今日去大圍探我讀書時的同居密友--菲比.
原來我地好耐都無坐埋一齊傾計, 就連佢大圍o既新居, 我都係第一次去... 卡文 & 海倫已經係常客, 都係因為我衰, 佢地成日叫我都推三推四, 所以一聽到菲比要去外遊, 就趁機會探佢... 我真係好耐好耐都無見佢, 就連佢有新"老外"男友, resign, 家事等都係依家先有機會同佢慢慢傾. 不過見到面又無晒問題, 佢仍然好似照顧小朋友咁"揍"我... 哈哈!
我感覺自己晌讀書時期, 心態成熟左咁多, 好大原因都係多得菲比. 因為我以前無佢呢一種朋友, 而且佢見識好廣闊, 亦係我第一次正式同唔同背景o既人相處 (仲係一段好長時間), 所以學識遷就人. 以前以為個個都要"就"晒我, 好任性, 原來咁係唔o岩的!
多得菲比訓練我, 令我長大了!
