以為畢業之後一定各散東西的我們, 又一次相會了... 晌msn上面! 原本只係"開會"討論我地出唔出去食飯, 點知越add越多人, 有蕃茄, 小影, 小蒲, 柏齊, 老大, 同我, 就連晌澳洲o既Jack包同美國o既雯清都加入戰團, 情景何其壯觀!! 哈哈!諗返起讀書時代, 中四中五雖然同一班, 但係我地各有各玩, 比起其他三班, 我地明顯係唔團結, 而且唔會有特別聯繫... 嗰陣我真係唔會諗到原來我地都可以keep in touch. 依家搵人, 只要搵其中一個, 就可以開自動波約人, 好方便! 原來係睇下大家有無心, 我地都唔錯! 耐唔耐就會出黎聚吓, 年年聖誕節節仲會開party!!
人地話, 中學時期識o既朋友係最純, 最真... 好"中"呀. 大家出黎, 唔單只講自己近況, 仲會講下自己屋企人! 其中我比人問得最多係... 我家姐幾時結婚?? 啲氣氛就好似以前讀書日日都見面一樣, 無人會比呢樣, 比嗰樣, 只有互相笑吓大家, 笑餐飽又一晚, 好親切, 好舒服!!
如果Jack包同雯清都返黎香港, 我地又可以開party啦!!
