上次開完msn大會之後, 終於落實今次保記同學會歡樂聚餐日期啦! 今次都有好多人: 我, 蕃茄, 小蒲, 小影, 珍妮絲, 柏齊, 阿迪, 渣倫, 巴基, 牛哥同老大(我地有好多花名, 叫起上黎好親切) 牛哥仲話好耐都無聽過人咁叫佢啦! 哈哈!
自從巴基結婚之後, 我地都未見過佢出現, 今次終於見到佢, 好開心呀! 佢可能發現搬左入馬鞍山之後無晒朋友, 所以搬返黎做青衣仔! 我地仲話要去佢新居開party呢! 我地成班只有佢一個已經成家立室, 但係今年陸續有黎, 蕃茄同阿迪都係今年, 渣倫都不遠已... 反而拍得最耐o既牛哥就話未知, 睇黎都要儲個"人情基金"先得!
我地成班人傾左成晚, 講下自己之餘, 又八下隔離班d人, 當然要講下唔係好得我地歡心o既班主任--菲利, 大家好似交換情報咁... 好好笑! 總知成晚只有笑聲! 不過數數手指, 我地已經畢左業十年, 真係黃金十年呀! 我地發現, 以前好似一盆散沙o既"C班", 依家反而keep得最好!
原來個個都咁有心, 真係好!
