦! 因為我想佢去陪娜娜過聖誕。希望佢都好似小兔咁，成日咪咪咀咁笑!

一雙鞋子

婆婆:

你記得我們昨晚很開心嗎?

其實夢醒了，我也只有一點點印象。只見你精神亦亦，揹起了背包，之後跑著步跟我說你要去做「gym」。我笑住的跟著你，要你等埋我... (我想你現在身體應該不錯吧!)

你知嗎? 本來已經忘了這個夢的我，下午見到姨姨，她竟然帶來了你的一雙鞋子。我一試之後又十分喜歡要帶它們走! 回家時小巨人問我紙袋入面是什麼東東，我才醒起今朝的事。你說奇怪不奇怪?

OK! 我明白了，你要我跟你一起努力做運動!

BBQ@石澳

好端端我地有102可以由荔枝角直達筲箕灣點解唔搭? 我地走去搭904去上環轉巴士加地鐵呢? 因為我同小神童仲有豹豹要做「香港島迷路三寶」... 好玩呀! 哈哈! 不過就要積琪蓮等左我地好耐。

我地幾經辛苦終於抵步目的地石澳。無去石澳已好幾年了，豹豹再三叮囑我們，o個條迂迴曲折的山路晌佢記憶之中是會令人想嘔的，事實証明她是對的呀! 沿路我同積琪蓮都已經呆呆滯滯了。

不過好彩仍然有柏師奶準備好的好味牛柳粒、大隻蝦同豹豹特制網燒鱔... 好味!




我記得上年燒完野食，返到屋企睇陳豪做最佳男主角。今年就同全場人一齊睇米雪同夏雨，好熱鬧呀!

So I Sing

很久也沒有和小巨人去聽演唱會，今次信用卡可以訂飛，所以我們也去湊湊熱鬧去看蘇永康演唱會。

原來蘇永康已經有六年沒開演唱會了，其實他唱很好聽，至少有令我想聽下去的興趣。我喜歡他以前有點jazz味道的歌，讓人很舒服。

不過我竟然才第一次聽完整首「囍帖街」，真的要好好去惡補流行曲了。不過不是我沒有惡補，只是沒有歌曲或歌手令我聽了還有一聽再聽的衝動。我記得上一次有印象的已經是「酷愛」。

是人長大了沒有這麼多感情去憑歌寄意，還是現在的歌水準下降了呢? 不解...

「掏腰包」

今日工作不如意，主要也是自己問題，因我一時大意，令工作安排又亂了，也令我很自責。

幸好仍有戰友們，雖然大家工作岡位不同，她們仍有人願意聽聽我幾句無聊的傻話、廢話。要不然，我也不會爆出一句「掏腰包」，現在想起，我仍會想笑。

無論如何，明天仍要繼續。

飲勝

今日係Y老闆好日子，我梗係早d到恭喜佢。

主人家仲舉辦左個「勁飲大賽」，等大家開心下! 不過有分小朋友版同大朋友版。小朋友組的小妹妹好勁呀, 可以飲贏大哥哥添。大朋友組氣氛激烈，插針都睇唔到呀!




見到Y老闆同男友拍左十幾年拖，大家互相扶持到今日，真係令人感動。所以Y老闆一發言，場面非常感人。唔只Y媽媽同Y妹妹，連我身邊姊妹團都哭成淚人。真係好touching呀!

百年好合

話咁快又一個星期，成日晌香港、大陸走黎走去，真係好累... 真係有d體力透支，都係趁星期六抖下。

今日去樓下食飯，見到個特別版可樂，好得意。飲左真係會「百年好合」?

雞啄唔斷

今日午飯時間約左小花貓出黎，喵喵b晌媽媽個肚入面日漸長大了。我地真係有講唔完既話題，只可惜當我地講得慶起時，又被我既工作打擾。好彩我地仲可以搵間cafe坐下，一邊完成工作，一邊雞啄唔斷。

我同小花貓講，每次我地見面，我把口就會好累，因為我會不停講、不停講。本來我地可以各自歸家，不過真係唔捨得同佢分手，所以我地又一齊搭車了，呢個感覺，好似返去讀書時咁樣，真係要晌佢做喵喵媽之前約佢出黎多d!

夜晚同蘇小弟食飯，因為佢由長征福岡10天之旅返黎啦! 真係羨慕佢可以成日四圍去，真係做佢依d工先可以有的優惠。今次佢獎左一條大蕉同一隻蕉人比我... 哈哈哈!