笑咪咪眼

我一見你就笑，特別係你的「笑咪咪眼」...
你返學要聽老師話呀!

見面禮

小啤啤孤零零好慘架! 都係要搵個partner陪下佢。所以，新登場的小小啤來了。

新黎新豬肉，所以小小啤就跟左我返大陸。(一黎就搭火車上廣州... 辛苦晒。) 我同小神童，仲有攪糞晌有車去，無車返嘅情況下，就搭左舒服好多的廣深鐵路先去深圳。我地沿途已經進入甜睡之中，如同三條死屍。依家祖國啲建設，真無得頂。

不過咁樣攪攪下，用左2個半鐘先返到屋企。好彩，今日晌過關前搵到想買好耐嘅野，就等小小啤帶返去做見面禮啦!

森美＆Sammie

當我知道又有演唱會睇，真係歡天喜地。不過，小健明明同我晌MSN話係“Sammie"演唱會，點知去到才發現係”森美“楝篤笑 ... 原來此“Sammie"同彼“Sammy"係唔同架！

就係咁，我就朦查查可以欣賞到“森美做大show: 金牌司儀”啦！真好！

感想：有笑到胃抽筋位架！不過個場地音響真係麻麻地。

大笑一餐

今日同小神童過海「公幹」，難得好機會，梗係約埋柏師奶同他他聚一聚。自從無左佢地兩個之後，我地晌公司嘅生活就失色不少，有時好似渡日如年... 諗返起，真係今時唔同往日。

難得過海，柏師奶帶左我地去打邊爐。食物真係新鮮美味，難忘好味墨魚滑。咦! 仲好似有野玩... (哈哈哈)




不過點都好，我地大家仲有超密切聯繫。細聲講、大聲笑，閒話家常之外，當然仲要gossip gossip，大笑一餐又過左一晚了。

原來好簡單

「快樂」-- 原來好簡單!

得閒偷睇小巨人打機...


又或者係自己落場「鍊」返轉... 雖然全部都包尾。


練下笑功先... 哈哈哈... 嘻嘻嘻... 呵呵呵!
得閒就笑下啦!

有佢晌度就好 :)

點解? 點解?

點解星期六下晝都返工? 平時的我梗係攞例假(=病假)。不過，最後就係小巨人一句「無義氣...」，我就決定左要返黎。

就算唔「益」我地都好，點解夾硬要人地星期六放假? 之後又要搵返一個星期六下晝補返。真係好彩有呢種老闆存在，等我成日同我啲好友們有話題。

唉...

(呢隻Paddington Bear，係我最鐘意的款式... 一次就中了。好開心!)

溫馨生日會

今日係小巨人生日，好友們已經幫佢準備左溫馨生日會。地點就係車厘子新居，順道來一個house warming party。晚餐仲係由主人家親自下廚，所以真係好warm喔!

生日派對，當然有生日禮物。小巨人又好開心攞住新玩具，開開心心回家去了。嘻嘻! 其實我都知道，小巨人一班朋友對佢特別好的，不過都係佢平時對朋友們好的啦!

同場加映大衛同莎莉宣佈結婚好消息，各方好友都拍掌歡呼助慶。車厘子的可愛貓咪也要來湊湊熱鬧。




今個小巨人生日會，又溫馨、又充滿「囍」悅，好sweet!

我的書桌

點解我的書桌好像越來越亂?

我想講你知

其實你有時候的說話也蠻傷我。

原來對我來說是很小事，對你來說，是我錯了! 常常叫肚餓是很小事吧? 也不用見一個朋友，又要再說一次我離譜的。認錯路也很小事吧?也不用大叫:「你真係十下十下!」的。

其實一次又一次，我也很想狠狠地回應你。不過知道你火爆的性格，一定會覺得我不諒解你，對你不好。但你又有沒有想過，我也有覺得很難受的時候?有時候，我真的很想立即離開...

不過，我知道你當我是真心朋友，所以真性情也會自然流露出來。我也知道你對我的關心和愛護，是從心底裡發出來的，所以...

其他的也不再重要了。

醬爆丸

原來要變身的不止我，仲有佢...




無見晴晴3個星期，佢已經變左一粒「醬爆丸」。
夏媽媽話佢今日心情特別好，仲表情多多...
唔通係因為見到我? (呵呵呵!)

晴晴實在太得意，真係好鐘意佢!