一歲小報告

今日去健康院磅重 (派成績表)... 妹妹竟然大退步，無重過而且輕左少少，「心深一沉」原來又是呢種感覺。唉．．．

依家由之前一直不錯的25-50%直插谷底3%，令婆婆很擔心，一直唸唸有詞怕被姑娘怪責。其實健康院姑娘好好人，了解過原因就研究改善空間，又解釋妹妹可能只是小個子，因為其他發展很好，全部過關。

我都知道這幾個月妹妹很厭食，對任何食物興趣也不大。今天比較３個月前跟這個月的相．．．真的消瘦了。快點還我波波面妹妹呀！

有點擔心，不過積極面對。

妹妹一歲啦！

妹妹，

你一歲啦！媽媽很抱歉，近來工作很忙，晚上只可以怱怱買個蛋糕回家。連哥哥也等不及切蛋糕要覺覺豬了，不過也好，讓你可以獨享爸爸媽媽。你的生日禮物，應該是仲可以食媽媽奶吧！(Yeah！) 但係你好細粒，記住食多d野同唔好咁扭計！

生日快樂，快高長大！

媽媽

2013第一次去沙灘

 

等左咁耐，終於可以出發去麗都灣沙灘。今日天陰陰又唔係太曬，其實去沙灘玩玩真係好o岩。呢個沙灘人少少，好適合小朋友。

妹妹第一次正式戶外遊，我已經準備左小吊帶（我好鐘意呀！），以第一次接觸沙來講，妹妹熱身唔算太耐，喊左一陣就可以自己玩，不過當發現自己晌沙堆入面又喊過了．．．時喊時笑的妹妹好可愛。至於哥哥，一早已跟左爸爸去玩，跑足全沙灘。對於玩，我對佢絕對有信心。

以前我不是太喜歡跟陽光沙灘，原來有了小朋友之後，真是會改變的。見佢地咁開心，原來真係幾好玩。