陪著你走

巨人爸爸病倒了，情況比我想像中差... 心情很沉重。

難得的是，小巨人一家很團結，有事發生了，反而更勇於承擔。巨人哥哥和巨人姐姐已經計劃好將來要面對的事。回想起，我和小巨人平時陪伴兩老時間比較少，實在有點慚愧。原來每次小巨人回家，巨人爸爸都會好開心，因為巨人爸爸最疼小巨人。

往後的路很漫長，我們一定會陪他走下去。

偷懶的一天

偷懶無去跑步，所以我決定去買餸煮飯。

原來真係好耐無煮飯比小巨人食，我發現自己生手左好多。我同佢講今晚d野唔好食，佢竟然話「唔係呀!」，仲清晒臺... 其實真係要讚下佢，無論我煮得好定唔好，雖然有時佢會話唔鐘意食，不過佢都會幫我食晒d野! Good!

今晚唔知佢係唔係安慰我，不過我已經好開心。

小粟子與阿Boo

靜b半歲啦! 等我地一齊黎慶祝下先。
佢依家真係好似一粒小栗子，晴晴就做左阿boo...
真係玩到唔捨得走呀!

天氣的錯

這陣子天氣乍暖還寒、時冷時熱，令人無所適從。從出門到北京再回來，我竟然病了一個星期，是天氣的錯麼?

我身邊的人也彷彿被感染，最嚴重是新相識的老朋友，情況真令人擔心。雖然跟他相識不久，但那親切和誠懇的態度，感覺就像老友。可惜他洩氣了... 任由其他好友為他打氣，他就是再提不起勁，也是天氣的錯麼?

跟他簡短的問候幾句，已感覺他很消極，連我自己也想哭起來。真的是天氣的錯麼?

只希望他可以重新振作起來。「老友咪嘆氣我點幫你? Babe...」

小寵兒

來到小桃既婚禮，地點係美麗華酒店，好grand呀!

翠詩帶左靜b一齊黎玩，佢成為我地小寵兒，佢好乖，個個都唔捨得放手。又見到一班好同學，真係開心!

下一站... 首都 (4)

今日朝早三點就起身去準備，之後出發去天安門睇升旗禮。作為一個中國人，真係去要睇睇。北京今日只有1-4度，好凍呀!

我本來唔明點解要咁早去到，去到四周仍然很冷清，只有公安在駐守，不過當我地升旗之後走返出去，我呆左，因為成個廣場都係人。






國歌奏起一刻，我真係感到「毛管動」，原來呢個真係令人好感動既時刻，整個人會自然的「肅然起敬」! 呢種感覺之前都未試過，做到中國人，我覺得很驕傲。感動!

之後就要趕去機場，國航就在新的3號樓，呢邊係特別因為上年的奧運起的，好靚呀!



星期六交通好暢順，竟然用左一個鐘就由深圳機場返到屋企。好爽!

下一站... 首都 (3)

今日既工作提早完成了，所以我地有機會去走走。同事們帶左我去天安門廣場，佢地話要比我感受下做中國人既驕傲。原來影幾多相都好，真係比唔上用雙眼睇咁震撼!

北京地鐵好方便，下次要同小巨人黎自由行都可以，今次等我做先頭部隊。

之後去左王府井大街，所以今日晚餐係「掃街」，幾十蚊我地四個人就食飽飽。好厲害，因為估到同估唔到既野都有得食呀!

我又見返對佢地念念不忘既小福娃，今次仲做緊大特價，所以又帶埋佢地返屋企。福娃太靚啦，同事忍唔住要向途人宣傳下... 呵呵!

號外: 賓尼妹出世啦!

賓尼妹出世囉!

可惜身在外地，真係好想去探小花貓。見到賓尼爸爸影到賓尼妹依個表情，真係好想鍚番啖。

三月3個baby都出世了，有健囡囡、錢多多同賓尼妹，不如第時一齊開生日會啦!

下一站... 首都 (2)

終於黎到北京，我地都算好順利，無咩塞車就由機場到酒店，只係用左半個鐘左右。不過到步既時候已經天黑，所以四圍只係黑漆漆... 亦未來得切睇到首都係點樣。

晚飯同事帶左我地去全聚德食烤鴨，好好味，皮薄又無多餘肥羔，食多都唔會滯。我聽的士司機講，地道的北京人都好少去食全聚德，因為佢地覺得太貴啦!

一個烤鴨全餐盛惠人民幣128.00，不過就有足夠配菜、醬料、皮、包子、湯，我地唔知有咁多野，仲叫左好多其他野食，爆晒臺埋單都係2佰幾，所以比起香港仍然好抵食!

下一站... 首都 (1)

都覺得今日係黑仔日，除左出門先黎病同今朝等唔到車之外，酒店個聯絡人唔o岩又要我地呆等。

最慘係晌飛機度，坐我旁邊的國內男人，真係超難頂。我唔明點解佢係要"動"高腳同不停"un"之餘，又要「努力地清潔鼻孔」(=撩鼻屎)，所以短短個半鐘頭既機程，我覺得好漫長...

由下午三點幾出發，到十點先到酒店。真係好累... 我既晚餐就係「炒面皇」(好彩我次次都帶埋佢同我出trip! 好味道!)

好彩今日都有開心既事，晌深圳機場發現左一間幾米專門店，有d item有大特價只要幾十蚊，好抵。所以又忍唔住了...





幾米精品，真係好靚!

下一站... 首都 (前傳)

聽日又出差了! 今次去北京，之前要順道先去溫州探一個供應商 (其實唔係好順)，仲係晚機去、早機返，咁就用左四日。

人地覺得我成日走來走去係一份優差 。但係去做野真係唔同去玩架，雖然身在外地，仍有工事在身時，真係不太enjoy! 而且未計每次出去要準備既工作同有幾日唔晌office既安排，工作係平時既雙倍。仲要負責編排行程，更有無數份的申請表，真的很煩人。

又有同事問我地做咩唔留晌北京玩幾日，其實當你諗到落機之後仍身處大陸，又要趕幾程車同多幾個鐘先可以返到屋企，就真係幾多日都唔想留底。

最重要係成個人會好緊張... 繃緊!

驚喜生日會

多得朱朱做行動策劃，加埋兩個搶戲男(黑仔同昌仔)，鴨比個驚喜生日派對得以順利進行，睇到佢個「O咀」表情，我地成功啦!

鴨比係我地朋友中既靈魂人物，全靠佢努力聯繫我地，先可以搵返一大班小學同學出黎。各位依家都好好感情，不時會出來食飯同去聯誼。雖然已有家室的我，可以隨時應約既機會會比佢地少，但係我都會盡量出席。




之前有d事我誤會左鴨比，琴日謎團終於解開。佢勇於講出自己唔開心既事，我諗佢一定會撐過去。

祝 會過去的...