東京自悠行 (5)

玩左咁多日, 今日就要離開東京了... 三個人竟然有咁多行李!!



我當然同小蒲把握最後機會去返吉祥寺閒逛, 因為身上o既銀兩都用得七七八八, 所以都只係影下相同買左小小野!




不過比起我同小蒲, 小影就感觸d, 因為終於要離開佢生活左一年o既地方... 仲要同佢晌度識o既好購友Momoko分別... (Momoko好nice同靚女的) 攪到佢有d眼濕濕!




攪左好耐先上到機 (2:30 pm - 吉祥寺 / 4:30 pm - 機場 / 6:55 pm - 上機), 因為我同小蒲的一班機delay了, 要我地再等多成個鐘... 好彩有得上網, 可以話比小巨人知!



點知落到機, 已經miss左尾班巴士返青衣... 好彩仲有機鐵! 不過比巴士貴左三倍... 但係時間都快左三倍! 睇黎正常情況下, 我都無o羊機會再撘, 等我影張相先!! 終於見到小巨人, 返到屋企, 梗係第一時間比d手信佢, 佢見到d手信好開心! 特別係日本隊"打戲"版波衫!!

東京自悠行 (4)

今日好早起身準備行程非常緊密o既一日, 先係趕車到一個地方參觀, 之後要返出去東京再shopping. (原來時間過得好快, 聽日就要返屋企了...) 可能酒店晌山頂度, 有d雪仲未溶, 所以比到雖然未見過落雪o既我, 都可以見到"雪景"! 好興奮!




之後我地落返日光市, 去參觀一個"世界文化遺產" -- 東照宮. 呢度係以前日本將軍住o既地方, 即係等於皇宮咁上下... 保存得好好, 同埋真係好靚, 我諗如果跟旅行團就唔會有機會晌度遊覽. 不過, 我地發現小蒲有d心不在焉, 初時嚇死我同小影, (心諗唔通佢琴晚見到d"野"...) 原來係佢唔係好習慣咁"緊密"o既行程... 有d攰啫!





到左下晝, 我地就搭火車出東京, 真正o既自由行考驗黎啦! 因為小影要去秋葉原買野, 所以我同小蒲要自己去行街同返去吉祥寺! 但係驚險o既事終於都發生... 小蒲發現漏左行李晌火車度, 我地唯有以9秒9速度跑返去車站! 好彩, 經過一輪雞同鴨講之後, 最後有驚無險搵得返! (後來小影話日本人通想都會交比站長的, 唔會攞左去... 好彩!) 我同小蒲就繼續我地晌淺草參觀.



之後再去上野決戰... 呢個係零食集中地! 買完所有野, d"戰利品"已經重到我地無力再行... 我地唔理三七廿一, 決定醫左肚先算... 終於選左迴轉壽司, 好好味! 返到吉祥寺已經十點多... 攰到我地出唔到聲! 仲要執行李... zzZZZZzz

東京自悠行 (3)

今日天氣唔多好... 落住都唔細o既雨! 而且今日o既行程非常緊密, (目的地係"日光", 日本本地人好鐘意去o既溫泉區) 我地要把握每一程時間. 仲係每程車o既時間都係o岩o岩好, 開始嗰陣好緊張! 好彩, 終於都趕到我地要搭嗰班車. 原來, 日本d火車都好舊吓, 不過都乾淨的... 我地咁辛苦先趕到火車, 當然上到車就 zzzZZzz...



搭左兩個鐘火車再轉巴士, 終於到左第一景點... 日光江戶村! 嗰度有好多劇場, 但係可能係比本地人遊覽關係... 我同小蒲完全唔知內容... 所以最後都係四圍行吓, 建築係仿照古時日本o既風景, 所以真係好靚... (但係雨都越落越大)





無驚無險, 我地黎到日光火車站, 決定四圍逛吓... 就晌呢一個鐘頭內, 時大時細o既雨, 終於變成滂沱大雨! 小影話日本d雨係長命雨同唔知幾時停的, 令到我有d擔心剩低幾日o既行程... 好彩, 搭巴土上山o既時候, 停左雨了!



落巴土o既時候已經天黑... 最好笑係小影發現留低左部相機晌中途站o既洗手間... 好彩搵得番! 最後聽日會由司機叔叔送返去酒店! 我地享用左一餐好豐富o既晚餐... 同埋可能間酒店好地道, staff勁好人, 好親切的!








食完晚飯之後, 當然要黎個大解放... 浸溫泉, 好舒服!

東京自悠行 (2)

先講下小影住o既地方, 剛剛好夠我地三個瞓... 呢個屬於民居o既地方, 如果唔係佢, 我都無機會見識日本人住o既地區係咁樣.



今日係shopping day, 可以先crazy shopping... 買買買! 先去涉谷, 再到殺到原宿, 好多野睇... 行到下晝五點, 因為要趕住入去Disneysea, 先至依依不捨咁離開!




我地懷住好興奮又充滿童真O既心情去到門口, 點知... 竟然發現星期六同假期係無6點後入場優惠! 經過我地幾位股東商議之後, 決定唔入埸, 不過可以去附近商場逛逛... 又係買買買! 我搵到d"小朋友"巴斯光年玩具比蘇小弟! 哈哈!





今日有好多戰利品... 已經到左深夜, 但係我地o既導遊小姐仲要為聽日o既行程繼續努力!