X-men III

今日終於睇左X-men第三集, 我記得之前嗰集(#2)好好睇, 要立即去買返第一集o既dvd... 新o既一集我覺得d新角色對我唔係太吸引 (除左Angel), 不過d大場面都好精彩!

睇完戲, 去左小巨人屋企, 不過唔知係咪yoga真係有對腸胃有幫助... 自從琴日起個肚好唔舒服!　所以只係食左一半就停手了... 痛痛痛!

再見了, 毛毛

對不起, 我愛你

原諒我沒有把很多時間給你
原諒我沒有敏銳觸角了解你的感受
原諒我沒有好好照料你
原諒我輕率你的感覺
原諒我有1年時間讓你孤獨
原諒我沒有給你最好的生活環境

感謝你給我快樂的日子
感謝你沒有懷恨
感謝你如我機會學習給予
感謝你有頑強的生命力
感謝你給我經歷重遇的喜樂
感謝你容易滿足

或許有人不屑我們的關係,
因為他們不明白你曾經是我生命中的一部分,
並給我帶來如珍寶一樣貴重的日子,
記得你最後的眼神, 還有你把小手輕拍我的手掌,
雖然沒有伴你呼盡最後一口氣, 讓你悄悄地獨自離去,
多謝你, 在你身上的餘溫, 不但給我安慰, 更溫暖著我的心,
今日, 你離開了我, 我學會珍惜眼前,
從悲傷走出來, 我看見回憶是美麗的.

聽說, 有一個地方沒有眼淚;
不再有死亡, 也不再有悲哀、哭號、疼痛
或許我們會在哪裡再遇...
再見了, 毛毛

I love you
2006-5-29

可愛的毛毛走了, 小影傷心得要死...

整體性格

整體性格
Fanny小姐，任性隨意，負責可靠；快人快語，很有上進心；也有刻苦耐勞，神秘性感的一面。
待人性格
Fanny小姐待人：兼顧人情義理；既喜歡與人同樂也能樂於獨處；樂於表現不怯場；會適度偏袒自己人；不和人分享秘密會覺得難過。
處世性格
Fanny小姐處事：不愛管閒事；有為有守；不輕易讓步；能夠掌握關鍵；既有理想也重實際；按照周詳的計劃行事。
性格缺點
Fanny小姐性格的缺點為：只會自掃門前雪不管他人瓦上霜；有時候拐彎抹角不夠乾脆；偶爾會比較固執不輕易讓步。
價值觀
Fanny小姐重視的價值觀為：信息的交流；自由自在；善用時間；較不擅長：親暱黏膩；興風作浪；微枝末節。
愛情性格
Fanny小姐在愛情上喜歡從容不迫的進展，不太接受虛華的浪漫，能夠給對方自由；較常表現：任性隨意，堅持原則，端莊典雅，用情深刻。
金錢性格
Fanny小姐的金錢觀：花錢很實在，不會太浪費，喜歡按照計劃用錢；容易把錢用於：探索新奇，享受美食，提升地位，紓解壓力。

(ref: http://tw.starq.com/newstar2/okstarq.php)

我的爺爺

今晚去左同爺爺食晚飯, 佢瘦左好多, 身體都ok, 不過眼就差dd... 我知道佢好開心見到我地一家人, 因為佢好錫蘇碧(大孫)&蘇小弟(唯一男孫)的, 而我... 比起佢兩個, 我比較少照顧爺爺! (係...我衰)

見佢食得咁滋味, 我地都好開心!

我好掛住佢

我地今日去左探婆婆, 因為係佢生日, 我好掛住佢, 希望佢依家晌天堂上面安安樂樂咁睇住我地...

見到公公每次探佢都咁傷心, 我都有d唔開心! 我地惟有陪佢多d... 之後佢大殺三方, 終於笑啦! 我知公公依家最開心就係見到我地一大班"嘈嘈閉", 好熱鬧咁!

夜晚去酒樓食飯時, 見到有一家人唔知o羊事, 竟然拍"台"同鬧起上黎... 我地一家人感情咁好, 呢d事應該唔會發生晌我地身上! 不過覺得好悲, 同"台"食飯都係有緣, 攪到不歡而散又有o羊為呢...

發惡夢 (II)

又發惡夢... 好恐怖, 好想叫救命! 因為我見到蘇碧跌左落樓, 我捉唔到佢... 喊到醒左(諗起都想喊)!不過睇完個意思又唔係咁差:

在夢中兄弟姊妹死了代表實際上和他們關係良好，相處愉快。
從高處墮下：是一個幸運的夢，墮下的速度愈高愈好運。

其實我知我地三姐弟O既感情好好, 因為細個時相處時間好多 (成日只有我地三個晌屋企) 雖然見到面會狗咬狗骨, 甚至因為d小事嘈起上黎, 但係都好關心大家! 最"正"都係蘇小弟, 佢出門旅行有兩個家姐贊助架!!!

相處的學問

今日返到公司, 個個都死下死下咁, 他他上晝仲無返, 所以氣氛更加死寂...

不過同蕃茄講開買樓o既野, 就提到結婚... 對我同小巨人黎講, 都係要等經濟環境許可先再諗, 因為佢轉左新工只有一個月, 我又唔可以只係依賴佢而我完全無付出, 最後都只有一個"等"字.

有時我又諗"依家咪幾好!" 因為我地依家好穩定, 好開心... 不過當然想兩個人一齊生活! 但係原來相處都係一門學問, 仲係好高深嗰種. 好自然就會諗"遷就", "容忍", "包容"... 但係講就容易, 到左"就"唔到, "忍"唔到咁點算呢? 係咪會有argue呢?? 咁又會唔開心! 好複雜...

今日好似諗得太多野了, 都係瞓吧啦... zZZZzzZZ

飲勝

已經係第四日出街玩, 好似好耐都未見過蘇老大同蘇太太, 因為我每日返到屋企, 佢地都已經瞓晒覺. 今日仲厲害, 玩到兩點... zzZzZZ

本來只係同班同事 (他他, 小神童, 柏師奶, 梁咆, 蒙蒙 & 積奇蓮) 打邊爐, 之後唔盡興, 要再玩下場. 務求玩到"唔嘔唔走"... 哈哈!

我同班ladies傾計, 覺得佢地對我好好, 好照顧我. 佢地知道我因為新上司關係, 呢排有d唔如意, 所以係咁安慰我, 令我覺得好warm! 最好笑係M主任原來已經成為"人民公敵", 個個都係咁插佢. 其實佢好醒, (可能)好做得野, 但係太高調... 我都唔知可以點! 成班都叫我唔好唔開心, 仲"盛讚"d同事好好, 叫我唔好走...哈哈!

雞啄唔斷

又一次証明"三個女人一個墟", 本來今日都係"四條女, 尖沙咀, 生日會"(連續三日出尖沙咀同連續三個生日會), 但係蔡太的爸爸"走了", 所以今年唔可以慶祝, 但照舊出黎傾計, 當然又係"雞啄唔斷"...

我地都知道蔡太好唔開心, 而佢都儘量唔令佢身邊o既人太擔心, 但係一講起爸爸(想到佢無生到bb比爸爸見下), 佢又忍唔住了. 我想話佢知:

"蔡太, 其實你已經做得好好了, 因為你爸爸見證到你咁開心o既婚禮, 知道自己將個女交比一個信得過o既人(威威), 一定好開心的... (唔好喊啦!)"

另一方面, 善良而又天真o既小蒲(好似劇本咁)知道一d佢覺得好心痛o既事...我想話佢知:

"小蒲呀, 其實人生就有好多事唔係咁完美, 可能你會覺得好唔開心, 好無助, 但係呢個係人生必然會遇到o既事, 就當係令你長大o既一課啦! 有d野係你一個人之力無辦法改變的. 人地做得唔好, 你做好d補返數, 對得住自己咪得o羅. 你對屋企人咁好, 令我好慚愧... 唔怪得你咁得人鍚! (咀咀)"

但係, 其實最令人擔心的還是珍妮, 我知道佢晌另外一班朋友度已經好少出現, 不過每次見到我同小蒲都係咁關心同親切, 我想話佢知:

"珍妮, 我見到你有時悶悶不樂, 其實我好擔心嫁! 我知你可能有你自己o既原因, 或者你唔想講比人知, 到你想搵人講o既時候, 我地一定stand by! 我都知道你其實好關心身邊每一個人, 只係你唔想表達出黎... 釋放你野性吧... our wild baby!!! (笑下啦!)"

知道雲妮同馬文就黎結婚了, 結束愛情長跑, 恭喜晒!

反省

今日又有生日party... 係巨人媽媽o既壽宴!

我都未見過小巨人o既"e媽姑姐", 所以之前有d怕... (唔知怕o羊??) 但係後來我諗, 佢同我o既屋企人咁熟(唔只蘇老大, 蘇太太, 連公公, 玲姐, 小健都好熟...), 平時佢都用咁多時間陪我o既屋企人, 甚至我出左trip, 小巨人都會去探公公, 點解倒轉佢要求我見佢d屋企人, 我又ee哦哦呢... 諗真d, 其實我都好樂意架!

初時又要我自己返屋企, 有d唔開心, 唔明點解出到尖沙咀都唔返青衣... 不過後來再諗, 其實佢都好辛苦, 如果夜晚返左去, 第二朝由青衣返大埔仲辛苦... 其實一個人搭車點解唔得, 好似今日咁, 瞓一覺就到啦! 有時我覺得有d太依賴小巨人, 依家反而係一個好好o既學習機會, 要訓練返獨立一d, 以前晌澳洲o個陣我好勁架麻!!

我諗都係時候要反省下, 唔可以咁自私, 唔可以只係接收(雙方都要付出), 仲要體諒佢! 睇黎我都係比小巨人"就"慣了... 呵呵!!

蕃茄生日特輯

今日係蕃茄生日, 我都無o羊準備到, 只係join佢同Y老闆, 愛達同大大姐食飯, 不過最後大大姐病左, 我地就改左去 shopping... 不過好快就去食飯談心!

好耐無見過愛達, 不枉係我地中學數一數二o既靚女, 到依家仲係咁靚同溫柔... 佢依家好好, 做到同佢讀書時有關o既工作, 仲係政府工, 唔駛開ot (太令人羨慕). 唔知係唔係三個女人一個墟, 我地仲有四個, 所以全程可以無dead air... 尤其係Y老闆講到天水圍師奶兵團所見所聞, 簡直係笑到我地收唔到聲. 好似我之前講過, 雖然同佢地唔係好close, 不過我好enjoy見到佢地o既時間! Y老闆提到佢一個朋友o既故事, 令我地覺得好幸福, 因為我知道我身邊有好多好朋友. 即使唔係成日見面, 但係一話要幫手, 一定交個心出黎... 可能晌青衣長大o既人純品d... 呵呵!

食完飯, 出面落住毛毛細雨, 但係都唔阻我地要"血拼"o既決心... 行呀行, 好開心... 成間卓悅每一行都比我地研究過咁滯, 我無o羊想買, 但係嗰種慢慢睇, 慢慢揀, 慢慢傾o既快樂, 只有同一班女性朋友一齊, 先至會體會到... 因為唔駛再怕企晌店外面男朋友等得唔耐煩, 或者佢晌身邊成日問你點解揀咁耐 (哈哈!) 所以我覺得 shopping 呢種樂趣都只係同d女性朋友分享好了.





以上係"小茄生日特輯"全面報導...Happy Birthday! 小茄!!

London

You Belong in London

A little old fashioned, and a little modern. A little traditional, and a little bit punk rock. A unique woman like you needs a city that offers everything. No wonder you and London will get along so well.

What City Do You Belong In?

我從小就好想去London... 唔知幾時先有機會呢?

達文西密碼

好耐之前已經睇左本小說, 知道改編拍做電影, 仲要係由Tom Hanks主演, 當然好期待... 因為本小說真係好精彩, 雖然內容提到有關宗教同歷史, 不過當係一個故事咁睇, 我覺得又唔洗太認真.

不過, 可惜無睇過原著就會覺得故事有d兒戲, 因為解d謎團只係用三言兩語就講完, 未掌握到小說精彩o既地方. 不過我覺得都唔係唔好睇... 但係小巨人就唔係咁滿意! 可能我成日同佢推介本小說, 令佢有期待啦! 依家本書仲晌佢間房呢!

家庭同樂日

因為睇"歐聯大決戰", 所以特別放假一天...

起身已經係下晝食飯時間, 我同蘇小弟陪蘇太太飲茶, 玲姐見到我好驚訝(哈哈!)... 之後又去超市市場 / 銀行 / 睇醫生 (好忙之餘, 仲瞓左個"午睡")... 最勁係約左蘇big同蘇小弟走埋入東涌, 睇下傳聞中o既"公屋一人單位"!

嘩!! 勁到呀... 好大呀! 最"正"係個廁所同廚房, 間隔四正... 可惜蘇小弟好久唔久先入去住一晚, 所以之前車入去o既"補給品"可以話完全無郁過, 如果執下佢, 簡直係五星級的家! 我地三個吵吵鬧鬧咁出返青衣, 仲同蘇太太食泰國野... 好開心! 家庭同樂日! 今日本來約左他他去食飯, 但係我no show, 因為次次家庭同樂日都係差我. 我知我好衰, 留比屋企人時間好少, 又成日無心肝... 所以難得一日咁齊人, 就留返比蘇太太了! (哈哈)

歐聯大決戰

我今日無返工, 因為要半夜起身睇歐聯決賽"巴塞隆拿 VS 阿仙奴"... 當然要捧下阿仙奴場. 蘇小弟同我叫到拆天, 差d想叫埋蘇老大起身一齊打戲, (已經係半夜四點) 特別係阿仙奴打少一個人但係先入一球嗰陣. 可惜下半埸晌五分鐘之內比人入左兩球反勝... 唉! 最尾十分鐘... 我地已經死寂!

無可否認朗拿甸奴真係好波, 但係亨利好有衝勁, 令我好佩服佢! 勁!!!

忍

依家逢星期二都同他他去學yoga, 好好玩呀... 因為係d伸展動作, 所以都唔係太辛苦, 但係有d動作好難, 我地又成日忍唔住笑. 返到屋企又同蘇小弟玩, 佢好勁, "Q"腳又得, 盤腳又得, 唔夠佢玩...

今日上yoga都好, 可以將我返工唔開心o既事發洩晒出黎... 我個新上司好難頂, 可能其他人覺得無野, 但係佢好高調, 所以好多時候攪到我同d客人溝通... "煩" (可能真係人夾人緣). 總知我唔會再加我自己意見比佢, 上司話做咩就"好好好..."

特別鳴謝他他"醒"以下d正野比我:

忍耐歌 (寒山拾得禪師)
寒山拾得笑呵呵，我勸世人要像我。
忍一句，禍根從此無生處。饒一著，切莫與人爭強弱。
耐一時，火坑變作白蓮池。退一步，便是人間修行路。

任他嗔，任他怒，只管寬心大著肚。
終日被人欺，神明天地知。若還存心忍，步步得便宜。

世人欺我、害我、打我、罵我、騙我，如何處之？
禪師答曰：只管任他、憑他、遠他、莫要理他，再過幾年看他。

身穿破衲襖，淡飯隨時飽。涕唾在臉上，不棄白乾了。
有人來罵我，我也只說好。有人來打我，我自先睡倒。
他也省氣力，我也無煩腦。這個波羅蜜，就是無價寶。
能依這忍字，一生過到老。

一字記之曰..."忍"

準新娘

今日入左Y老闆 (天水圍) 掃貨, 好彩有Y老闆, 唔係成日去搵衫都幾煩.

唔知幾時開始, 我覺得買衫簡直係一件煩事, 尤其係又平又靚o既... 可能人人都貪心, 又要平, 又要靚, 又要有得試, 仲要一次過滿足晒咁多個願望 (唔係一隻kinder出奇蛋就得). Y老闆簡直係我曙光! 我地中二就識, 因為蕃茄, 但係各有各玩, 雖然唔係深交, 但係佢好friendly, 每次同佢傾計都好開心!

蕃茄年尾就結婚, 佢琴日竟然買左件婚紗, 好靚喔! 但係見到佢攪結婚d野好煩, 見到都怕... 晌我地msn對話度, 每次講起都話"煩煩煩煩煩" (五級)! 不過我都會儘力幫輕佢, 等佢做個快樂的準新娘.

Happy Mother's Day

今日係母親節, 我地都係去左陪公公, 之後同好多"母親"齊齊食飯(蘇太太, 玲姐 & 二舅母), 仲有開緊工路過o既阿E... 好高興!

我知道我唔係好乖... 成日同蘇太太鬥嘴, 唔返屋企食飯, 又唔做家務, 更加個個月遲出糧... (哈哈!) 不過, 我都知道每次做錯事, 蘇太太都會原諒我, 尤其我知道以前有段日子令佢好擔心! 因為以前好反叛, 覺得屋企咩都唔好. 但係離開幾年, 先知道屋企先係世上最舒服o既地方, 終於都明白"世上只有媽媽好"! 好彩依家先醒覺唔係太遲...

祝天下媽媽 "母親節快樂"!

亂糟糟

激死我啦! 點解d男仕們可以容忍自己d野咁亂... 雖然我都唔係整齊o既人, 但係"污染"程度已經超越我"容忍"程度...

"陳先生, 你好快d執下你間房啦!! 好亂呀!"

四卷半厠紙

無幾耐之前, 蘇碧去左美國參加佢 best friend - Candy 既婚禮, 依家連仔都生埋... 阿BB叫Cryus, 好似似爸爸多d! 跟據Candy匯報, 依家阿BB有四卷半厠紙咁高! 哈哈!

溫馨婚禮

估唔到話咁快收完舊同事咪張"炸彈", 我地就去飲... 雖然唔係好多人, 但係相信全部都係新郎的各方好友. 見到佢逐一多謝o既時候(尤其佢爸爸), 令人感受到好溫馨o既氣氛, sweet sweet! 新娘子好靚女, 原來係我地大陸分公司同事, 仲係西門經理下屬, 所以佢好似嫁女咁高興... 玩不停!

Goodbye...

好耐都未試過坐定定睇波... 琴晚係Arsenal晌Highbury最後一場波, (下季就會去新球場,) 而且係柏金最後一場聯賽, 因為終於都決定退休啦! 回想起我瘋狂睇波o既時期, 都係為左睇佢, 嗰陣簡直係美好日子 (學生時代... 無憂無慮) 哈哈!

睇到咁多fans同Highbury講bye bye, 好感動!

白羊 VS. 射手

星座話, 原來我同小巨人都幾夾 (Mmm... 實際上都係o既)! 試下啦!

配對評分：100　天生的一對

星座比重：52:48

解析：

兩個同屬火象星座的您們，在初相見時，便會有如磁鐵般的互相吸引而一見鍾情，進展快速而濃烈。由於性格相近，會是恩愛、耀眼的一對。
白羊沖勁十足、追求刺激的性格，與射手冒險犯難、喜新厭舊的個性，實在是有異曲同工之妙，具有同等級的精力與熱情，不會有一方被嚇跑。

注意事項：

射手見到永遠具有赤子之心、求新求變的羊兒，就忍不住想靠過去，而您遇上明朗率性、無拘無束的射手，立刻會有股見到理想物件的電流在體內亂竄。您們無論是個性或觀念都極近而且相通，像天生就有默契似的；往往可以一起享受生活的樂趣及活動，也能允許各自發展，卻不會産生疏離感，是極具青春朝氣的組合。

所以，只要以您的本色自然相處就可以了，若太刻意反而會壞事。

職業特工隊III

琴日假期特備節目係去睇"職業特工隊III", Tom Cruise 係我由細到大o既至愛... 每部有佢o既戲一定捧場, 特別係佢同Nicole Kidman結婚之後. 可惜最後都係離婚, 可能呢個世界真係無fairy tales, 王子公主開心快樂o既生活只可能留晌童話故事!

但係依家好多人笑緊"靚佬湯", 因為佢同新女朋友好高調, 四周圍d人都話佢太張揚... 見到佢以前咁英, 依家成日比人笑都幾心痛. 做人都係低調d好...

原來接住呢幾個星期好多外國新戲會上, 有達文西密碼同Xmen(III), 好耐未試過咁熱鬧, 期待中...

電暈左...

上網見到呢張相, 即刻電暈左...


Matthew Fox

聚舊

今晚同基斯, 奇奇, 占占, 小巨人晌太子食飯... 基斯可能工作上好有成功感, 全晚講不停! 仲約埋下次BBQ, 都唔知攪唔攪得成... 不過佢地都幾好, 雖然依家各散東西, 但係都有keep住聯絡!

不過又比基斯話我肥左... 要keep fit了!

做運動

嘩嘩嘩!!! 我做左個創舉... 行左廿層樓梯返屋企!

原來唔好講笑, 都幾辛苦! 可能平時少做運動啦! 心路歷程簡直好似坐過山車:
行到十樓: 已經腳軟
到十三樓: 好想抖
到十六樓: 想放棄, 有衝動想搭lift
到十八樓: 好興奮...
到十九樓: 見到屋企, 好似有個光圈圍住
到二十樓: 重見光明

去到屋企樓梯口, 咁o岩小巨人打電話比我, 但係我已經斷氣咁滯... 最後返屋企沖完涼先講到野! 佢晌大埔好悶, 因為部電腦唔用得, 又無得睇電視, 好彩聽日就返出黎啦 (好似坐監咁... 哈哈!)!

睇黎真係要做多d運動先得...

地獄黑仔王

由朝早副眼鏡晌我張床跌落地下崩左開始, 就應該知道今日無好日子過... 嗚嗚!

放工o既時候明明見到有好多人吹水, 點知去完toilet返黎, d人就閃晒, 剩低我鎖門... 當"o拍"一聲o既時候, 我就知道"衰左", 因為我將所有錢漏晒晌公司, 最後唯有揾Lam Lam 幫手, 好彩佢同占占仲晌公司... 上到去問Lam Lam "R" 左$5.7 (死唔死), 占占係咁問我舊公司Cr既事, 我都無野好講... 之後又等左好耐車. 以為急急腳返屋企就可以食飯, 點知好戲在後頭...

返屋企途中落大大大雨(俗稱:落狗屎)... 呢個情形我當然係無帶"庶", 所以唯有晌完全無庶無掩下行返屋企. 最後做左"落湯雞".

今日做左"地獄黑仔王"... 一定要記低佢!

勞動節假期

勞動節假期就咁過左去, 不過我都做左好多野...

呢兩日入左大埔, 執頭執尾... 其實小巨人度得間房仔, 人地唔知仲以為好大地方 (幾千呎??), 因為我成日都話入去整野... 哈哈! 可能因為我好想快d執好所有野 (勞動節?), 可以有個地方係我地兩個的... 呢兩日其實好開心, 有時執野, 有時又落街食野, 買野! 快d執好, 仲可以睇電視同碟. 不過小巨人話要慢慢黎, 所以仍然有好多紙皮箱, 四圍都係... 激死!

終於都羅左我個新電話, 我好鐘意架. 最重要係"零"機價!! 雖然好似台費貴左d, 但係我想試下用3G, 因為自從有WAP以來, 我覺得自己已經脫曬節, 係時侯要update下. 但係真係好多function, 依家仲係摸索中...