曙光

經過琴日心情谷底事件之後, 今日返工心情真係戰戰兢兢, 成日諗... 我應該幾時搵pushy好呢? 最後我決定等大部份同事走晒之後先搵佢, 免得太過張揚.

佢竟然好從容咁同我傾計, 仲問我做咩咁擔心... (下??咁都唔擔心...) 我話我晌m主任口中知道, 而且佢叫我搵工呀! 咁我擔唔擔心好? 點知pushy話長遠係的, 但唔代表我唔去就要走, 因為有其他部門有位比我, 佢地已經傾好左"接收"我, 做o既野亦係我做開o既, 所以唔洗擔心咁話. 既然佢咁講, 最大o個個唔信仲信邊個?

eee... 咁我咪可以逃離m主任魔掌? 呢件事真係要多謝佢呀! 估唔到呢件事唔夠24小時就解決左... 今日成個人即刻free晒啦! 笑笑笑笑!

可以開開心心同小巨人過新的一年了! Happy New Year!

心情低落

今日返工時見到m主任坐晌香港office, 心情已經超級低落...

點知佢lunch之前召見左我, 竟然同我講叫我返大陸長註, 仲話有咩compensation想要可以同佢講, 佢試下幫我同公司講, 叫我返去考慮下... lunch之後, 我同佢講話我唔洗再考慮啦, no no no (想死呀...) 然後佢叫我做開o既野照常做返, 因為佢請個人都要時間, 仲話我可能都要搵下工...

唔係呀?? 即係同佢講咩都無用 (反晒眼), 我再打電話問pushy, 佢竟然又話唔係咁, 唔係我唔上去長註就要離開公司... 咁即係點呀? 大佬? 仲話聽日搵我傾...

我知道的... 要我搵過份工真係唔難, 但係要我離開呢班好同事, 我真係有點不捨... 依家的心情, 真想cry!! 結果成日心情跌落谷低, 就連去到K總o既豪門夜宴都無晒心機... (唉)

白頭到老

等左成年, 終於到左蕃茄正式成為Mrs. Summer大日子, 我地成班同學朋友們都極之興奮! 真係要祝佢地白頭到老, 仲要快d生返個Baby Summer比我地成班開心下!

真係好慶幸成個過程我都可以晌夏太身邊, 就晌佢註冊簽紙一刻, 眼淚真的想湧出來. 而且整日過程非常順利, 都真係要讚一下各位姊妹(未來錢太/Y老闆/愛達/阿姐/譚美/奇異)o既超水準表現, 就連開會上表現得冷淡o既兄弟團都有落力演出. 我想... 如果我的婚禮上都有一班姊妹如此超水準, 我一定會勁感動! (TO 夏太: 我真係唔係讚自己, 但係姊妹們真係無得頂!!)

不過數到全場最興奮, 都必定係PLK一眾男男女女, 大家情緒全晚維持最高狀態! 那就當然啦... 夏太係我地一班(常聯絡的)入面第一個出嫁的, 個個都對佢好好, 所以一定係最high! 最後就連Summer家族o既小朋友同二姐夫都一齊玩餐飽!

我地仲有機會見到"好兄弟"令人感動o既場面... (雖然巴基應該唔知自己做緊d咩... 哈哈!) 不過真係十幾年好兄弟先可以咁樣, 巴基真係要好好珍惜小桃啦!

呢個夏梁聯婚, 唔單只新人們, 連我地都好開心呀!

重頭戲

又到我地一年一度聖誕節重頭戲, 就係同舊公司同事們開派對. 雖然搵唔到一個好地方, 但係都只係"至在"有個地方比我地開心下... 所以最後決定番炒簡生屋企.

大家一見面話題真係數之不盡, 不過安迪同花姐姐都有事唔黎得, 所以有d美中不足. 我地今年有10個人, 何生/未來何太/簡生/簡太/劉生/劉太/愛紗/愛紗男友/小巨人同我... 五pair人呀! 本來占占都黎參加, 可惜... 佢家有要事, 知道左, 我個心都有d唔舒服, 不過佢係硬漢子, 我相信佢可以挨得過去的...

我地倒數完之後, 就到左萬眾期待o既時刻-抽禮物!! 每年玩野的都會比人話足成年(例如簡生簡太上年o既底橫... 哈哈), 所以我同小巨人又點可以馬虎... 不過小巨人最後都諗唔到, 就用左我個idea了. 係超實用usb手指! 結果都係最受歡迎, 個個都話"好野"! 而我就買左靚靚無印香薰燈. 好彩抽到o既何生都話o岩o岩想買.

我都好鐘意我o既禮物, 係掛頸headphone, 我想買好耐了! yeah!! 總之個個都盡慶而返! Merry Christmas!!

正蛋拜樂

收到童心o既聖誕卡, 又見到瑤瑤&童童, 真開心! 今年聖誕節仲係一個long weekend, 可以大玩特玩之餘又可以盡情休息, 因為我要抖足精神到27號參加小茄o既婚禮.

今日就開始左聖誕歡樂第一章, 節目係去矇矇屋企開party! 點知放工前佢地先話要買禮物, 咁都好, 比左個機會我見下小巨人. 我地仲去左換想買好耐o既NDS Lite (依家只要申請信用卡就可以換啦! 抵!). 我彩佢都有"重要約會", 等我自己去玩都唔會太內疚... 哈哈!

我同同事們o既party好開心, 除左有美酒之外, 竟然仲有可以比得上餐廳o既聖誕大餐 (好勁!):
1. 炸蟹鉗 + 炸蝦
2. 西洋菜陳腎湯
3. 炆牛肋骨
4. 白汁雞肉螺絲粉
5. 漢堡扒
6. 煎牛柳
7. Ham in Coke
8. 甜品 (pancake)

我仲抽到柏細佬o既遙控飛機... 真係有得食又有得玩呀!
正蛋拜樂!!

超低能, 勁攪笑

終於可以欣賞到期待已久o既lam dog...
原來我地個位都唔係想像中咁差, 佢仲晌我地面前行過! (好興奮!)
舞台上十幾個大大大lam bear真係超讚, 好得意呢!

不過, 我覺得上次好睇d, 可能無咩期望, 所以比預期之中好...
而今次就係全城期待... 大家都好希望再欣賞佢演出.
但係, 有d野我竟然晌其他節目度聽佢講過...
例如軟硬的事, 我記得晌志雲焗飯度聽過!
可能因為咁, 無左新鮮感.
不過都好好睇! Good Show!!

"超低能, 勁攪笑" 係最精彩一part, 林狗扮mk少女... 笑到反肚!

任務完成

Mission 2 completed! (好野, 任務終於完成.)

今日仲同卡文, 海倫, 奇雲&糖糖去"開心時刻"慶祝快樂生辰, 佢地係我d"痾屎"friend, 所以每次見面都會回味無窮. 本來未來得切通知大家FA Project, 卡文已經忍唔住追問. 佢地熱情o既回應, 真係令我好感動. 真係想盡情去同佢地大講特講. 可惜, 星期六還要返工, 只可以下次見面時再詳談...

補返數

琴日發晒脾氣的我, 過左個不太開心o既生日. 今日一朝早接到小巨人電話, 佢唔單只無怨言, 仲陪我去街街, 今日一定要補返數呀! 其實佢都好無辜... 又要請我食多餐... sorry!

我地仲順便去睇左一個作戰場地, 結果又係比小巨人reject了... 不過我都覺得呢度唔係太理想, 而家就要等到星期五... 小巨人做最後決定. 希望會有好消息啦. 本來想帶小巨人去個未去過o既地方, 但係行行o下佢又唔願行 (好似d小朋友咁), 我地都係去左outback食, 但係好好味! 小巨人仲送左份生日禮物比我, 就係... 送我去搭巴士! 呵呵!

因為呢次特別約會, 我唔可以去蕃茄同中學同學們o既聚餐... 不過佢地等我, 見我一面.

難忘的生日

今年生日應該幾難忘, 又累又肚餓又眼訓...
最後發晒睥四的我, 要攪到小巨人硬食左好多野...

其實我應該知道, 佢咁夜都晌大陸仆返落黎, 真係好好...
其實我應該知道, 佢諗到我諗唔到的細節, 真係好細心...
其實我應該知道, 佢有時覺得d野唔o岩佢食, 真係唔可以勉強...
可惜, 我最後都爆發了...
對不起,我錯了!
心情超級差中...

過山車

今日心情好似過山車... 高低起伏不定.

原本約左蕃茄,利是同黎太慶祝生日, 因為我同黎太只係相距兩日, 所以每年都會一齊慶祝. 但係今日收到利是的壞消息, 黎太爸爸走了... 我即時眼紅紅起o黎... so bad! 蕃茄唔知係咪有婚前抑鬱, 心情亦不太好. 所以同佢講咩都提唔起勁, 實在令人擔心! 晚飯仲有熊貓ee同心心, 佢地都係利是同黎太o既好姊妹, 所以一提起黎太o既事, 我地五人都feel so sorry! 晌大家心情都好沉重之下, 我地o既晚餐都好早散場.

剛剛收到他他電話, 於是我就拉埋佢去陪我去睇下佢之前向我推介o既作戰場地, 地點就晌尖東. 今次負責人見到我地非常熱情, 而且仲有燈汁飲, 地方唔錯呀.... 仲係新裝修過. 令到我都心郁郁!

我當然又打比小巨人報告, 仲約佢聽日又再返睇. 但係... 佢聽日要返大陸, 會儘量早d返到香港... 我攪到大家都好心急呀...

佢聽日會唔會陪唔到我呢?

幸運?

Mission 2 - 作戰場地

今日收到電話, 作戰場地o既第一目標竟然有位... 唔通真係咁好彩?

所以夜晚同公公食完晚飯之後, 我已經急不及待帶小巨人去參觀. 不過去到之後佢又有好多問題發問, 問到我又發脾氣了. (而家冷靜過後諗起, 我係咪因為太開心而沖昏頭腦呢? 其實小巨人o既想法係o岩的. 而且好細微o既地方佢都諗到, 可能我真係太大意了.)

好彩同負責人傾完之後都可以解決到小巨人提出o既問題, 仲相約晌今個星期五作final confirm... 希望唔會再有問題就好了...

把酒言歡

今日去左同事蒙蒙屋企開party, 事緣係我同佢晌msn度講起要去佢屋企玩, 講o下講o下... 我地最後竟然約到咁多人. 除左我之外, 仲有小神童, 他他, 柏師奶, 阿咪同威廉.

原來蒙蒙仲對diy好有研究, 佢已經話可以幫我準備FA Project其中一樣好重要o既必殺武器--波波!! 仲可以包辦埋眾隊員o既團章... 好開心呀.

成班酒鬼一坐底就飲酒, 不過唔係狂飲o個隻, 而係把酒言歡, 所以氣氛好好. 一時講下公司o既傻人傻事, 一時又比我有機會投訴M主任, 更加比阿咪有機會同他他"馨馨我我" (簡直令人打晒冷震). 我地仲好似人地d餐廳咁, 美食一浪接一浪... 最後, 我地竟然飲左8支紅酒同2支白酒.

其實我都幾幸運, 晌唔同公司都可以識到朋友, 仲要係好有heart o個隻. 雖然唔知第時會點, 又唔知會晌度做幾耐, 不過我諗我都會keep住搵佢地的.

新婚煮飯貓

今日約左剛剛新婚一星期o既小花貓食飯, 順便去行街街... 不過8點鐘有conference call, 所以只可以走馬看花, 好彩都比我搵到公司抽獎用o既聖誕禮物.

好耐都未試過要同老外開會, 想起上年個個星期披星戴月o既生活, 我覺得依家只係講電話已經唔錯. 可惜我地去o既餐廳太嘈了, 結果我要坐晌人地後門樓梯同佢地慢慢講. 幸好表現不過不失, 還可以應付. 不過我比d蚊滋咬到成面都係之餘, 仲要小花貓呆等左我半個鐘. 真係好唔好意思.

不過我知道出名脾氣好o既佢又點會嬲我呢! 善解人意o既小花貓仲比左個驚喜我... 佢竟然買左生日禮物比我, 真係估唔到... 因為我只係想同佢食餐飯, 仲係補償我o既"過失"! 之後我地又講起FA Project, 佢叫我唔洗擔心之餘, 仲好樂意幫手... 勁感動喔!

我真係"愛死"佢, 可惜佢已經做左人地煮飯貓了... 希望佢地新婚happy!! sweet sweet!

提早的歡送會

前幾日收到個消息, MIT部長歷奇辭職了, 因為佢要逃離pushy的魔掌! 不過都唔係唔好, 因為佢係搵到高薪厚職o個隻... 真好! 雖然離佢last day仲有成大半個月, 我地一班同事已經決定琴日同佢攪歡送會.

地點係銅鑼灣韓國餐廳, o個度應該好好生意, 因為我地等左好耐先有位. 我地仲竟然見到Beyond o既細榮, 真人好型呀! 我本來見唔到佢的, 但好奇怪點解呢個人頂帽咁sharp, 唔通d明星都係咁的嗎??

雖然要等到9點幾先有野食, 但係真係好味架, 我都忍唔住食左好多. 原來d酒仲係餐廳特別offer任飲的(因為柏師奶係常客), 成班酒鬼又點會放過呢個機會... 我諗佢地只係飲酒都補返數. 個個都high到差d要跳舞. 結果我地玩到由銅鑼灣好繁華變成一個人影都無... 我琴日又搭尾班地鐵返屋企了.

生日週

今日開始左我o既"生日週", 每日都同不同好朋友們慶祝... 好開心!

今日係小蒲, 蔡太同珍妮去左青衣城意粉屋, 我地仲傾得好開心. 嘩! 我仲收到生日禮物, 係頸巾同sogo現金卷, 可以買咩都得啦! 唔知係咪呢排食少左野, 唔係好夠energy, 我個頭超痛. 不過一食完野, 又好神奇咁唔痛了... 仲可以去泳妮屋企家訪!

其實我係去八掛o下佢同馬文o既甜蜜新居, 佢地下年6月就拉埋天窗. 靚到"嘩"一聲呀! 雖然唔係好大, 但係勁warm! 好羨慕! 我地又一lun咀講起R小姐... 總之好好笑. 泳妮仲邀請我去佢o既婚禮, 我梗係一口應承, 佢請我的話, 我一定會去的!

等

FA Project: Mission 2 - 作戰場地

今個朝早不停打電話比琴晚睇中左o既作戰場地,
因為負責人話要再問返有興趣o既另一隊隊伍o既關係,
結果... 要等到今個星期日先有消息.
等等等等等等等等...

所以lunch立即拉他他同小神同陪我去買左雜誌,
再不停打電話, 竟然又有d意外驚喜...
等我今晚又去睇下先!

(Mission 1+2 一齊做, 好忙!)

作戰場地

FA Project: Mission 2 - 作戰場地

今日努力的打電話, 打電話, 打電話去搵作戰場地... 點知都係換來失望o既結果... 咁都叫做遲? 真係令我意想不到. 唔通我已經同時代脫節? 奇怪! 奇怪!

終於比我搵到了, 所以拉埋玲姐陪我去睇, 但係去過另外一個地方, 又換黎一個驚喜! 唔通真係等緊我? 所以立即急不及待打電話比小巨人報告. 但係得意忘形的我, 竟然忘記辛勞的他仍在努力工作中... 亦令我煩躁指數急劇上升... 後來得到玲姐o既安慰, 小微ee o既幫忙同小巨人o既支持, 令我好感動!

聽日一定要爭取時間!!

六十大壽

恭祝蘇老大今天六十大壽, 福如東海, 壽比南山!!

今日除左係蘇老大六十大壽之外, 仲係佢第一日榮休o既大日子. 平時作息非常有秩序o既佢, 要佢一下子休息咁長時間, 可能會有d唔習慣, 不過我諗呢個都係一個好時機比佢享受人生. 得閒仲可以去遊山玩水, 但係希望佢唔好掛住晌屋企鑽牆啦! (有時我懷疑呢個係工程人o既嗜好... 小巨人都係咁架!! >_<)

我知道蘇老大今晚好開心, 因為佢收到好多禮物呢! 勞力士我地買唔起, 所以買左隻"蘇老大六十週年紀念版"(我作的)手錶比佢, 仲又有公公大利是, 米高o既美酒, 小健越洋order"英國百老匯"手提電話, 愛兒蘇小弟o既高級"白飯魚"一雙, 仲有蘇碧宴客o既豪華大餐... 我知道實在令蘇太太非常妒忌!

Happy Birthday to "So Daddy"!!

秘密基地

FA Project: Mission 1 - 秘密基地

我地今日正式行動去搵我地o既秘密基地, 我同小巨人去左好多地方, 依家只係初步了解地理環境... 有一d地方好, 又有一d唔好... 以前諗唔好o個d又好似幾好, 幾好o個d又好似真係幾好! 好亂呀...

其實對於揀咩都三心兩意o既我o黎講, 呢個mission真係一個大挑戰. 好彩唔係我做決定... 呵呵! 真係好累好累, 返到屋企已經無晒力量了. 但係好開心呀!

冬季旅行

今日公司去旅行, 好彩天氣風和日麗, 真係去揀o岩好日子!

但係同事們反應唔多擁躍, 我要支持他他攪o既活動, 而且只有我呢個十二月之星, 所以一定要出席. 經過星期四歡樂今宵一役之後, 我同他他, 小神童, 柏師奶仍然勇戰到底! 勁呀!

今次地點係西貢海域一個渺無人煙o既魚排, 個排主好好人, 幫我地準備左好多好好味又新鮮o既海鮮, 除左魚蝦蟹有齊之外, 仲有一粒沙都無o既聖子. 所以我地成班"婦女"都忍唔住問佢究竟有咩秘方可以整到咁好味, 但係排主竟然話佢都只係買街上面o既, 不過講明有沙唔比錢 (o下...!)

酒后柏師奶當然唔放過任何一個可以品嚐美酒o既快樂時光, 所以特別情商大小姐贊助公司珍藏陳年佳釀同自備紅酒共半打, 而且仲有啤酒無限量供應. 結果加埋骰仔, 麻雀排九, 耡大d, 十三張等o既威力, 個個都勁high... oh! 我實在唔應該贏pushy咁多... (話晒佢都係我老細!) 總知個個都樂而忘返!

仲有要祝小花貓新婚快樂, 甜甜蜜蜜!

歡樂今宵

琴晚玩到今朝六點先返屋企, 當然又係我同小神童雄霸K場o既時候了...

事緣係他他搵到加洲紅有全單六折優惠, 我地點可以錯過... 所以廣邀各界英雄陪我地去玩. 梗係有我, 小神童, 他他同柏師奶&柏細佬, 今次公主同阿苗都同我地一齊去狂歡. 不過公主話明係公主, 所以有時感覺有點格格不入. 其實大家出街玩得都係好朋友, 如果拉住一兩個人埋對自成一角, 我覺得會無咩意思... 結果佢地一走左, 我地竟然有鬆一口氣o既感覺... 奇怪!

不過見到阿苗好開心, 佢仲話我知佢同新男友o既情況, 聽到都替佢開心. 我好鐘意同佢談天說地, 因為以佢各樣條件(不論背境/樣貌/學識/職業), 實在可以做大小姐唔洗做, 但係佢好真, 又大情大性, 所以同佢傾計好舒服!

好戲原來晌後頭, 個個越夜越精靈, 我地幾個就玩到傻左, 仲唔捨得走! 我知道公司今日一定死寂... 因為我地都在渴睡中(zzzZZzzz)!

一場好戲

又到星期二睇戲優惠日, 所以我同蘇小弟見到有咩好戲, 通常都會約埋玲姐一齊去睇, 順便去食飯行街街. 今次我地揀左墨攻, 又有劉華啦! 我覺得好好睇呀! 雖然講套戲講戰爭, 但係都唔係好血腥. (我好怕血淋淋o既場面架...) 仲有d魔介feel... 哈哈!

不過d影評話最鐘意係個電影o既主題, 因為墨攻即係"墨子攻略", 而墨子攻略又主張"非攻兼愛", 不過其實即係咩呢?? 等我去查一查先:

墨家是戰國時期重要學派之一，創始人為墨翟。這一學派以「兼相愛，交相利」作為學說的基礎：兼，視人如己﹔兼愛，即愛人如己。「天下兼相愛」，就可達到「交相利」的目的。政治上主張尚賢、尚同和非攻﹔經濟上主張強本節用﹔思想上提出尊天事鬼。

原來係博愛呀... 又上左一堂了! 仲有呀, 劉華好型... 原來佢大部份o既戲我都有捧場呢! 小健都笑我地係fans了!

第五個星期

今個星期o既覆磅程序o岩o岩完畢,
結果係... 又重左半磅.
進展好緩慢呀!

唔知係唔係食左d消炎藥關係,
今日個人都有d腫... 手腫腳又腫...
(真係賴得就賴?)

仲有一個月就係小茄的大日子.
依家有d灰心... 點算好...
咁我除夕夜仲有無得去大拆一餐呢???
(倒數到除夕仲有34日)

眼紅紅

我諗我琴晚一定喊得好厲害...

因為我發現小巨人竟然趁weekend同佢o既好朋友們去左上海唔話我知, 仲話:"我出trip嗎! 就算話左比你知, 你都唔會去架啦!" 跟住我就喊起上黎, 又走左去... 情況一發不可收拾. 我仲晌條街亂行亂撞, 喊到無力又唔知去左邊度... 點算好呀? (好彩全部都只係發夢.)

不過我一醒左, 刷刷眼睛... 發覺左眼發炎了... 最終都係要去睇醫生, 竟然等左兩個鐘! 直到三點先有lunch食! 依家隻眼又痕又痛...

金馬影帝

琴日晌新聞上知道Aaron憑住新戲父子得到金馬影帝(仲係連續兩年), 好開心呀! 因為佢努力工作, 終於有成果啦!

曾經有一段時間對佢好失望, 我記得有一年佢無咩工作, 只推出過一d唔係好多人識o既歌, 最多人講只係話佢買左幾多架新車, 又或者追邊個女仔, 最後當然得唔到d咩獎項, 但係佢竟然話點解無獎... 直到上一排人人都話佢"唔得", 佢又竟然無放棄, 仲更加努力開左個好好睇o既演唱會. 好勁呀!

呢排又有報導話佢有新女朋友了, 幾好呀! 個女仔係模特兒, 都幾靚架! 快d結婚生仔啦... 唔通幾廿歲人仲孤苦零丁咩... 事業愛情兩得意仲好啦!!

我的Honey

琴晚終於約左三年(原來數數手指, 已經三年)無見o既小花貓... 佢下個月結婚啦! 恭喜恭喜! 佢o既新居好近我家, 我仲上左佢新居參觀(勁呀!49樓連天台), 無敵180度全海景view... 望落去下面, 真係有少少腳仔軟 (嘻嘻!)

唔知點解, 我地竟然有幾年無聯絡. 讀書o既時候我地係出左名o既孖公仔, 有佢o既地方就會有我, 就算晌學校見完面, 返到屋企又會一樣照煲電話粥, 樂此不厭! 直到我去左澳洲, 我地仍然keep住咁close... 我亦唔會諗到我地竟然有三年係完全無大家消息. 甚至佢婚訊, 我都只係晌朋友口中得知! 兩個星期前, 晌小茄姊妹大聚會入面見到大大姐, 佢都有問我點解... 我竟然真係答唔到佢. 我話佢知好擔心見到小花貓之後唔知講咩好, 大大姐叫我唔洗擔心, 因為我地咁close, 一見到面係唔會有隔膜的... 當時我都好猶豫.

原來大大姐講得o岩架, (多謝你喔!) 因為我地一見到面, 話題好似講唔完咁... 一晚o既時間真係唔夠. 好想好想同小花貓傾過痛快, 不過我會耐心等佢大日子之後再見面.

今日收到小花貓的blog, 睇完一刻好驚訝, 因為發現原來佢長大好多, 更加已經完成左MBA課程 (好叻女呀!). 同佢MSN的時候, 我更加眼濕濕, 一方面慨嘆我三年都無同佢聯絡, 竟然完全唔知佢動向; 另一方面好興奮, 我地終於重逢... 呢個感覺我之前從來未試過.

我地要追返唔見左o個三年呀... 一定要成日聯絡!

和好如初

今日同珍妮慶祝生日, 仲有小蒲 & 蔡太, 我地有幾個月無見面了, 所以四個女仔不停口.

我知道珍妮鐘意食日本野, 所以我地就下定決心去等人龍超級長o既元氣壽司, 如果唔係我地四個女仔吱吱喳喳, 睇怕我都無咩耐性去等. 好野, 順便可以完成蘇小弟交比我o既任務... 儲印仔去換元氣discount card! 最後得到小蒲仗義幫忙, 得以mission completed, 真係無言感激!

不過最開心o既都係見到珍妮開心左好多好多, 同蔡太好似以前咁"孖公仔", 咁樣已經令我同小蒲放心了! 咁咪好o羅! 初時我地仲為生日禮物而煩惱, 只怕買咩比佢都令佢提唔起勁... 不過當我地陪佢拆禮物o既一刻, 我感覺到佢"返黎啦!", 佢開心o既開心燦爛o既笑容令我好安心. 之前o既不安都煙消雲散...

我一向眾姊妹提到我同小巨人的"FA Project"時, 佢地第一時間話要幫手, 真係好感動.

煩惱的開始

本來今日好開心, 因為小巨人今日出省城,
仲"邀請"我陪佢食飯. (多謝晒喎!)
我地開始諗我地個"FA Project"啦.
講到我地好開心...

但係返到屋企, 話比蘇太太知"FA Project"時,
點知... 所有野都唔係咁簡單!
第一個Step都未開始, 我就已經發瘋了.
一提起所有野, 已經令我EQ指數急速下跌...
點好呢? 點好呢?

真係煩惱的開始.

第四個星期

今日剛剛係一個月o既時間,
呢個星期磅數無咩變...
瘦左都無一磅.

無咩心機呀.
點解好似無咩進展咁.
唉...
(倒數到除夕仲有42日)

約定

我們的約定...
好似發緊夢咁!
sweet! sweet!

向全世界說愛你

歌手：許志安 | 作曲：Junichi Inagaki
填詞：張美賢 |

＊全世界也安靜　為了聽我宣佈
　從前我最想找的已經遇到
　全世界也感動　我真心我真意
　同誠意送上祝福兩相偕老＊

有你便有最好　心因你自豪
同行共上路　有多驕傲
愛完全給你　亦同樣得到
動情原是極美的消耗

＃每一個羨慕　我都感覺到
　向憂鬱苦惱寫句號
　印於這路上　沒前後的腳步
　心扣心由長夜吻到清早＃

REPEAT＊

愛共你探討　火跟你製造
情全面傾倒　放膽表露
我從前雖也　像條害羞草
講I love you　沒半點吞吐

REPEAT＃＊

來陪你引證此生愛可不老

回家

蘇老大同蘇太太終於返到香港啦! 佢地去完北海道返黎好開心, 見到落雪之餘仲睇到好靚o既夜境... 講到眉飛色舞, 我都估到佢地對今次行程好滿意. 佢地仲買左好多零食返屋企, eee... 我減肥喎. 慘啦! 有得睇, 無得食!

我同蘇碧的禮物係小樽音樂盒同一條手鍊, 蘇小弟仲勁... 竟然係一品神戶牛柳, 因為個個都知佢係食肉獸, 佢知道一定好開心. 我第一次晌日本都試過神戶牛柳, 我平時唔食牛肉的, 但係o個d入口即溶o既感覺真係好好味.

蘇碧返左屋企之後, 我問蘇太太點解會買手鍊, 佢話因為知道我o個條爛左好耐, 見到人地d妹好仔買了, 佢就諗起我... 但係又唔可以我有蘇碧無, 所以買左兩條. 聽到蘇太太呢番說話令我好感動. 我已經即刻穿晌手上... 後來我發現呢條應該係腳鍊黎的, 不過唔緊要了! 哈哈...

大解放

今日同蕃茄出左金鐘agnes b訂花球, 好靚呀! 佢o既婚期真係越來越近了...

今晚又係我大解放o既晚上, 因為可以出街食. 不過都唔可以太放縱, 所以我地都只諗住買三文治算了, 點知名店廣場即係名店廣場, d鋪頭早早已經收工, 連我地想買三文治o既地方都唔例外, 跟住想去starbucks睇下, 點知三文治已經sold out! 好彩最後都搵到一間deli, 可以比我地坐低慢慢嘆...

好耐都未飲過咖啡, 今日趁大解放晚餐, 我終於可以來一杯latte... 正呀! 我地嘆嘆咖啡, 傾傾計咁又一晚... 簡直係一大樂事.

有得睇啦!

好野! 終於買到飛睇林狗的talk show, 之前好心急等佢賣飛, 仲成日check住, 好彩終於買到了! 不過都係全靠蘇小弟, 因為佢肯挨義氣晨咁早(7:30am)落青衣城排左4個鐘, 我地先至有得睇, 真係要鍚鍚呀 ^*^

不過我之前琴晚一點幾先知道轉左賣飛地點 (唔係平時o既地方), 蘇小弟又熟睡中, 所以我要貼到全屋企都係notice通知佢. 如果佢去錯地方就慘了... 真係好驚險!

今次晌會展攪, 又加上之前已經有預售, 所以我知道d位一定唔好的, 都唔會好似上次e館咁正, d位又平又靚... 不過有得睇已經偷笑! 仲好期待快d睇到就好了!! kekekeke

我又想講下個快達票system好唔得呀, 又慢又hang機又要每張飛收多$5手續費... 好搵笨!

精靈爺爺

今晚放工之後入左沙田探爺爺, 醫生話佢個肺照到有陰影, 所以要入醫院做個詳細檢查. 希望佢無事可以快d出院啦!

佢第一眼見到我, 竟然問我係咪減肥, 佢話見到我瘦左(呵呵!), 我都覺得好驚奇... 因為爺爺雙眼唔係太好的, 要好近先至認到人架! 佢仲叮囑我唔好減太多了, 一陣病左就唔好! (係!我知道了!) 今日同爺爺傾左好耐計, 原來佢之前擔心我上一份工o既事 (eee... 係我自己爆晌口嗎? 連我自己都唔記得了...) 我話比佢知依家無事了, 而且依家工作上好穩定, 已經做左年半, 叫佢唔洗擔心!

其實我從來都無諗過, 爺爺都會記得我o既事... 因為蘇big係大孫, 而且成日探佢; 蘇小弟就係唯一男孫, 所以好錫到佢; 堂家姐同堂細妹就住佢隔離, 所以會成日見到面... 而我呢, nothing吧 (我晌班"族人面前好低調的)! 不過原來都唔係我所諗的...

三姑姐又同我地講, 其實爺爺成日都好掛住我地... 收到!

第三個星期

今日又去覆磅... 瘦左兩磅!
我要努力努力!
胃口真係細左,
雖然有時都有肚餓o既感覺,
但係已經無咁強烈!

不過"介口"真係好辛苦,
見到想食o既野都唔可以食... (嗚嗚!)
我唔理... 今年除夕, 係我大解放日呀!
(倒數到除夕仲有49日...)

沒有爸媽在家的日子

蘇老大同蘇太太今日出發去左北海道旅行, 星期四先至返. 細佬又要返通宵, 屋企得返我一個... 所以我決定今晚都係去公公屋企.

不過仲有四日呀...

姊姊妹妹

今日係MJ (蕃茄+Mr.Summer) 聯婚中兄弟姊妹團大集合o既日子, 依家只係仲有個半月時間... 相信小茄已經好緊張! 但係我有信心, 我地姊妹們 (我 / 黎太 / 靚C / Y老闆 / 愛達 / 大大姐 / 譚美 / 奇異) 一定可以幫到佢, 因為個個同佢都咁friend!

我地姊妹們氣氛勁好, 就連唔相識的大大姐同黎太都有講有笑, 成晚都嘻嘻哈哈, 好開心! 最緊要係當我地知道新娘子真係好緊張時, 各位都好主動舉手話負責邊一部份, 絕無冷場... 比著我係蕃茄, 我都會勁感動! 我都好羨慕佢有呢班好朋友咁幫手! (自己讚自己??)

但係d兄弟們就冷淡得多, 竟然圍埋一齊打PSP同睇電視 (激死!), 不過黎太話依家多數都係咁, 可能係d男仔聽晒女仔話掛, 任何事都無意見... 所以我地決定到時接新娘o既時候, 佢地就知味道 (嘿嘿...)!

舊友見面

今日同簡生/愛紗/何生/未來何太/安迪/小巨人去食日本野, 簡生見到個email咁推介, 我地都充滿期待... 點知, 簡直大失所望, d野好難食呀!! 但係都無損我地一班人long time no see dinner!

何生同未來何太晌下年一月結婚啦! 所有野都籌備得七七八八, 只差濕濕碎碎o既事. 原來簡生/安迪/愛紗/花姐姐都會做兄弟姊妹, 真係好開心呢! 成晚都係圍繞住佢地o既happy wedding, 我地話應該係舊公司o既年度聚餐, 因為會有好多好多新舊人一齊同佢地分享呢個喜悅!

原來數數手指, 我地已經差唔多兩年無見過安迪, 自從兩年前o既聖誕節... 諗返起我同佢地o既相識過程, 都覺得自己好好笑! 睇返又覺得自己好細個, 只不過係幾年之間, 心態突然轉變左咁多... 我地已經約左一年一度除夕夜o既聚會, 希望可以齊人啦! (已經係連續第五年啦, 好難得!)




(另外, 今日知道左朋友o既朋友R小姐一o的是是非非... 我只係旁觀者, 唔可以有評論. 只可以講, 好彩我身邊應該無呢d人出現. 只希望呢件事唔好影響到我d好朋友就好了...)

美食的引誘

今日好早返到屋企, 仲竟然晌巴士上面"撞"到蘇老大同蘇big... 好好笑! 返到屋企, 原來連蘇小弟都晌度, 今日係咩特別日子呢? 咁齊人o既?

我又唔可以同佢地食飯啦, 因為仲"享用"緊我個減肥餐! 但係蘇太太o既美食實在令人好難忍... d"送"香到我一聞到, 個肚就立即打鼓了! 所以最後我都係忍唔住食左... 大約一隻指甲咁大o既豬肉餅 (仲係蘇太太的拿手小菜呀)! 好彩, 我仲可以飲到靚湯... 好好味呀! 真係飲到停唔到!

天呀... 我幾時先可以食媽媽飯呀?

擔心

晚上收到蘇碧的msg,
佢話我知爺爺星期四要入醫院...
因為上次做檢查,
報告出黎話肺部有陰影.
究竟係咩野事呢?
實在令人好擔心...

心中的一團火

今日睇新聞知道 "陳馮富珍最高票 殺入世衛總幹事最後五強" , 其實我都有留意呢次競選o既報導. 本來有香港人參選, 我係要感覺無限光榮先o岩!

可惜... 我仲好記得2003年沙士開始o既時候, 佢晌電視度大大聲叫人"唔好戴口罩", 仲表示依家香港無事, 結果原來係一發不可收拾! 之後佢o既眼淚(晌立法會比人問返沙士當時o既情況時)多與少已經唔重要, 因為我只係知道, 呢一次因為佢地呢d高官遲疑o既決定, 令好多香港人病死了!!

依家只不過係幾年之後, 佢竟然將呢件事本末倒置, 話自己有處理沙士經驗... (shit!) 呢件事真的令我對佢好反感! 佢可能係一個好能幹o既人, 所以得到中國支持, 如果當選左, 真係希望佢好好反省... (依家越講越火呀!)

第二個星期

今個星期竟然肥左一點三二磅...
成個人謝晒呀... 重有d腫o既感覺...

原來我呢兩日飲得唔夠水!
定係因為小巨人比我食o個兩大粒"碧咸"朱古力呢????
慘呀... 嗚嗚

探婆婆

今日去左探婆婆... 公公又係之前一晚無訓到, (所以下次都係唔好預先話佢知!!) 不過佢今次叻仔左, 無再喊得咁厲害! 我同婆婆講, 佢一定要保佑公公身體健康, 我地都會乖乖地睇住公公的! 不過呢個小朋友琴晚無訓覺, 所以返到屋企唔舒服, 今個星期無得打牌了!

上幾個星期有日發夢見到婆婆, 佢著得好靚, 好高貴, 仲同公公&阿芝一齊飲茶! 晌隔離o既蘇太太, 只係細細聲同我講:"婆婆真係唔記得左我地啦!", 之後我就嚇醒左... 唔好啦! 我知佢一定唔會架. 仲會成日"看"住我地, 睇下我地有無"壞"!!! 我真係好掛住佢呀!

夜晚我地就去左爺爺o既"生日會", 其實係全家人食飯! 佢好happy, 精神都唔錯, 食完飯仲四圍走! 又要飲酸梅湯... 又係一個小朋友咁!

希望所有老人家都身體健康, 日日都開心快樂!

翡翠歌星賀台慶

今個weekend, 我同小巨人的重頭節目, 當然係"翡翠歌星賀台慶"!

我地仲怕出去食飯唔夠時間返去睇, 所以特別早d食晚飯. 今年有黎明同劉德華合唱, 令我都好期待! (好似小fans!) 晌電視上見到佢地好開心, 係成個節目最令人興奮o既一個環節!

因為我地個年代, 佢地兩個鬥得好勁, 就算唔係佢地兩個鬥, 兩幫fans火藥味都好重. 不過, 我兩個都唔幫, 因為我係郭富城一派的(哈哈)! 蘇big就係黎明, 小健就係劉德華... 結果我地屈左蘇小弟係張學友fans (原來佢係學生情人--劉小慧o既門徒先真)! 依家講返仲可以笑餐飽!

原來, 佢地真係帶左好多回憶比我地呢個年代出世o既人呀!

捨不得你

菲比終於走了... 其實我都好唔捨得佢, 不過一諗到佢為左佢o既新生活而勇敢的去爭取, 我都要為佢打打氣同默默地為佢祝福.

有時候, 我都會諗起同菲比一齊生活o既兩年. 雖然只係短短兩年間, 但係相處時間可能比我任何一個老朋友還要長, 依家唔會再有機會比我認識到無論性格/習慣/喜好都同我南轅北轍o既人, 但係又出奇的合拍. 那一段日子, 大家一起共同努力, 雖然有笑又有淚, 但係我呢一生都會好珍惜o個一段日子.

糖糖仲估我會係第一個喊的人. 但係我無... 因為我知道, 今次的離開, 係為左下大家一次見面, 仲係一個大家都非常期待的見面! 雖然我心入面都係好唔捨得...

臥虎

今日難得係假期, 我同小巨人終於可以去睇下戲. 我地好耐都無去睇戲啦... 最後"放遂"時間唔好, 我地就決定睇"臥虎"了, 因為睇張poster都幾吸引, 有份演出o既演員我都幾鐘意, 點知...

成套戲最吸引就係張海報同演員了... 原來演員做得好, 都唔代表套戲好睇架! 最奇怪係條愛情線竟然係晌曾志偉同郭羨妮度!! 所以可以想像得到, d劇情有幾"渣"! 之前d人話香港電影唔好睇, 我都唔同意. 我覺得有d戲, 明知係爛戲都去睇, 就無得好講. 不過今次竟然中招了... 我以為會唔錯的, 所以有d失望!

好彩, 夜晚去到小巨人的屋企有好味巨人媽媽飯食, 補返數!

舊同學的婚宴

人地話, 人大左見到舊友的機會, 都不外乎紅白二事, 我諗我可能已經踏入呢個階段啦! 最得意o既係, 我的好朋友們全部都有去, 反而請我地去飲o既新郎就同我地唔係好熟... 我地仲講笑話總知我地自己約去食飯, 仲可以去行街街! 不過都係比個機會我地成班女仔全晚吱吱喳喳講不停. 可能呢d就係女仔o既天性...

其實新郎哥(阿迪)對我地都唔錯的, 仲特別晌咁忙o既時候走黎同我地傾計. 我諗佢係個好細心同錫老婆仔o既人, 我會好記得佢特別為佢太太唱左首歌(黎明的你令我了不起)... sweet sweet!

白色巨塔

Jerry 的新電視劇... 白色巨塔

白色的醫袍下，各自包裹著不一樣的心情，看似聖潔寧靜的白色巨塔裏，醞釀著一場無法遏止的權力鬥爭，內科與外科主任為了角逐醫院院長的職務，一場爾虞我詐的人性角力就此展開…

一座巨塔裡，兩場手術引發未來一連串的風波，這些與神爭人的行醫者，檢視出自己的不堪。當愛在巨塔裡成形，是否也會在巨塔裡被扭曲變形？我們該如何掌握生命？或許答案就在蘇怡華的笑容，一個千山歷盡依然堅真恬適的笑裡。

佢真係靚仔到暈 ^_^

第一個星期

地獄減肥的第一個星期成績表...
我瘦左5磅呀!
依家無咁水腫了!
好野!!!

但係仍然好肚餓 @_@

下定決心

仲有兩個月左右, 就係小茄大喜日!!

今天, 我下定決心要減肥了...
(諗諗下都有d肚餓!)

媽媽...生日快樂!

琴日係蘇太太o既快樂生晨, 所以決定今日去大"拆"一餐, 我地又入去東涌去食超平自助餐!

比錢o既當然又係蘇碧, 我都無咩可以送比蘇太太, 所以下午去左準備... 一紮超迷你O既太陽花 (不過好可愛的)! 其實我諗到, 好似咁大個都未買過花比媽媽, 今年生日可以比個驚喜佢! 佢果然好開心, 仲不停望下!

我知道佢真係好開心, 因為夜晚蘇老大返到屋企, 蘇太太立即晌佢面前"演野"... 哈哈哈!

Happy Birthday!

好日子

今日係表哥結婚o既好日子, 我地當然又要全家出動了...

其實表哥&堂姐係同我同年的, 所以由細到大我都只叫佢地個名, 我記得晌我地讀小學o既時候, 我地三個仲好friend, 不過之後就好生疏啦... 依家佢地兩個都已經結左婚了, 堂姐仲有左bb呀! 不過諗起又覺得好得意, 大家成長經過唔同, 我諗都有關係的啦!

原來今日仲係好多紀念日:
1. 表哥的婚禮
2. 細姑姐的生日
3. 表妹的生日 (原來佢兩母女係同一日生日的)
4. 堂姐的預產期

除左表哥的婚禮, 其他的只係今日才知道!!! 其實唔係我唔想認識佢地多一d, 可惜... 沒緣份吧!

我知道好多事都唔係我可以選的... 只有無奈...

又有好消息

今晚去左做家訪, 就係利是同錢生晌天水圍o既新居... 超超超大喔!!! 而且佢地又有好消息要宣佈, 下年11月4日就結婚啦!

今晚仲有好耐無見o既狂野健, 小狗, 阿昌, 小田, 同黎太, 我地知道呢個消息實在太高興, 因為利是同錢生係我地一班朋友o既"核心人物", 可以想像到時大家比依家仲會更開心!!! 我好耐無見呢班朋友, 但係大家見到面o既時侯, 仍然好似老朋友一樣, 說話唔需要有任何修飾, 大家完全無變. 變o既可能就係我地之間o既話題, 竟然已經去到世界大事同結婚生仔, 遲多幾年, 可能會變成湊仔經.

狂野健依舊咁純咁真 (仍然同黎太成日鬥咀), 我地仲話要攪返生日會, 等大家可以有機會見見面. 可惜, 小狗要早走去玩. 反而以前比我感覺好定性o既佢, 依家竟然感覺有點距離!

原來不經不覺, 我們都長大了...

月光下的煲仔飯

"今天是中秋節, 為什麼都不去找一家好一點的地方吃晚飯? 又難得可以早一點下班, 現在還沒有決定下來..."

往他的家途中, 我正暗自發著嘮騷. 就算接到他的電話, 也只是敷衍了事.

見到他施施然來到車站, 我就更加不快. 我的嘴臉表現得更加不耐煩, 只是冷冷的說:"快點想吧! 又是那幾間, 一點新意也沒有... 咦... 平常都不是行這條路的...我們去哪裡?"

他咪咪嘴的說:"又是你上星期說要試一試這兒出名的煲仔飯! 難道不不記得嗎?"

他說到這裡的時候, 我簡直無地自容... 原來平時我不經意的說話, 他都默默記住.

今年的中秋節只有我和他, 沒有一家人吃晚飯, 沒有應節的燈籠, 也沒有美味的水果, 但是有美味的煲仔飯, 而且月亮總好像比往年的更亮更圓.

很愛很愛你!

做節了

又到中秋節... 每次大時大節, 我都有好多飯要食! 公公, 爺爺, 蘇家, 小巨人, 玲姐... 係呀! 最多的會有五六次呢! 可以想像我有幾忙了...

今晚見到爺爺好精神呀! 雖然佢耳仔同對眼依家唔係好靈, 但係勁精靈! 哈哈...

荔枝角吉祥物

夜晚返yoga途中, 又晌公司附近見到吉祥物(我地私底下係咁叫佢的), 佢又乖乖的晌便利店門口等主人, 終於有機會同佢拍照留念...

其實當時唔只我做呢件傻事... 可見佢極之受荔枝角上班族歡迎! 平時甚為怕狗的我, 亦知佢品性馴良! 見到佢就不其然開心起來.

睇佢呢個新造型, 就知道佢主人已經為幫佢迎接"哈佬喂"做好準備!

Happy Halloween!!!

測驗你的脾氣

我係日式火鍋 (個性溫和，是隻溫馴的綿羊～咩咩)
又幾準! 試下啦...

START-
你喜歡什麼季節吃火鍋?
A 冬天 TO 2
B 夏天 TO 5
C 不分季節 TO 1

1-你喜歡沾醬料吃嗎？
A喜歡 TO 2
B不喜歡 TO 5

2-你的醬料裡面會加雞蛋嗎?
A會 TO 3
B不會 TO 6

3-如果你吃到一半，發現裡面有一小截的煙蒂，你會怎麼辦？
A跟老闆吵架，要求換一鍋新的 TO 13
B不吃了，直接付錢走人 TO 10

4-你選擇火鍋店的標準是什麼？
A很有名氣 TO 7
B價格便宜 TO 8

5-火鍋店推出一種你完全沒看過的新式火鍋，你會勇於嚐試嗎？
A會 TO 6
B不會 TO 8

6-你喜歡幾個人一起吃火鍋？
A兩三個知心好友 TO 9
B一大群朋友 TO 3

7-店裡已經坐滿了人，你會一直在那邊等、還是不想等，馬上換一家？
A 等 TO 11
B 換一家 TO 12

8-你喜歡加什麼樣的配料？
A加麵條 TO 9
B加冬粉 TO 7

9-你會先喝湯、還是先吃完所有的料再喝湯？
A先喝湯 TO 10
B先吃料 TO 12

10-如果老闆告訴你火鍋裡必須加某種奇怪的配料才會變得很可口，你願意試試看嗎？
A願意 TO 17
B不願意 TO 13

11-你會不會在吃完熱騰騰的火鍋之後，來一碗清涼的剉冰？
A會 TO 15
B不會 TO 14

12-吃火鍋的時候，你喜歡一開始就放肉、還是最後再放？
A一開始就放 TO 15
B最後才放 TO
11

13-你喜歡把配料通通丟進鍋子裡面煮，還是一樣一樣慢慢煮？
A一起煮 TO 17
B一樣一樣煮 TO 16

14-你喜歡配什麼飲料？
A烏龍茶 TO 16
B烏梅汁 TO A

15-你喜歡在家吃火鍋、還是喜歡在外面吃火鍋？
A家裡 TO 16
B外面 TO 14

16-你快吃飽時，如果有下一個客人在後面等位子，你會在意嗎？
A會 TO B
B不會 TO C

17-你已經吃的很飽了，這時老闆突然說要再免費送你一鍋，你還會吃嗎？
A會 TO D
B不會 TO 16


診斷：從火鍋類型分析你的性格

A 涮涮鍋：你的個性內向、有點自閉～
你的性格比較孤僻一點，喜歡一個人安安靜靜地待在家裡，對你來說，跟不認識的人交談是很困難的事，所以朋友並不多，不過還是會有一些知心朋友，你要好好珍惜這些>關心你的人，不能因為是好朋友就疏於付出。
你對自己的事情比較有興趣，一旦立定目標，就會一步步完成，即使再苦也沒關係。
不過別把自己關在象牙塔裡，有些事情就算自己再有實力，沒有周圍的幫助，仍然無法完成，要學著打開心罪，跟不同的人交往，如果能認識人脈很廣的朋友，也可以增加與人接觸的機會喔!與人交往，不要覺得厭煩，應該主動示好，一般人都會欣然接受你，透過這些往來，說不定你會發現一個全新的自己正破殼而出呢!

B 麻辣鍋：個性有點偏激，喜惡分明～
你的性格比較火爆一點，好惡分明。遇到你喜歡的事情會馬上採取行動，一旦覺得討厭，就想馬上脫身。由於你先入為主的歡念，因此交友類型往往偏向某種人，不過一旦成為朋友，就會跟對方深入地往來。
你很豪爽，當朋友遇到困難時，會馬上伸出援手，朋友都非常依賴你。因為你的個性陰晴不定，有時可能會因為一點麻小事而跟朋友鬧得不愉快，或在五分鐘熱度後改變初衷，這些情形都會讓你失去朋友的信賴，最好學習有條不紊地處理事情，堅持到最後。
在與人相處的時候，不妨試著跟原本覺得合不來的人交往看看，而不定會因此發現對方的優點，這樣的嘗試可以慢慢增加你的朋友類型，讓你自己變得更有魅力、更受歡迎。

C 日式火鍋：個性溫和，是隻溫馴的綿羊～
你的性情溫和要適應力強，容易跟大家打成一片，在社團或班級中非常活躍，幾乎沒人會說你的壞話。你討厭跟別人發生衝突，所以養成八面玲瓏的態度，對不同的人採取不同的說法，說好聽是適應力強，說難聽就是缺乏個性，雖是個老好人，卻缺乏個人魅力，表面上看來朋友雖然很多，一旦遇到困難，卻缺少真正交心的朋友，有時會感到孤獨。
在團體之中你必須學會適時表達自己的意見，若因害怕衝突而一味配合對方，並不能讓對方更加瞭解自己。你協調能力很強，只要能勇夌表達心中的想法，不以中傷為目的，相信別人一定會接納你的意見。你就是你，凡事不需對別人唯唯諾諾、一味忍耐，要表現出自己的風格。

D 鴛鴦鍋：你的個性頑固、喜歡鑽牛角尖～
你的個性頑固，一旦快定的事、就算周圍的人反對到底，佚也絕不改變心意，往好處想，這種個性可以讓你發揮強韌意志，在團體中擔任有力的領導者，當家人或朋友遇到困難時，你會義不容辭地出面幫大家解決，因此深受朋友們的信賴。
但是由於你非常堅持自己的想法，完全無視於周圍的建議，因此經常樹立敵人，跟周圍發生許多摩擦。保持自己的風格固然不是一件壞事、但是過於頑固，完全不理會別人想法的人，會讓大家感到傷腦筋，因而漸漸失去朋友，最後說不定還會被孤立。你必須學會傾聽與自己相反的意見，尊重不同的價值觀跟思考方式，這樣或許就能增加彼此進一步瞭解的機會，人際關係也因此變得更廣闊。

紀念日

今天真的很高興!
我知道, 我們還可以一齊走過更多個年頭的...



今日去邊度慶祝好呢?

夏日炎炎食西瓜

無意中晌童心的blog中見到佢細女的一張相... 實在太可愛.
所以我忍唔住將呢張相據為己有!

炎炎夏日見到佢食西瓜食得咁滋味, 令我即時涼快起來!

親切的問候

竟然斷斷續續的放左三個星期假...
今日終於可以返工了!

同事們親切的問候, 令我非常感動!

森美小儀歌劇團 (Big Nose)

今日小健約左我, 小巨人同蘇小弟去睇森美小儀歌劇團, 今年個劇名叫BIG NOSE, 即係馬戲團入面個小丑o既紅色大鼻子... 我睇之前其實都無咩idea呢個劇係講咩, 只係知道有好多歌星同DJ. 仲怕無聽開佢地o既節目會唔知佢講d咩.

不過睇完之後, 就覺得好精彩, 我地有個靚位當然要加分, 而且成個氣氛勁好, 全場都無冷場. 我仲估唔到有我最鐘意o既千嬅參加, 佢做一個富家小姐, 所以個造型好靚呀! 仲有令王宛芝o既演出令我好難忘, 平時晌電視上見佢講野"陰聲細氣", 原來晌舞台上竟然係另外一個人... 真係好好睇!

初時我以為呢個project(森美小儀歌劇團)只係宣傳多於一切, 原來佢地都好比心機做的! 我睇完之後, 真係抱住興奮o既心情離開, thanks a lot!

我真的受傷了

我真的受傷了...

醫生話要好好休息, 悠長假期的開始!

記得當時年紀小...

就黎放完暑假啦... (其實我都好耐無放過...)
就晌差唔多唔記得o個種滋味時,
今日小茄給我的一張舊相,
竟然係中一時的學校旅行!!!

找到我嗎?

蘇小弟生日會

今日係蘇小弟生日, 估唔到咁大個仔仲可以開生日會, 仲係成家人同佢慶祝!! 呢個party非常盛大, 因為我地一行十幾人, 去左蘇碧做野間酒店食自助餐!

其實之前無諗過咁多人的, 最後差d蘇老大同蘇太太反而無得去. 不過我話佢地知, 幾日前我偷聽到蘇小弟同佢個朋友仔講電話, 佢話:"我生日O個日唔得閒呀! 我一家人約左我去食buffet!" 所以我知道佢都好重視呢次生日派對! 因為其實蘇小弟咁大個都未同佢開過生日會的...

都話做最細o個個幸福, 我同蘇碧送左個ipod nano比佢, 因為我知佢想買好耐了! Happy Birthday!!

遊山玩水

今日終於一盡地主之誼, 帶左Cathy遊山玩水... 其實係帶佢返大陸睇廠only... 哈哈!

不過返到香港, 就call左他他出黎, 帶Cathy去shopping, 去我平時勁唔願意去o既廟街... 因為之前同小巨人去過, o個度勁多道友呀... 嚇到我"連走夾跑"咁拉住小巨人衝出黎!

但係今次雖然好熱, 不過又幾好玩喎! 可能我地今次用遊客o既眼光去shopping去睇, o個度簡直係佢地o既天堂... shopping mall對佢地無咩特色, 廟街原來可以令到佢地咁開心! 好彩有他他晌度一齊玩, 我地睇得開心, Cathy又買得happy! 之後仲去食糖水... 導遊任務成功!

原來我地一直以為平常到不得了o既事, 去用另一個角度去睇, 可以變得好特別!

打打打...

今日又係羽毛球時間, 聽日係小神童生日, 所以我地特別去左食日本野做晚餐...

我地四個(小神童, 他他, 公主&我)打足兩個鐘頭波! Yeah! 小神童今日好似標左童咁, 完全唔洗抖! 累到死的我同他他都暗暗為佢打氣... 加油呀!

今日仲竟然行左幾條街去搵個相架 (比Cathy留念o既禮物)! 原本想放棄o既時候又比我地搵到, 勁開心! 有時d野就係咁奇怪, 唔搵又成出現, 要搵又搵唔到, 諗住放棄又會撞得到... 仲有d意想不到o既驚喜添!

遠方的朋友

今日去同我地英國o既同事Cathy去食晚飯, 我同佢成日都email聯絡, 但係見面都還是第一次... 不過已經有好熟絡o既感覺. 人同人o既緣份都幾奇妙, 雖然晌唔同國家, 都可以做朋友!

我地仲有好大班girls! 食飯時我地好開心, 講下香港, 又講下英國 (一大班女人晌度吱吱喳喳...) 特別係好耐唔見o既喵喵, 我地當然唔會放過佢, 食完飯之後就去"把酒談歡"...

Happy Night!!

Long Time No See

等左成個月, 終於都等到今日去睇軟硬演唱會... 總知整日心情特別興奮! 我地一行五人(小健, 蘇碧, 蘇小弟, 我&小巨人), 好開心! 不過要等蘇碧同蘇小弟, 慢麼麼, 所以要一早去到o既小巨人呆等! 晚飯都只係三扒兩勃, 務求最快去到紅館為止, 因為我地心情實在太開心!

去到會場人山人海, 賣精品o既人龍插針到唔入, 雖然只係離遠觀賞, 已經靚到令人心郁郁 (可惜太貴了...) 入到場當然更加興奮, 全場氣氛非常高漲, 就好似等住見到老朋友一樣... 見到軟硬一唱一和, 真係好似以前睇佢地咁. 講野故然好笑, 唱到大家都識o既歌時就仲happy!! (Gala Gala HAPPY!!!) 個個都好似返去自己少年時代, 唱唱跳跳! 返老還童呀!

仲有Eason呀!!! 我好鐘意佢架, 佢今晚唱得好好. 可惜可能同軟硬唔同時代, 感覺無咩火花! 不過我仲記得"麥當奴薯條... 條條條..." (夕陽無限好... 好好好...) 哈哈!

完場之後, 好多人都唔捨得走, 勁玩個面具同影相. 好耐都未見過呢個情境... 個個好似大細路一樣! 我勁鐘意我地四個呢張相... 好低b呀! 哈哈哈!

煲呔牛

蘇碧同小健晌英國帶返黎比公公o既禮物係一個"煲呔", 佢見到之後, 笑到見牙唔見眼! 我地仲幫佢試"身"添! 杰仔都有禮物, 係一件好靚o既衫同朱古力薯片, 比我笑見到佢"偷笑"呀! 哈哈! (杰仔比較靜, 所以對住我地呢班咁嘈o既表哥表姐, 通常都係逆來順受, 但係佢同我地好close的!)

不過之後食飯, 就發生左d唔係咁開心o既事. 蘇碧講完電話無放返晌個袋度, 無幾耐就發現自己個電話唔見左了... 黑仔! 就當有個新電話用啦... 我上次都係咁樣安慰自己!

只怪佢同我一樣咁失魂... 唔通係家族遺傳???

大英雄返黎了...

超人返黎啦! 細細個已經睇佢, 仲有個個星期追o個套無咩人睇過o既外國電視劇... 終於有屬於呢個年代o既超人做啦! 因為上一代超人實在太深入民心, 所以新超人同佢感覺好似... 靚仔呀!

不過現今科技進步, 表現晒d特技晌超人度, 所以對我最鐘意o既主角-Clark Kent(超人的平常人身份)唔係講得太多! 電視劇話Lois對超人只係仰慕, 其實佢係鐘意Clark的, 對我黎講太深刻, 所以代入唔到新劇情... 不過套戲都ok啦!



睇完戲, 我同小巨人去左"翡翠拉面小龍包"度食野... 果然好好味喎! 特別係我最鐘意食o既小龍包, d皮真係薄d, 咬落去完全無一舊舊粉o既感覺! 拉面都好好味喔... 德福仲有一間好大o既IKEA, 我行到唔捨得走呀!




人人都話, 拍拖不外乎行街/睇戲/食飯, 係架, 今日仲全部都做齊了! 我覺得視乎你身邊係你care唔care的一個... 我今日真係好開心!!

女人唔易做

今日他他send左d正野比我, 一定要貼起佢先得:

如果你老公很上進，妳要趕快跟上，否則會被他嫌棄。
如果你的老公很上進又進取，妳要趕快加油，否則會被他淘汰。
如果你的老公很頹廢，你要自立又自強，否則會被他拖累。
如果你的小孩很聰明，妳要趕快學習，否則會被瞧不起。
如果你的孩子很遲鈍，妳要趕快成功，因為妳要照顧他一輩子。

無知的愛是傷害，無知的消費是浪費。
女人一成不變，男人一定會變。
要做千面女人，不要做鉛面女人。

女人要有三麗：美麗＋能力＋魅力。
不要當三瓶女人：花瓶，醋瓶，藥瓶。
女人有三美：形象美，語言美，心靈美。

千萬別做~~
三心女人，在家裡放心，想起來傷心，看起來噁心。
三轉女人：圍著鍋台轉，圍著先生轉，圍著孩子轉。

女人要有四立：思想獨立，能力獨立，交通獨立，經濟獨立。
女人要美的自然，而絕不是自然就是美。
漂亮美人像寶石，智慧女人像寶藏。
女人因為有氣質才會千種風情，萬種浪漫。

想要得到別人的愛，首先要自己愛自己。
相愛不是互看對方的眼睛，而是要有共同的目標，理想，話題，朋友。
相愛容易相處難，相處容易相信難，相信容易相諒難。

行走在智慧中的女人最美麗，而要得到智慧就要走入人群中。
讀萬卷書不如行萬里路，行萬里路不如閱人無數，閱人無數不如名師指路。

睇完之後, 只係覺得"女人唔易做"也...

一個人遊遊蕩蕩

今日又無去做gym, 結果放工一個人去左青衣城遊蕩!

無意中去左書局買左兩本書, 我好少咁豪, 一次過買兩本咁貴o既書. 第一本叫《衰神左撇子》, 我一見到個書名就比佢吸引住, 我唔係用左手的, 但係小巨人就係左撇子, 我好想了解佢多d, 所以就決定買返屋企慢慢睇...

原來, 好多地方我真係無留意到... 例如搭地鐵或者火車, 佢地係會好唔就手架! 哈哈! 我睇完, 仲可以比蘇碧睇, 因為米高(蘇碧男友)都係左撇子黎架! 我地話蘇太太知呢件事之後, 佢都好驚奇! 公公對住佢地兩個食飯, 又成日笑咪咪!

另外一本係《餐餐有餸加》我睇完之後, 好想向身邊所有人推介. 因為佢講中晒我地由細到大o既生活一點一滴...

特別係作者提到佢弟弟好鍾意扮爆炸聲"銀芽! 銀芽!", 我立即諗起蘇小弟細個o個陣, 自己一個人玩lego飛機時o既情形. (因為我同蘇big只係會玩煮飯仔, 我地唔會同佢玩lego) 仲有晌屋企玩過o既所有遊戲, 簡直係感同身受, 所以立即決定要買. 睇完又開心又感動, 好似細個時候做過o既事, 只不過係琴日先發生咁! 好得意!

呢本書仲係作者送比佢弟弟o既結婚禮物, 好溫馨呢! 我仲搵到有試睇版同上左作者個blog