回憶2009

2009年終於完了!

我傷心的，是巨人爸爸離開了我們;
我懷念的，是一位朋友也離開了;
我煩惱的，是工作的壓力很大;
我憂慮的，是曾經迷路了。

我驚喜的，是遇到特別的一些人;
我開心的，是經歷了令我長大的一些事;
我期待的，是有新的挑戰等著我;
我快樂的，是每天也有好朋友們在我身邊;
我感謝的，是小巨人無論哪個時候也支持著我。

我知道的，快樂總比煩惱多... 謝謝!

Week 8 - 小生命

其實今日才算是第一次產檢，終於照到bb有心跳了。

見到有個小生命在自己的肚入面，感覺很奇妙! 醫生說預產期將於2010年的8月11日，還有8個多月，我們就見面了。

下次見面就是兩個多星期之後，你要努力長大... 加油呀!

聖誕party

聖誕日，同小巨人一班好兄弟玩返晚。

小巨人準備左既「猜猜畫畫」終於大派用場，個個都玩得好開心! 同埋加映紀生派入場卷儀式，大家真係加倍開心! 大家$30禮物竟然無咩「行貨」，真係誠意可加!

Merry Christmas!!

平安夜派對

本來諗住有8大3細，點知因為一班爛玩papa、mama掛住玩，bb都唔湊了。

雖然今年得返Pluto仔做唯一男主角，但係佢真係超好玩! 不過下年人齊既話，應該更加精彩!

聖誕禮物

今日收到一份聖誕禮物，好似有、又好似無，非常無聊! 不過都幾好笑，只有晌無聊人身上先會發生既事。

我諗, 勉強都可以算係綠色禮物掛! 多謝晒份「厚禮」啦!

雖然好既野都未必keep得耐, 都希望可以延續呢個開心既12月吧!

又到聖誕2009

琴晚又到左一年一度既聖誕「大」派對，都係多得一班fans支持出席，今次有22大8細，好彩小花貓屋企，放幾多人都無問題。

每次我地都有驚喜，今年仲玩埋主題，一齊「返學啦!」，係大人細路既校服派對! 個個都悉心打扮，仲有學校PE衫出場，菜生菜太無得頂!

大家都好開心，希望可以年年都攪落去啦!

公司聖誕派對

聖誕自助餐，今年終於有新地點!

今年都幾lucky, 抽到老闆送出靚紅酒之外，仲有中左現金獎「一千大洋」。阿姐又晌香港，平時無咩機會同一齊影相，今次有機會了。

唔知點解, 呢排好想影多d相... cheers!!

Week 6 - 肚痛

上次醫生說，我可以如常生活的，但半夜肚痛的情況仍沒有改善，更好像嚴重了。最後又要急急找醫生... 好彩，醫生說應該是荷爾蒙失調，跟懷孕有關，但不會影響「佢」。

今日見面，真的又長大了。但因為只有6 weeks, 仍未有照到心跳呢!

身體有點變化，好像每日都好累的...

澳門美食遊

我既生日節目, 就係小巨人帶我去澳門旅行，其實係佢公司旅行，不過我都好開心，因為佢難得諗到特別節目安排比我。

我地先早d出發，去威尼斯行左一陣同食午餐，之後就跟大隊去睇show，其實好好睇，不過我覺得好累，竟然瞓著左，不過小巨人都無話我! 哈哈，生日大晒架麻...!







之後就係美食之旅, 同埋識左小巨人一班同事, 入面有個bb, 超得意又好乖...

佢班同事好好人，真係羨慕人地咁團結!

生日開飯啦! (3)

我既生日飯局, 又點可以少得「標美會」一班兄弟姊妹，今日係好鄰居威廉派帖好日子，仲有阿咪小休復出，真係無限開心。(見到阿咪由拉長變返個香港人，仲開心... 哈哈!)

下個月有柏師奶生日，同埋威廉婚宴，又可以見面啦! 真係要儲下能量... 玩過飽!

Week 5 - 中獎了

本來想待明天才証實一下，不過這星期以來，每晚的肚痛，不禁令我有點擔心。最後，決定早一日驗一驗...

「嘩! 中獎了!」

每晚半夜都痛醒，很怕有什麼問題... 知道有左之後就立即去搵醫生。今日正式同「佢」第一次見面，其實在超聲波看到，只是一點點以已。醫生說位置正常，肚痛也是正常的，再等月尾覆診，就知道幾時見到「佢」真身啦!

不過我在想，就這樣的一點點，真的會長大成bb嗎?

生日開飯啦! (2)

生日開飯啦! 12月真係好月份, 隔日就返大陸, 返到我都暈暈地。

今日約左菜太一家，仲有珍妮同小蒲，不過我返左大陸，所以遲大到，真係唔好意思。好彩臻臻都仲未眼瞓，仍然咁活潑!

仲有一個美味生日蛋糕, 好好味呀!

Week 4 - 你好!

心情有點幻得幻失，我真的要準備當媽媽嗎?

我想，再等多幾天吧...

大個仔

睇住Lam Lam由想當年一個小朋友, 到依家成家立室, 好似睇住佢大個仔! 原來都經過左好幾年...

最開心又係見到一班舊同事, 個個都無咩變, 真係要飲勝!!