美國之旅 (5)

朝早去左睇show, 之前紉左法國同事Alex一齊去... 7:00 am 酒店lobby等! 我覺得好似妹仔, 書僮都得... 左一袋, 右一袋...



好彩Patrick要趕飛機... 我有1/2日free day... 可以shopping, shopping, shopping, 同埋四圍行下, 但無上到Sears Tower (全芝加哥最高的), 因為行到我好"攰"... 返到酒店, 竟然由7:00 pm瞓到11:30 pm... 大昏迷!





我的戰利品... 聽日返香港, 好野, 終於可以返屋企!!!

美國之旅 (4)

今日開始落downtown (芝加哥), 準備聽日去睇show... 大約1/2個鐘就到! 間酒店勁"正"... 靚到呀... 不過比起之前晌Bridgeview嗰間就只有1/3咁大, 感覺上有d焗促, 對住四輻"長"!!




去到芝加哥好興奮! 食完lunch同Pushy吹左好耐水, 講下天南地北... 不過我好想四圍睇野... 終於同佢"R"左一個鐘頭, 好開心! 之後再返去做report. 原來就到St. Patrick's Day, 所以周圍d人著晒綠色衫蒲吧慶祝...






好早就食飯, 只有我同Pushy兩個人, 其實佢對我好好, 又好人... 可惜佢係一個"超級工作狂", 唔係好enjoy生活... take it easy, man!!! 夜晚我去左樓下間supermarket, 竟然行左兩個鐘... 買左d野!

美國之旅 (3)

今日又要準備第二日o既會, 由於 Jet lag 關係, 我好早就起左身, 去左影o下酒店... 位置晌高速公路旁邊, 所以都無o羊風景可言, 但係d職員好好人, 早餐任食 (muffin 好好味!!), 張床超級大 (king size)... 無想像中咁差的! 舒服...





之後去開會... 真係做野架(有相為証) ! 個客以前有工廠做生產, 所以office入面好大 (外面睇唔出的) ! 天氣好好...




夜晚阿Tim同佢太太 (Beaverly) 帶左我去downtown (芝加哥)... 靚到出唔到聲! 我無影到好多相, 因為好想用眼睛去欣賞. 雖然無相, 但係印象好深刻... 特別係佢地同我講 "Welcome to Chicago" o個一刻! 真係希望小巨人可以晌我身邊同我分享... 有機會我要帶佢黎!!!



今日好充實, 勁"攰"! "攰"到我將其中一隻con掉落洗手盤都唔知... 點解我成日都咁失魂 (唉...)

美國之旅 (2)

美國之旅o既第二日, 正式開始工作... 即係開會, 開會, 同埋開會! Jet lag 仍然好勁, 到朝早三點鐘(香港 5:00 pm)會突然"彈"醒, 到左下晝兩點(香港 4:00 am)又會好眼訓, 終於知道個股威力... zZZzz

不過d客好好人, 美國人好nice, lunch同晚飯都帶我地出去食. Lunch就係美國當地既餐廳, 即係大大份 (食三日都食唔晒)o個d... 晚餐攪笑d, 去左食中國餐... 真係o厄鬼佬 (egg fu yong... 好好笑)!!

美國之旅 (1)

我都未諗過我會去美國, 仲要係公司trip... 因為老細Pushy想我去同幾個客開會, 仲有去個展覽會, 見識見識! 不過好慘, 要搭十幾個鍾飛機 (我好怕搭飛機架), 好彩, 最後都訓到幾個鐘!




一到步就開電腦上網, 可惜用唔到無線上網, 我諗呢個trip都唔使旨意用到...Jet lag 好勁, 下午勁訓... 到食晚飯叫take away, 第一晚o既晚餐係我應該食3日都食唔晒o既千層粉... "巨巨巨"