以前老闆娘要返加拿大做闊太了, 所以今日就約左佢星期五飲茶... 佢係我以前公司o既上司. 亦都係我出黎工作上第一個正式教我做野o既人.佢出名脾氣差, 如果唔係要返老公公司幫手, 佢應該係日日只係忙住湊仔, shopping, 講下事非同打麻雀o既肥師奶. 有時發係脾氣上黎, 老公都無面比...
雖然係咁, 其實佢對我都幾好, 同佢一齊共事o既時候, 好多野都好放心比我攪! 所以令我晌工作上學到好多野. 做錯野, 佢當然會鬧, 但係都會話我知之後點做返好. 我知道, 佢係真心教我的. 晌我心入面, 係真心感激佢當年對我o既磨練同教導.
唔知幾時先至再見面, 希望佢以後開開心心, 仔仔聽教聽話.
