不過英格蘭出局, 令我有啲唔開心! 我, 小巨人同大偉仲走落去阿Ming樓下o既翠怡餐廳捧場, 雖然我地離個電視好遠, 但係有一大班街坊一齊叫, 有baby, 爸爸, 媽媽, 阿叔, 阿嬸, 一家大細, 啲氣氛好鬼正!
不過我依然對朗尼好失望... 一直都覺得佢係一隻蠻牛, 依家都係無改變 (佢今場比人趕出場, 仲同C朗有推撞)! 仲話英格蘭新希望, 靠佢真係唔掂... 唉!
好彩之後睇施丹精彩o既表演令我開心返! 之前我都無正式睇佢 (一係佢表現唔好, 一係我miss了), 只知道人地話佢好厲害, 今日終於見識到... 真係好型! 法國今場打得好好!
最後四強係德國, 意大利, 葡萄牙同法國!
