特別通告: 經過紀律委員會一致通過, 由於陳牛先生紀律欠佳, 被罰停賽一場.所以, 今個星期日就有一日free day, 可以同小巨人去左佢想去好耐o既深水"保"! 依家佢去左大埔做野, 好少時間可以去到佢呢個可以瘋狂shopping的地方. 依家好似古人耐唔耐先出省城辦貨咁, 仲要幫埋公司同事做買手...
點知小風波就出現啦! 我只係讚下我自己乖乖地等佢買野, 順便串下佢平時等我o既時候唔耐煩, 點知只係換黎比佢話返我... "因為你平時真係好耐囉!" 激死... 激到我... 噴血咁滯! 已經好熱, 企晌條街度中暑咁滯, 之後仲要比人奚落! 哼... 唔黑面就假, 點都要佢請返我飲冰凍道地特別版"油切"烏龍茶補數!! 返到屋企小休先知, 原來今日係大暑, 唔怪之得咁熱, 成個人都勁燥添呀!
我地夜晚就同公公出去食晚飯. 雖然佢比我地罰停賽無得打麻雀, 不過佢成晚都笑咪咪! 因為小健聽朝早就由英國學成歸來啦! 我知道佢已經開心到成個星期訓唔著! 公公好鬼馬, 仲特別買左一札好靚o既花接機, 點解我同蘇big返黎o個陣無架... 都話牛叔偏心大孫架啦! 哈哈!
