Week 12 - 度頸皮

我地今日個任務係「度頸皮」，即係睇下bb有無唐氏綜合症既風險。

醫生話「頸皮」個數字1.0mm，好正常。之後驗埋血就走得啦! 盛惠$1,200.00，再等報告。

又可以見到bb啦! 佢大個左好多，依家好清楚分到個頭、身同四肢，見到佢手仔腳仔撐下撐下，好得意呀! 不過佢size仍然好細，所以我仲未感覺到佢。

下次再見係3月中了，咁耐既...

Week 10 - 白行一次

本來好緊張，唔係好瞓到。因為又可以見到bb，我地仲要去做關於唐氏綜合症既檢查。

去到診左攪左一大輪，點知醫生話佢記錯左時間... 要再等多兩個星期! 好彩醫生診所晌屋企附近，今日又係短週放假。

多左出黎既時間，我就去左剪頭髮，終於有個新型像! 唔知會唔會嚇親小巨人呢... 哈哈!

Week 10 - 生活如常

今個星期已經第10週，好好呀! 呢兩個星期個肚都無痛。

好似醫生咁講，我都照常生活，照常返工，仲照常上大陸。所以有時候都會唔記得bb既存在，不過就會飲多左奶。

人地話會嘔，不過我都無，只係比之前累一d，成日都想瞓同埋唔想食野。之前覺得bb好頑皮，整痛我，原來唔係，佢都幾乖... 哈哈!

Welcome BACK!

小巨人終於返黎啦!

難得我又有機會蛇出街，所以好早已經返屋企。不過我仲好意思指揮小巨人去煮飯... 哈哈哈!

佢買左好多野比我，每樣野佢都解釋比我知點解會買... 真係超級感動! 真係要對佢另眼相看，估佢唔到!

點都好，返到屋企晌我身邊就最好!!!

美味晚餐

多得錢生錢太接濟，小巨人出差既日子，都有佢地一家三口陪我渡過溫馨晚上。

除左有四餸一糖水之外，仲有比錢太谷肥唔少既多多陪我。依家多多精靈活潑，好鬼靚仔，仲好爛玩呀!

得閒要同小巨人再去痴餐先得!

好朋友

只是一句戲言，竟然聽到左一句「best friend」，右一句「好朋友」。小學生才會說出口的話，我知道大家也是嬉戲的。雖然有點打冷震，這種意想不到的對話，很有喜劇效果。

這個社會爾虞我詐，將來的事也沒有人知道。一句戲言，誰也不必太認真。

不過... 我會堅持自己的想法的，也謝謝對我的信任。

等埋我

古惑的我，一早已經約定標美會姊妹陪我... 話就話係補祝柏師奶的生日。嘿嘿!

柏師奶個勁飲生日會我無出席，原來大家都覺得我會擁躍參加。原來不經不覺，我個反叛期暫時完結了。

今日全女班出席，豹豹同柏師奶既對話依然咁攪笑，依家公司絕對唔會再有。唯有要約多d出黎娛樂下大家! 之後他他同柏師奶的下半場，我也很想參與。不過成日都覺得很累，我想要休息一段時間了。

等我...

阿姐們晚餐

今日返左大陸office，夜晚阿姐同二姐知道我幾日只有我自己一個人，竟然主動話陪我食飯。佢地好好人呀! 其實我呢份工，有兩個咁好人既阿姐s，我知道比其他人已經好好。

勁感動! 特別在這幾天「天寒地凍」的日子... 好溫暖喔!

出發了

小巨人出發去美國工幹了。要去一個星期，我都有點依依不捨。之前是我飛來飛去的時間比較多，可能現在是比機會好感受一下小巨人的心情吧!

但是，今日過得特別「淒涼」，因為工作上的一件事，我覺得不是我錯，但又要向阿姐認了，很委屈似的。加上小巨人又不在香港(籍口!)，最後竟然匿埋在公司廁所哭了!

有時我也覺得自己很軟弱的...

Week 8 - 去醫院登記

今日剛好小巨人同我都放假，他可以陪我到政府醫院做登記，果然人山人海，好多人呀! 最後要排到三月初(即week17)才有醫生睇，如果有事，真係好麻煩呢...

夜晚終於同蘇太太報告了，接著就是要想想bb出世後的照顧問題。蘇太太很樂意幫我們照顧，但小巨人的工作地點太遠，不能每天也回青衣看bb。請工人，我又很抗拒。找育嬰院，我們的放工時間又是問題。好像什麼也行不通的... 好煩呢!

唯有遲些再想吧...

開始了

又開始了新的一年。

我同小巨人有一個long weekend，不過都只是在家中休息休息，可能比平時的時間要返工的日子還要無聊。

不過，我知道2010年是會令我們很精彩的一年!