長夜

雖然說沒希望也就沒有失望，不過一次又一次的失望... 真的令人很沮喪。

下午又收到電話，巨人爸爸有點不適，所以小巨人同我就趕快跑回老家。幸好當時巨人爸爸休息一會回復過來，又沒事了。不過看見巨人爸爸一天一天的消瘦，說話也乏力，實在很心痛。

到了晚上，情況有點變化，巨人哥哥決定送巨人爸爸入院，小巨人第一時間趕到醫院，幸好情況亦算穩定。

剩下我一人在家，覺得這夜很漫長。

一點燭光

小蒲生日，姊妹們又可以出來食番餐。以前的日子，四個女仔成日四圍搵好野食，好鬼正。依家已經昇華到另一階段，專搵葵青區的好野食，因為要見下我地個小寶貝臻臻，硬要菜生菜太帶佢出黎。

臻臻開始大個仔，仲無時停。好彩菜生菜太有法寶，臻臻只要一點燭光就立即安定，因為佢要「呀呼、呀呼」(吹蠟燭)，真係笑死人。

小蒲ee，生日快樂!

噴火ing

點解你信晒班cheap人?
其實係你比人耍緊呀!

點解你又話個單價貴?
其實係你依家掉成筆錢去咸水海呀!

點解你又叫我堅持?
其實係你依家又整衰自己個名呀!

點解你話人地無誠意?
其實係你無誠意呀!

點解你之前話無問題依家又話有問題?
其實係你有問題呀!

點解你仲係唔明?
其實係我o徙緊氣呀!

大家庭

公公雖然年紀有番咁上下，不過仍然好好記性，同埋好好中氣，同人鬧咬都嗌得兩咀，「牛叔」真係並非浪得虛名。

佢竟然記得二月生日時有人無出席，仲話今日咁齊人，要同大家影番張大合照。我知公公今日真係好開心架!

生日會

菜太生日，本來預備左精彩節目行山加BBQ，可惜因為天雨而取消了。不過唔緊要，最緊要一班友好又來開餐。其實呢班舊同學仔跟我同小蒲唔係太熟絡，不過佢地好好，有時活動都叫我地，所以一年都可以聚幾次。

依家個個都結婚生仔，一圍都就黎唔夠坐啦! 哈哈!

香蕉奇異果多多

自從公司附近開左間果汁鋪之後，豹豹都會幫趁下果汁多多，即係新鮮生果加益力多。他他之前都有整過火龍果多多比我試，我覺得都唔錯。之後豹豹又試過香蕉多多同芒果多多，不過佢話益力多味比生果蓋過左。

今日晌超級市場見到咁多生果，我決定也要來一杯「香蕉奇異果多多」。完成品有香蕉味，有奇異果味又有多多味，即係都幾好味。

當晴晴再遇臻臻

傻boo四格

大夫 (4)

小巨人今日帶巨人爸爸去睇另一位大夫。

大夫好厲害，唔駛睇片已經將巨人爸爸既病情逐一細數。初時小巨人也蠻有信心，不過後來大夫一句:「遲了一點...」，又將佢打沉。這一個星期會試新大夫既藥，再看看情況，希望會有反應。

其他事也不敢想，只希望有多一點時間。

私家早餐

其實小巨人煮野食都有一手... 當唔駛用明火既時候。

所以早餐時段就係佢大顯身手既好機會。今朝早私家早餐係「芝士火腿意大利包」, 賣相一流又好味道, 超讚!

媽媽派對

近一年來，好友們都分別做左媽媽，佢地竟然因為寶貝而又一次拉近距離。大家見面既次數，應該比中學畢業以來仲要多。至於我，就算未夠資格，厚住面皮都要出席。今次組團去探賓尼妹，四個bb每個只差半年，我諗過多一、兩年，佢地就可以一齊玩了。

同場加映豬腳疆生日會，最開心係兩個大bb，又唱歌又拍手，下次可能會跳舞。仲有晴晴的birthday kiss, 臻臻代菜太接收了，賺晒!

大夫 (3)

又到星期二，係巨人爸爸去睇大夫的日子。不過，近來巨人爸爸的情況差了，常常肚瀉。

小巨人問左大夫意見之後，大夫竟然只係叫巨人爸爸去買止瀉藥就算。後來小巨人決定，先停一下大夫的藥，研究巨人爸爸係唔係食左大夫的藥才會肚瀉。

巨人爸爸近來瘦了很多，走路也有點乏力，下星期可能會再搵其他大夫試試。

非常任務

今日係母親節，我同小巨人有個重要的非常任務，雖然有點小插曲，不過任務也安全完成了。

其實南丫島是我其中一個很喜歡的小島，島上的路很好行，人也很友善，好像連小狗也比外面的溫純多了。不過已經很久沒來，今次終於看到山上的風車。我最記得有一年跟黎太、利是同夏太來走走，四個女孩沿途談天拍照，很開心的經歷。







今天天氣好好，太陽猛烈，好彩我今次有備而來，所以沒頭暈或中暑。雖然有點累，不過晚上仍然可以精神翼翼的同蘇太太慶祝母親節，good!!

神啊! 求求讓我睡

原來半夜三點寧靜的街道，是這樣的...

(不過我都係想去瞓覺多d!)

開花結果

N跟J的異地戀終於開花結果，N在上個月正式成為J太。

今天N有空相約午飯，原來我倆有一年半沒見面。N說，她在香港的朋友只有我跟菲比，自從菲比暴走楓葉國，就只剩下我了。說起來也覺得慚愧，很多時候都是N在香港時主動找我。往後的日子，希望可以幫她好好的融入香港生活。

N也說起各位同學的近況，原來斷斷續續大家也有點聯絡，都是拍拖、結婚、生仔，不過也有離婚的。原來十年過去了，大部份人都進入了人生另一階段，為自己的家庭和事業打併，這應該是不變的定律。

又黎標會

上個月miss左標美會聚會，真係好掛住各位會員，好彩眨下眼又有野玩。多得同學仔，我地搵到個好地方，又可以嘈嘈嘈返晚。




今次到一姐標會，成班都好齊人，真係比足晒「飛屎」佢，大家玩得好開心!

遊樂去@馬灣公園

小時候的鄰居是馬灣原居民，所以曾帶我們去遊水。不過印象已很模糊，只記得島上綠油油，有很多山。最厲害還是「螞蟻」，比我們平常見到的大數部，更會咬人。

其實我提議小巨人帶我去很久了，今次假期終於成團... 好野!






雖然挪亞方舟仲未可以入去參觀，不過馬灣公園真係好靚。可惜最後我又抵受唔住猛烈陽光，有點中暑，頭暈暈又想嘔，其實我真係好唔想每次都係咁的...

小小寶貝

終於可以見下賓尼妹，好開心!




原來我都係第一次同小巨人加埋小寶寶影相。