無聊對話

終於可以晌秘密基地用電腦啦!
(其實係攞左公司部機「公器私用」至真。)
然後出現以下對話:

「小巨人」 說:
hi
where are u?
「我」 說:
咩事呀?
「小巨人」 說:
what are you doing?
「我」 說:
點解晌同一間屋都要玩msn?
奇怪... 奇怪...
「小巨人」 說:
I sleep la, bye!!!
「我」 說:
妖

好無聊...

告別演唱會

公司工廠入面嘅苗伯伯退休了! 啱啱今日要返大陸，所以被邀請去左farewell party。

我第一次見到苗伯伯好怕佢的，不過自從一次公司旅行之後，就發現原來佢好可愛。我都未見過一個老人家咁鐘意唱歌。佢已經晌公司做左25年，所以好多同事們都要排住隊同佢唱k。苗伯伯已經舉行左5場告別演唱會，仲有幾場等緊佢，真係勁過「鄭瘦人」呀!

國內同事們平日做野不苟言笑，估唔到開party嘅時候佢地好似脫胎換骨，個個都好開心!

派對時間

今日係小巨人同好朋友們開生日派對嘅好日子，由於時間關係我做左禮品小姐，仲特別情商左唔知「粥粉」定「麵飯」祝賀壽星仔肥雞happy birthday! 點知大衛仲叻，竟然比佢搵到近期「走光皇后」Yumiko去同Ken哥贈慶!

依家啲K房有歌唱又有遊戲機玩，仲要係PS2同wii都有。見到PS2，各位男子組成員立即目不轉睛追住個winning波，不停的依嘩鬼叫，直情當自己現場踢緊波一樣。 只見每一次佢地打同一個game都係咁投入，男子組真易氹! 我今次終於可以有份玩，同肥雞打左幾舖wii，好玩、好玩!

不過講到全場最興奮還是「皇子」出場時間。佢出場時可以令我地全體歡呼... 「白花油皇子」魅力真係無得頂!!! 好野!!

有野玩

Google又有新野玩啦!

igoogle可以自己設定頁首，用家可以將想要嘅小工具隨意加減，又可以自己揀頁面公仔，公仔背境仲因為當地天氣變化而更改... 啲公仔都幾靚架!

其實同Yahoo比較，我都係鐘意Google多啲架。不過以前佢個Home page只有search功能，又無咩睇，所以之後就好少去啦! 依家就唔同晒啦! 其實我最鐘意都係佢可以link埋個gmail account，以後都可以成日check住我嘅gmail啦! 好好玩呀... 我都玩左成個上晝!

驚喜

蒜蓉炒白菜仔、蕃茄炒蛋、甜豆炒雞翼... 就係我同小巨人嘅好味晚餐! (不過雞翼有問題，下次都係唔買啦!)

好味晚餐之後就係我地嘅好客氣(=你推我讓)時間，究竟邊個去執碗同洗碗呢? 結果都係我自動投案... 我投降啦... 係我輸... 賴皮功夫實在無小巨人咁厲害! 體內熱血火速運行全身... >_<

不過正當我蚊蚊憎憎洗緊碗嘅時候，冷不防被人「特襲」。

哈哈哈(傻人傻笑中)...

快樂的一天

今日同公公、蘇太太、蘇碧&蘇小弟過左好開心嘅一日。

好耐都無參與每個星期日晌公公屋企進行嘅家庭聯誼活動(=打麻雀)，今日又係我再落場同公公決戰嘅時候。 好彩多得有綽號「家族大水魚」嘅蘇碧幫忙，我得以用輸左十蚊嘅戰績完成是次賽事。「家族大水魚」梗係無咁好彩，最後輸左二百大洋比公公... 哈哈!

今日見到公公好精神，佢仲事先同「渡假村」(註: 因為公公一個月之後就出返黎，所以我叫老人院做「渡假村」)嘅姑娘講今日我地接佢出去玩，所以知道佢好期待今日呢! 佢住左「渡假村」已經有幾日，知道佢初時唔係好慣，同埋以佢咁火爆嘅性格，我地都有啲擔心。不過我今日問佢有無諗過偷走，佢竟然話無，原因係出面天氣太熱啦!

哈哈哈... 真係要多謝太陽伯伯。

十年

轉眼就快到回歸十週年，十年前，社會上每個人都好像人心惶惶，尤其是大雨足足持續了一整月，彷彿反映著每個人無奈的心情...

十年過後，每個人都討論著這十年的變遷，電視上每日都播著大家十年來的集體回憶，十年前的事，又好像昨天的感覺一樣近。不同的是，這個月初下完一個星期大雨之後，每日都陽光普照，每日氣溫都錄得新高了。

有時侯我會想著到底我過去的十年做過什麼...
十年前是中學生的我，現在已變成社會中一份子。
十年前勇往直前的我，現在已變得要顧及別人感受。
十年前初生之犢的我，現在已變得很世故。
十年前愛發脾氣的我，現在已變得出名好脾氣。
十年前愛想愛叫的我，現在已學懂有時候要靜下來。
十年前沒責任感的我，現在已學懂承擔的重要。
十年前不懂流淚的我，現在就連看電視也經常偷偷拭淚。
十年前充滿憧景的我，現在已沒有不切實際的幻想。
十年前不懂愛人的我，現在已有我要珍惜的人。
十年前很想看看十年後的我，現在有時候更想回到沒有煩惱的十年前。

十年後的我又會是怎樣呢?

靜靜離開

今日難得放早，終於有時間去探爺爺。佢見到我好多野講，連隔離個伯伯都係咁話!

爺爺同我講佢年尾都好大機會黎唔到，仲話有啲咩野留比我。我只可以忍住一泡眼淚同佢講唔洗擔心，我唔可以比佢見到我唔開心架，所以有幾傷心都好，都只可以吞返啲眼淚同埋笑住同佢講:「唔洗擔心，都係休養好身體最緊要!」。直到爺爺瞓著之後我就靜靜的離開... 但心情很沉重...

心情尚未平伏，只有我一個人在新城市廣場遊蕩。有發現了... 小巨人上星期用信用卡優惠買左「佐賀的超級阿嬤」比我，睇完好感動，所以今日買左第二冊，總共有三冊的... 係笑中有淚嘅作品，推介!

我都要「笑著活下去」!

又開飯啦!

又開飯啦! 今日放工去左買餸，返到秘密基地已經9點啦! 所以立即起動密密手切切炒炒，終於一切ready，只等小巨人發司號令。

今次比上一次早左開飯，早左大拿拿半個鐘(即係十一點)咁多... 由於我同小巨人都太肚餓，所以未等到拍攝時間，已經急急將洋蔥炒蛋、油蜜菜同巨人媽媽秘製香矛豬扒送入口中... 好味好味!

點解又係9秒9離開飯枱?? 激死人啦! 所以今日用左個「超凌厲」眼神，要小巨人郁手執枱。好彩，佢都屈於我單雙眼皮之下乖乖地動手! 我都知道佢已經好攰，日日過住朝9晚10嘅生活，所以其他就留比我收拾殘局啦! 不過一轉眼就已經見佢呼呼大睡(ZZzzzzz)，做左一隻食完就瞓嘅肥豬仔!

薯仔的故事

今天特別的從網上找回這個故事，因為有個「八度人」令我覺得很煩厭，其實人家沒有做什麼特別的事。但這個感覺還是在我腦海中揮之不去...

英語網絡上一則教育性的故事。

幼兒園的老師叫同學們明天用袋子裝薯仔回來，一顆薯仔代表一個你憎恨的人。第二天同學們都用袋子裝著薯仔回來了，有一顆的，有兩三顆的，有多至五顆的。老師叫他們不論到哪裡去，都要帶著這個袋子，哪怕是到廁所去。

個多星期後薯仔開始變壞，發出難聞的氣味。那帶了五顆薯仔的，更覺得重量是一個負擔。滿兩個星期後，老師說遊戲結束，同學們可以把薯仔連袋子丟進一個垃圾桶。她對同學們說：「你們可以把代表你憎恨的人的薯仔丟掉，但你們沒法把心中憎恨的人丟掉，他們藏在你心中，跟隨你們到處去。薯仔跟隨你們兩個星期，大家已覺厭煩，如果永遠跟隨著你，豈不是更加辛苦？」老師繼續說：「因此我們憎恨的人越少越好，如果有，我們越早放下越妙。」

我可不可以討厭一個人呢? 真的要試試帶住個薯仔出街嗎?

平平淡淡

有幸得到西門爺爺指教，原來佢除左係公司財爺之外，仲識掌相命理...

佢話我生活係「平平淡淡」的... 唔通佢真係知我諗咩野? 因為呢個就正係我心目中要嘅答案!

我唔知道係我自己無大志定有係有遠見... 其實我小時候已經有呢個想法。有邊個會諗到，我從小學開始已經想到追求「平平淡淡」的生活! 曾經有一段時候好迷失，每日過住夜夜生歌嘅生活，無無聊聊的找一個「悶」字做藉口。過後才發覺原來生活「平平淡淡」先係最舒服。

我不要多姿多彩、轟轟烈烈，只要平平淡淡、細水長流竟夠了!

天國的你

婆婆，

對不起，今年你的生日我沒有去探你，
但是，我還沒有忘記你...

有時候我也害怕時間的流逝，
令我漸漸忘記你跟我們的一點一滴。
但是，我怎可能忘記你親切的臉?
特別是你對我們的關愛。

雖然你離開帶給我們的傷痛減少了，
但是，我們時常也提起你，
彷彿你依舊在我們身邊一樣。

已經兩年了，我還是很想你!

逃出生天

琴日係他他逃出生天嘅大日子，一班新舊同事們大伙兒去慶祝，我地又去左柏師奶推介嘅韓國菜，個個都盡慶而歸!

他他同我&小神童差唔多同時間入公司，所以有一段時間我地三個相依為命，感情都特別好。後來同其他同事熟絡起來，就更加時時約埋放工之後聚一聚。一知道佢要離開公司，真係好唔捨得... 不過佢嘅新工作充滿挑戰，希望佢會開開心心去迎接新環境啦!

我相信晌公司認識到而成為朋友，係大家嘅緣份，我會好好珍惜的。

沒完沒了

一哭、二鬧、三上吊! (經典好戲...)
原來一個人可以如此的任性，
也忘了身邊所有關心他的人。
實在令人困擾...
不過這些事應該還是沒完沒了的。

無奈...

史力加雪糕

今日同阿頭寶寶上左中山，結果我地來回用左六個鐘，換來同供應商傾左四個鐘，當中有個半鐘係食飯...雖然有點頻撲，不過就係我地部門一個好開始。

調左部門之後，呢一個月先係同新阿頭相處，因為佢之前都係晌法國遙控我地。佢同之前m主任好唔同，可以比到我工作上嘅大方向，而且係好明白事理嘅上司，所以同佢傾計都好開心。我知道佢好想訓練我成為佢嘅左右手，不過我都有啲怕做唔到佢要求... 有壓力，不過可以push我... 我一定會努力架!

今日寶寶仲請我食左史力加雪糕(其實係麥當當新出嘅綠茶紅豆新地)... 雖然真身賣相九流，但係味道一流喔! 因為我鐘意綠茶，佢香濃嘅綠茶味正係我杯茶... 好味道!

突擊電話

下午收到小巨人突擊電話，佢話巨人爸爸已經決定左今晚去同巨人家庭食晚飯慶祝爸爸節。突如其來嘅急call又點可以怠慢呢! 所以急急取消今晚所有booking... 但係我要8點先放工，要巨人家庭等埋我，真係令我有啲唔好意思!

地點係旺角「潮樓」，因為地點方便，所以去到只見人頭湧湧，好彩巨人家庭已經一早搵左位。一個好抵食嘅「皇潮宴」盛惠$599(六位用)，不過同一個餐晌星期六日竟然係係雙倍價錢。至於質素只係普通，同埋... 都係錯在星期三呢啲跑馬仔日子去，所以我地係食吓停吓! 所以，我都係比較欣賞嗰度嘅餐具，全部都有香港人好熟悉嘅公雞圖案。

但係晌落大雨嘅日子可以同小巨人去街街，好開心!

特別新聞

嘟嘟嘟嘟... 特別新聞報告...

(其實琴日已經睇左新聞) 昂平360覽車墮下了！嚇死人咩，好彩入面無人咋，唔係一定大件事。唔知要攪幾耐呢？希望快啲整好啦！

諗返起新年嘅時候先同蘇家大小＆小巨人坐過，有少少畏高嘅我望落去已經有啲腳仔軟，但係啲風景真係頂瓜瓜架，蘇小弟同蘇碧仲好開心咁介紹佢地工作嘅地方。其實諗返起，我地嗰日真係好開心架！

不過依家叫我再上去的話，一定暈得一陣陣！

開飯啦!

今日終於決定晌秘密基地開飯，小巨人都好驚訝，又怕我一個人攪唔掂！唔好唔記得，我同菲比一齊晌澳洲嘅時候，我係負責煮飯架，依家梗係「no problem」啦... 雖然已經有好多年無出山！

小巨人要開超級ot，正好配合我去超級市場慢慢買野。不過放工時候已晚，所以已經唔可以去街市，超級市場嘅選擇又唔多。但係又點會難到我呢？好彩的話，仲比我買到平野呀！

今晚就煮西蘭花炒雞柳同腸仔炒蛋啦！一切已經準備好，不過ot皇小巨人都係未肯收工，結果去到晚間新聞我地先可以開飯。味道？梗係好好味啦！因為我同佢都超肚餓了... 飯後小巨人9秒9離開飯「木台」去ZZzz，因為佢聽日又要返大陸。大忙人呀!



我就梗係去攪下靚靚花，除左同佢地影相留念之外，仲幫佢地換樽，花花靚靚！

Yo Yo Yo!

今日太陽伯伯唔知去左邊，令我好傷心！

因為落大雨關係，室外嘅相要延期去到8月中了。即係再要等多兩個幾月，任務仍未完成... bad! 不過我同小巨人可以當做一個training，下一次影嘅時間就唔駛咁緊張啦! 化妝個姐姐好好人，原來除左蒙蒙之外，佢都識得鬼斧神工，我好鐘意佢幫我化嘅妝同造型呢!

化妝姐姐無用到小玫瑰同我set頭，所以佢地依家就成為秘密基地入面其中一個「景點」，真係即時充滿生氣，也令到本來因為要改期而唔開心的我，即時fresh起黎! Yo Yo Yo!



其實我都放縱左大半日... 薯片、朱古力、可樂... 好美味呀!

行程緊密

今日嘅行程非常緊密... 青衣->荔枝角->荃灣->沙田->青衣->荃灣->長沙灣->荃灣... 攰攰攰攰攰!

首先第一站當然係帶住興奮嘅心情返到公司，因為蒙蒙幫我準備嘅花球已經ready！第一眼見到，簡直令我眼前一亮，昨天只係幾枝零碎嘅花花，今日已經變身成為一札靚靚花。因為天氣關係，我決定用左絲花，但係蒙蒙嘅鬼斧神工，竟然令人完全察覺唔到... 好勁！



第二站係荃灣，因為我要當上咕喱，帶住好多家當去小巨人度。

第三站係沙田威院，因為要探爺爺，幸好佢嘅情況已經比之前好得多，我都安心啲... 不過呢一站之後，我已經好攰了，途中不知不覺的晌巴士上面瞓著了!

忙碌的我竟然差啲唔記得要去參加馬文同雲妮嘅婚禮... 所以返青衣就係第四站！不過匆匆忙忙的我，只可以逗留一會，睇完感人嘅証婚儀式之後，本想休息一會的我又要趕路了。事情有變，我又點可以掉底小蒲呢... 所以我地一起共同進退，要挨住肚餓一齊走...

第五站係先同小蒲返荃灣，其實我又點捨得餓親靚靚伴娘呢（其實係我唔挨得，呵呵！）所以又係匆匆忙忙的完成晚飯，不過我地食得好開心呀！又要向我下一站行程進發！

跟住一站係去蒙蒙屋企（長沙灣）攞鮮花，佢特別為我挑選嘅馬蹄蘭同小玫瑰實在太可愛。見到佢地令我好開心，但係又有一點緊張，因為天氣仲係不太穩定...



同蒙蒙匆匆一別之後，終於拖住疲乏嘅身軀返到荃灣... 今日真係好忙喔！

牙醫叔叔

今日做左一件好想做好耐嘅事，就係洗牙。因為我要為星期日作好準備嘛!

已經有一段時間無去洗牙，所以聽到機器聲晌我嘅口中「dee dee dee dee」嘅聲音，真係有啲恐怖。醫生檢查完之後，話有一啲問題，佢建議其中一隻大牙做牙套，盛惠$1,900大洋... 好貴呀! 為左唔可以影響星期日嘅任何進度，都係下個星期先攪了!

其實我有啲唔明白，點解啲牙醫叔叔咁鐘意晌幫人洗緊牙嘅時侯問人問題呢? 我講又講唔到，聽又聽得唔係好清楚... 唔通佢地真係唔知道? 奇怪、奇怪!

洗完牙急急趕趕的去同蘇碧探爺爺，情況好左啲，佢依家可以食野了。我地總算放鬆一口氣! 但係小巨人仍然倒下，還在休養中... 不過今日好左啲，講十句佢可以答到五句! 哈哈!

巨人倒下了

小巨人病左，沒精打彩的...
食左醫生開比佢o既藥，成個人變得模模糊糊。

即係我講十句，佢先應到我一句。
提到我剛剪的新髮型，他沒反應!
提到買回來的晚餐，他沒反應!
提到新的窗廉，他沒反應!
提到裝上窗廉後漆黑一遍的房間，他也沒反應!
佢已經變左做一個木頭公仔了...

Hey，小巨人，你快d好返啦!

嚇一跳

今日下晝接到蘇小弟電話，佢話爺爺入左醫院，起初我以為係普通老人老入院檢查時，佢竟然話醫生叫屋企人做好「心理準備」... (唔係呀化...) 我即時大腦空白一片...

放工9秒9去到醫院，爺爺病情總算穩定落黎。原來佢好百厭，亂食藥，所以攪到全身水腫，真係嚇我地一跳。不過對於眼朦朦，耳又唔係幾好的爺爺黎講，真係需要有人廿四小時照顧，所以長老們準備送佢去安老院。當然有人贊成又有人反對，但其實距離遠近又有咩問題呢? 你唔想照顧佢，佢住你隔離，你都係唔會睇佢。我相信有心的話，亦可以成日去探佢。

爺爺，希望你快d好返，快d再講你後生時o既故事比我聽啦!

甜睡寶寶

快來投童童一票 (甜睡寶寶)

早日康復

我地有好多朋友仔黎探我地，先係夏太，佢仲帶左禮物比我地，就係我地o既午餐 -- 好好味薯仔麵兩個。蒙蒙送比我o既入伙禮物終於大派用場。夏太今日除左家訪之外，仲帶左我同小巨人去做窗廉。

講到造窗廉，我地最後決定全屋用同一款（因為我懶囉...）好野！又攪掂一樣。價錢仲十分超值，因為我地有夏太幫手嘛！之後o既郭生郭太，除左參觀運作中o既秘密基地之外，仲陪我地行街街！

最後到劉生，佢帶左一個好消息同一個壞消息比我地。好消息係佢做爸爸了，而壞消息係花姨姨受左傷，而且傷勢唔輕，令我同小巨人嚇左一跳。希望佢早日康復，再重出江湖同我地去唱爆K！

今日天氣實在太熱，我都好似中暑了... 下個星期日點算呀??

雙星報喜

小蒲同蔡太o既生日好近，所以又有藉口比我地舉行生日會。其實呢個約會對我地幾個(小蒲/蔡太/珍妮/我)都好重要的，因為我地可以得閒見下面嘛！

無見一個月o既準媽媽蔡太，不經不覺蔡baby已經日漸長大，得天獨厚o既蔡太都無咩走樣，仍然係容光煥發，當然同蔡生小心翼翼o既貼身照顧有關了！由於蔡baby係我地眾姊妹入面第一個小baby，我諗佢第時一定好多人「錫錫」的了！

飲飽食醉之後的我們，今日仲有特備節目，就係參觀秘密基地了。切蛋糕儀式亦特別移施到o個度進行... 就算無刀叉同任何食具，大家都食得好開心呢！真係一個Happy Friday！