Back for good

點可能相信買左成三個月o既TT最新大碟，到依兩日先可以享用到...

從前的我，真係對佢地去到迷戀o既地步，每個星期要去過所有大小CD鋪搵佢地蹤影不特止，重要蘇big定期晌英國空運最新產品比我先安樂，收到之後簡直可以成個人開心到彈起架！ 最開心係翠斯、夏太同樣喜愛，一齊聽歌/睇雜誌o既日子真係好難忘。所以當年佢地要拆夥，簡直心如刀割... 傷心傷心！佢地上年終於決定重組，開演唱會同出新專輯，風頭依然不減當年！勁呀！

十年了... 仍然好期待佢地演出。 Mark已經做左爸爸，但仍然係大家o既sweet heart；Gary依家係出名o既製作人；Howard原來去左做dj；Jason就參與舞台劇，仲依然型仔。

Back for good!!

唯一回憶

歌莉亞：

今晚的晚餐，真的很感謝你，我實在很高興。數數手指，我們已經有三、四年沒有共聚。就算上次碰面已經是半年之前，估不到約會你跟珍妮絲真的是這麼困難，可能就是你們兩位白衣天使都是大忙人的緣故吧！

我記得跟小影說笑時，提到我們讀預科的兩年好像是空白的，就連一絲回憶也找不到，不知你是否一樣？那時候的校園生活很平淡，一向在青衣讀書的我們（我、珍妮絲和小影）對一下子的轉變實在適應不來。雖然總算是上了預科，但對學校就是沒有一點歸屬感。幸運的是我們認識到你，所以計起來，你真的是我們在那兩年的唯一回憶。

我會很珍惜跟你再見面的時光。

Keep in touch!

感恩

近來每次聽到呢首歌都有想哭的衝動，它不是一首非常受歡迎或「hit 爆」的歌曲，但係一聽到副歌部份，就令我好感動...

大傻 (楊千嬅)
傻瓜一點看…
我們還有手仍能拖、夢仍能造、眼仍能看、心仍能開，找到笑的理由，艱苦不算醜。
我們還有嘴仍能親、事仍能做、戲仍能看、歌仍能聽，天涯陪著走。

感謝小巨人陪我走過的每一段路，
感謝蘇家大小對我的包容，
感謝朋友們對我的愛護，
感謝我每一天都過得很快樂，
雖然我沒有宗教信仰，
但我每天都有感恩的心。

好同學

今日晚餐很豐富，因為我地又約左同學仔食晚飯，而且又係渣倫宣佈大婚之喜o既好日子！

還記得我們讀書時，佢係...
長期位晌死角位的好拍檔，
每日慷慨送上功課比我抄的補習老師，
我上堂長期處於休眠狀態叫醒我的人肉鬧鐘，
唔記得帶書時借比我的圖書館，
成日陪我煲電話粥又任我嘮嘮叨叨的私人訓導員，
打不還手、羈不還口的出氣袋，
真係對我很好的好同學...

有時候孩子氣的我仍會介意點解佢搵夏太多過搵我，不過我一知道佢要結婚o既消息，實在太高興。到時我地一班同學仔又可以癲返晚，我重要補返上次夏太結婚時未玩夠的！

祝佢同老婆仔甜甜蜜蜜！

第三項任務

FA Project - Mission 3: 影相

經過重重波折，我同小巨人終於訂左影相啦! 原本一心響往去寶島的我，最後都係得唔到小巨人大人o既首肯，都係唔可以去。沒有寶島？無問題！沒有藍天白雲？無問題！沒有外境？無問題！全部都無所謂，最緊要係同honey一齊去嘛！不過因為要去美國trip，我地又錯失左上一次展覽會下訂時機，終於要再等多個半月。

多得好朋友夏太同未來錢太幫手，佢地比左好多意見我，而且仲幫我同人地交手。我同小巨人直情可以全程唔洗講野... 真係好多謝佢地！真係令我之前擔心o既野完全一掃而空！(因為香港o既公司出名難攪)不過接待我地o既攝影師都好好人，晌佢free offer張紙已經填滿晒，又sell我地花球套餐，最後我地都有join。

花球套餐($1,504)
- 花球/頭花/襟花/伴娘手花/伴郎襟花 x1
- 主婚人襟花 x4
- 兄弟襟花/姊妹手花 x16
- 訂造鞋一對
- 首飾一套
- bow 呔+腰封一套

攝影套餐($4,688)
- 造型:(女)三個/(男)兩個(另加民族服)
- 相薄:8"x12"(24張)/10"x15"(20張)/12"x12"(20張)
- 相薄:4"x5"(19張)
- 油畫:20"x24"(連C+油畫框)
- 提名冊:20"x48"
- 8"x10"(2張)+UV相架1個
- 5"x7"(2張)
- 相片共42張連30張底片
- 免假日費
- 外租晚裝一套

要努力減肥了！

靚靚新娘

卡文同小本琴晚終於完成婚禮啦！

佢地相知相遇o既經過應該可以拍成一套電視連續劇，而且佢地一齊經歷左好多段路，真係要好好珍惜對方喔！平時男仔頭同爽朗o既卡文，變成叫人眼前一亮o既靚靚新娘 (真係靚到叫人嘩嘩聲！) 當然仲有靚靚伴娘--海倫，而且真係要比個"勁"佢。靚之餘又幫得手，如果我係卡文一定好放心。

我重同海倫有下場，去左飲野傾計，好耐都未試過啦！(竟然傾左幾個鐘)真係希望菲比、卡文、碧碧同糖糖都晌度，實在好懷念我地以前六個唔同性格o既女仔一齊晌澳洲時吱吱喳喳講不停...