小小大食會

自從朋友們各自成家之後，我地終於有地方聚一聚。因為以前同屋企人一齊住，只可以等屋企無人先可以「作反」，依家就唔同，今日就係「荃灣之友night」(即係Summer Mama、小蒲同我)啦!

Summer Mama親自下廚準備左意大利粉，小蒲就帶左好味甜品上去，我就當然負責食了。我個角式好重要，因為又要食又要拎，我地食唔晒啲野，梗係由我攞返去比小巨人消滅晒佢地。(勁!)

好姊妹

上次大集合未傾好的事，今日再特別邀請姊妹們聚餐。

小花貓原來收唔到我琴日個message，攪到佢一知道就由九龍灣飛撲出黎荃灣。仲有蔡太，特別忍痛同小臻臻夜啲見面。利是、小蒲同珍妮都忙於加班，但係都不忘趕出黎開會。當中發生左一啲小插曲，令我有啲失望。不過一見到呢班好友們，我真係鬆一口氣... 有呢班好姊妹們晌度，我真係放心一百倍。

我地見面當然係傾下「大囍日子」當日嘅精彩節目，但係「會面內容絕對保密」。任由小巨人威迫利誘，我都係唔會透露任何軍情架... 死心吧!

反目無情

愛情的背後就是這麼醜陋嗎?

聽到好友說著她的故事，我也真的想跟她一起大哭一場。不是發生了，我也不相信這真的是一個事實... 對了! 愛情的背後就是這麼醜陋。

想起他們以往雙雙對對，他對著她無限的關愛，我們一班好友也相信，他雖然好玩，但她還是很幸福。不料事情180度轉變，我真的不明白，人真的可以這麼「反目無情」嗎? 最醜陋還是有了第三者，他用盡了任何方法甩身，也用盡了任何方法去傷害她。想起也作嘔...

不用怕，還有我們在妳身邊!

白色聖誕

經過連日商討，Honeymoon地點終於有頭緒。不過我地要等到聖誕節先可以出發，所以真係「好貴呀!」。見到個價目表，真係都有啲肉赤。我仲諗過再推遲一啲先出發。

但係小巨人全程比我自由發揮，真係令我好感動。仲話依家揀住先，今次去唔到嘅地方，下次再去過! 佢咁樣，真係會「種壞」我架... 呵呵呵!

白色聖誕，我來了!

無奈

前幾日同菲比通電話，佢十二月真係唔可以返黎香港啦! 問我心情，當然係好失望，不過好明白佢嘅難處。有時候身處異地，好多事已經身不由己。

不過今日竟然收到佢個email。(嘩! 好多字呀! 唔通佢想訓練我reading?) 噢! 原來佢係同我解釋! 菲比好怕我嬲... 傻啦! 我同佢... 大家在心中。 不過一餐五星級嘅晚飯，佢欠定我的了! 嘻嘻!

人生可能總係要有一啲無奈吧... 我明白的!

充滿怒火

或者真係要去上下堂，學下Anger Management，因為發現近日好難收起我嘅怒火。

首當其衝當然係小巨人，今日連蘇太太都不能幸免。其實我心入面都唔係想咁做，但係就好似雙眼著火， 咩都唔理，發左脾氣先算! 情緒好唔穩定同大起大落，心情一時好煩燥，一時又會想大喊， 點算好呢?

但願我學得懂...

5 Ways to calm down quickly
- Take a Walk
- Take a Breath
- Take a Mental Break
- Reframe Your Situation
- Try Progressive Muscle Relaxation

特別鳴謝

今日就係我地總召集嘅好日子，兄弟姊妹們終於碰面啦!

本來令我有啲擔心嘅兄弟們竟然出奇活躍，梗係啦! 佢地幾個由中學已經認識，當然可以一唱一和。反而姊妹們第一次見面，所以大家有少少怕羞。

<<大會特別鳴謝>>
靚女伴娘 -- 小蒲
「花」女 -- 小影
服裝指導 -- 小花貓
物控隊長 -- 珍妮
禮儀顧問 -- 蔡太
大會監督 -- 利是
康樂組長 -- 黎太小小

型仔伴郎 -- 阿紀
美術指導 -- 肥雞
音樂總監 -- 添
領航員 -- 大衛
男司儀 -- 郭生
大隻佬 -- 蘇小弟
大力士 -- 小健

姊妹們，記住認住邊個最多野講，到時佢地就知味道啦! 嘿嘿! 不過到時一定要幫我拖實有「間歇性失魂」嘅小影妹妹，因為佢連我今日約左佢都唔記得左... 激死!

秋季大旅行

天氣漸漸轉涼，真係好想去bbq。 終於有班「會友」肯陪我去癲... 近年自助bbq興起，我好耐都無重遊咖啡灣啦! 今次正好完我美夢。

一到左咖啡灣，就諗番起曾經有過嘅美好時光，讀書時代一班同學仔講起燒野食，我地就會自自然然去呢個地方。今次真係令我晌惱海入面勾起好多個好耐無見嘅臉孔，好彩有更多的在身邊。

我可愛的會友們喔... 今日我好開心! 是日秋季大旅行順利完成，yeah!!

返到秘密基地，見到陳豪勇奪「最佳男主角」同「我最喜愛電視男角色」，興奮得對住小巨人大叫起黎呢!

未解決

唔知第幾次去新天地，我地相薄還未做好呀... 不過夜晚的九龍塘原來都好靚。

新天地個Hello Kitty主題新景區已經整好啦! 我同小巨人偷睇過，都唔錯架。不過咁童話feel，就唔係好啱我，依家promotion係$1,888影20張相，仲有紀念證書。




之後又同小巨人去左旺角睇旅行團，仲未搵到我地個心水行程添... 點算好? 同埋今日已經係連續第n日出街食飯，食到我有啲怕呀!

舊友

朋友圈中很久也沒有一位舊友的消息，我也只是在年初的一個婚禮上與她碰面，她還客套的說我一定要邀請她做席上嘉賓。老實說，我當時真的沒有想過...

最後我想了很久，還是邀請了她。不過舊友最終也婉拒了我的邀請，我當然有點失望，不知道為什麼，但竟然也有舒一口氣的感覺。舊友也有提起班其他舊友們，不過其實失去了就是失去了，勉強提起都只是令大家無言以對。

夏太已經等住做Summer Mama，利是也剛做了錢太，黎太小小依舊有性格，我們現在很好。能認識到這幾位好姊妹，真是我的幸運。其他的就算了，就樣以前的種種完結吧!

洗塵

舊同事公主早已回歸香港，梗係要同佢洗洗塵。

相隔半年再見返公主，人長大了也成熟了，她自己也提到出去走左一轉，見到世界咁大，人也沒有以前那麼執著，放得開了，真係一個好消息。她很快就找到一份很好的新工作，新同事和工作環境也令她很興奮。真好!

我地個晚餐都好豐富呢! 地點就在倫敦廣場的泰屋，雖然訂位時接線生說7:30已滿座要改7:00，但完全沒有時限或者趕我們離場的舉動，食物水準也不錯，可以推介!

重慶咖喱團

今日我地同事們個重慶咖喱團終於成行啦! 事發係有一次唔知邊個口痕講起，大家一哄而起，其實真係我想去好耐啦! 今次難得有人陪我「壯膽」，梗係要去啦!

由小豹做資料搜集，我地好快手就鎖定目標去「7E咖喱王(Khyber Pass)」。由進入重慶大廈一刻開始，感覺真係好奇妙... 明明係香港黃金地段入面一幢大廈，入到去發現自己好好似身處異地。

我地食左好多野，咖哩款式多到我地已經分唔到，芒果味「瀨屎」(Lazzi- 乳酸特飲)特別，同埋薄餅(芝士、原味、蒜蓉)真係好好味! 埋單價錢更係超值，八個人每人都只係$90。下次要真係要帶埋小巨人同夏太黎呀!

西部通道

第一次用西部通道過關，都幾方便，由荃灣去屯門只要25分鐘，再搭20分鐘車就可以去過關了。晌香港，好少見到沿路無咩車... 水靜河飛! 仲有機會影下周圍風景。





今日感覺悠悠閒閒，似去左旅行多啲!

開心派對

完成左錢生錢太結婚嘅婚禮，我就要幫我自己準備啦! 其中一個任務係邀請我地當晚嘅賓客，當中最大班就係我同小巨人相識地方--舊公司嘅同事們。

幾十人入面，我地都仲有保持聯絡，不過當然有部份係比較少聯絡。我初時都怕唔知點講，不過最令我驚喜係一揾佢地，個個反應都好熱烈。好感動呀! 佢地親切嘅態度，真係又令我諗番起大家一齊工作嘅一段開心日子。呢個真係一個比舊公司同事們聚一聚嘅開心派對。Let's party!

雖然舊公司規模細，原來我地已經係第五對拉埋啦... 勁!

錢太正傳

錢太來了... 真係由朝玩到晚! yeah!!

朝早: 接新娘



下午: 註冊


晚上: 飲勝!

錢太前傳

利是聽日就做錢太啦! 亦係我第一次去親身目擊新娘子上頭過程，等我學定野先。個過程好溫馨架，因為充滿住各位屋企人同姊妹們嘅祝福。



原來一點左龍鳳燭之後，新娘子就唔可以講野，直到燒完對燭為止。出奇媽媽仲話邊個支燭燒快啲，就代表邊個惡啲呀!



當然仲有唔少得我地姊妹們要準備下聽日招待各位兄弟嘅道具(超sexy毛毛套裝加工版)... 同我已經晌屋企完成好嘅「愛的宣言」。



期待明天大作戰! 嘻嘻!