無意中去左書局買左兩本書, 我好少咁豪, 一次過買兩本咁貴o既書. 第一本叫《衰神左撇子》, 我一見到個書名就比佢吸引住, 我唔係用左手的, 但係小巨人就係左撇子, 我好想了解佢多d, 所以就決定買返屋企慢慢睇... 原來, 好多地方我真係無留意到... 例如搭地鐵或者火車, 佢地係會好唔就手架! 哈哈! 我睇完, 仲可以比蘇碧睇, 因為米高(蘇碧男友)都係左撇子黎架! 我地話蘇太太知呢件事之後, 佢都好驚奇! 公公對住佢地兩個食飯, 又成日笑咪咪!
另外一本係《餐餐有餸加》我睇完之後, 好想向身邊所有人推介. 因為佢講中晒我地由細到大o既生活一點一滴... 特別係作者提到佢弟弟好鍾意扮爆炸聲"銀芽! 銀芽!", 我立即諗起蘇小弟細個o個陣, 自己一個人玩lego飛機時o既情形. (因為我同蘇big只係會玩煮飯仔, 我地唔會同佢玩lego) 仲有晌屋企玩過o既所有遊戲, 簡直係感同身受, 所以立即決定要買. 睇完又開心又感動, 好似細個時候做過o既事, 只不過係琴日先發生咁! 好得意!
呢本書仲係作者送比佢弟弟o既結婚禮物, 好溫馨呢! 我仲搵到有試睇版同上左作者個blog
