我的2010

我的2010... 是一個奇妙的旅程。

我做了媽媽，身邊多了一個心肝寶貝。

看著毛毛長大，是一件令人開心的事。

每天沒親他，就好像仍有要事未做完一樣。

想起當初堅持要留他在身邊，也是對的。

就這樣過了我們的第一個除夕。

雪人MO

天氣又凍返，又係淘寶好時候! (喂... 其實有關係嗎?)

毛毛變身「雪人MO」，唔知幾時可以出動呢?

功成身退

其實要下這決定，真的很難，我也很不捨。我可以給自己三千萬個籍口令自己好過點，但絲絲愧疚仍然在心中。

做了人奶媽媽五個月，得到身邊各方支持和鼓勵，想起來也深深感動，特別是小巨人和蘇太太。還有身邊好友，和默默支持著的同伴。(想不到會有如此笑話出現，我也不大好意思跟別人分享，總知就「在心中」好了!)

當然也有受到別人的奇異眼光，我只想跟他們說，就算不支持，也不要嘲笑。到有一天，你們有自己孩子就會知道...

聖誕快樂!

Momo 的第一個聖誕節!

Published with Blogger-droid v1.6.5

外星聚會

估唔到連毛毛都有聖誕禮物，真驚喜!

史迪仔同三眼仔無嚇親佢，毛毛仲同兩位外星朋友玩到「ka ka」聲... 可能佢地都係講外星話啦!

多謝呀!

X'mas Party

聖誕節, 又係好機會各大小朋友約出黎玩!
 
本來場地問題攪到我跟小花貓很頭痛，但最後都解決了。又想準備更多遊戲比小朋友們，但係時間關係，都只可以到時候再算。幸好，餐廳內又各色氣球，可以滿足各位小朋友，真是感激翠詩安排的場地。

呢個係我其中一個每年最期待的聚會。今年仲有利是、黎太、阿心同pande ee支持支持，好開心呀! 我諗毛毛見到咁多小朋友都好開心! 快d到下年就可以一齊玩啦!

希望下一年有更好既準備!

大獎

好開心同豹豹一齊「甩」，我中左頭獎呀! 有一千大洋... 好野! 今年同上年都好好彩! 運財小毛繼續發功! 哈哈!

(不過聽到某些cheap人大叫請飲茶，我心入面回敬左佢一句:「我請你食X就得!」)

慚愧

停左個blog咁耐, 依家睇返, 真係有d慚愧... 特別係見到一班好朋友繼續寫、寫、寫既心機。

自從放完產假之後, 我既生活就係「泵奶、返工、泵奶、放工、泵奶」。連平時湊毛毛既重任, 都交左比小巨人。原來做人奶媽媽的一份堅持, 真的很重要, 還有很多事情要放棄。

等我呀... 終有一天我會返黎的!!

生日禮物

我跟小巨人說, 今年最想要的生日禮物是帶毛毛出去走走, 和影一張靚靚的全家福。

我們做到了, 影了一張我很喜歡的合照。

嘟咀Mo

無意中晌小巨人手機發現嘅珍藏！當時毛毛應該還未滿月，因為連眉毛也沒有哩，但已經懂得嘟咀了！就像一個膠公仔。

嗲Mo

今日扭計，成日要婆婆抱抱！

最愛做的事

眨下眼，毛毛就黎四個月大啦！

依排最鐘意食手指同扭人抱。如果兩樣打孖黎，唔使五分鐘就覺覺豬了... Zzz

驚喜

在爆炸中找驚喜...
一個回頭電話，
一次阿四幫忙，
一程伸延的地鐵之旅。

希望十年之後還記得今天的驚喜。

毛毛3個月

毛毛三個月大啦! 識得扭計、食手指同食奶咀，但都算唔太難湊。

已經開始返左工一個月左右，每日都好累、好累、好累...

毛毛2個月

踏入第二個月，毛毛開始笑了... 突然發現他長肉起來，好開心呀!

開始有點bb既感覺。

家訪

小蒲同菜太一家黎探毛毛! 識望鏡頭，叻叻!

探毛團

公司一班同事對我好好，今日仲特別黎探我同毛毛。好耐無見佢地，miss them so much! 雖然相聚時間好短，我都真係好開心!

我終於可以執一執個樣，同毛毛影相。不過無帶眼鏡，佢好似唔認得我咁... 個樣好疑惑!

毛毛見到有咁多靚女們黎左，竟然無訓覺，仲好精神同大家影相，之後又乖乖訓覺。佢都應該好累了。

爸爸bb語錄

毛毛令小巨人變得非常cutie，竟然有一套bb語錄!

「毛毛，叫爸爸啦!」
「小魔怪、小魔怪...」
「衰豬，又唔食奶!」
「你係咪要爸爸抱呀？」
「我係咪抱得你好舒服呢？」

呢排又多左句口號... 「Ooh La La!」

小妖精

休息左一排，終於可以同好友們見面。

黎太、利是、錢生同多多正式同毛毛見面，多多好開心喎! 我都係呀... 因為黎太幫毛毛影左好多靚相!

毛毛面尖尖、耳大大，依家好似小妖精! (即係晌彩虹下面抱住一大袋金幣o個個, 哈哈!)

十二朝

出院回家已經有一個星期，亦係十二朝了。

我的身體有點累，幸好早上有陪月姨姨，可以爭取時間休息。夜晚就要起身餵奶，所以好似返「夜更」的。小巨人還特別請了一個星期假來陪我同毛毛，有佢晌身邊，真的是很大支持!

可能是小巨人的支持，我沒有丁點「產後抑鬱」的徵兆，可能也因為我想一心一意的令毛毛快點長肉，其他的事也沒時間亂想吧! 嘿嘿!

小小陳伯!!

Home Sweet Home

晌醫院過左5日，真係想儘快返屋企。

出院既過程都好順利，雖然毛毛未足5磅，但係因為佢身體健康，醫生比佢返屋企! 好野!!

醫院既姑娘們好好人，而且個個都認得毛毛，除左佢特別細粒之外，佢餵食時間又比其他bb密，所以成日要姑娘們照顧佢。如果第時毛毛肥左，我一定會話比佢地知!

晌醫院時既合照，毛毛細粒到好似一隻馬騮仔...

毛毛出世了

毛毛出世了! 實際體重比之前醫生估計的還要輕，只有4磅12安士，真係細細粒!

整個開刀手術過程也比我想像中「快」，前後也不到半小時，毛毛就黎左呢個世界。雖然沒有經十級痛的生產過程，但...

我已經是媽媽了! oh yeah!

Week 36 - 決定

一切突然來得很快，因為毛毛下星期要出世了...

今日檢查完之後，醫生話毛毛體重仍然沒有大進展，而且下星期有37週大，都已經算係足月，所以建議佢可以出世了。順產可以一試，不過有風險係毛毛太細粒，生產過程中，佢心臟負荷不了，所以最後決定還是開刀。

只有幾日做準備，好緊張!!

決戰

今年的世界盃，其實一直也有追看。

決賽係荷蘭對西班牙，兩隊都未試過捧盃，終於有點點新意。曾經瘋狂熱捧荷蘭，不過已經人面全非，只希望今年有一場精彩決戰。

我覺得今年驚喜係德國，打得真係好，可惜四強不敵八爪魚... 希望都可以拎返個季軍吧!

賭氣

我知道有人很想幫我的，不過我沒有開口，是怕麻煩了人家。因為我之前試過找人幫忙，但最後踫了一鼻子灰，所以還是自己想辦法最好。

料不到竟然聽到了賭氣的說話，突然覺得好像跟一個小朋友對話 ，我當然不甘示弱，奮力抵抗。

不過還是謝謝小朋友的好意了!

好籍口

這個星期放假也有好處的，就係可以晌屋企避暑。

有一次小巨人想買雪糕，我話不如食好啲，佢就揀左Haagen-Dazs，點知佢嘅喜愛程度係「一發不可收拾」! 不過成日食就好奢侈...

依家炎炎夏日，比左個好籍口我地帶佢地返屋企慢慢嘆啦! 

Week 35 - 20磅

終於重左20磅啦! 衝破大關，依家我肚餓又食、唔肚餓又食! 希望肥晌我身之餘，毛毛都可以一齊食多啲啦!

肥... 唔駛怕，最緊要毛毛健健康康，唔要再做「排骨仔」!

Week 34 - 又放假

今日去見醫生，毛毛又唔合格，只排第八! 唉... 即係仲係低位徘徊，仲比之前差少少。

不過醫生話都算佢有長大，又檢查過其他地方，好彩無咩野大問題。依家等到月尾，毛毛就可能出世了。

醫生又開左一個星期假比我休息休息，回歸食完又瞓、瞓完又食嘅生活。

最後呢個月嘅衝刺期，真係要努力啲!

Week 34 - 開工咯!

天氣報告話，黎緊一個星期都陽光普照，終於可以開工洗下毛毛既衫仔!

人地話，bb衫最好都係手洗，我知架... 不過由於時間關係，我都係將個重任交左比洗衣機。而我就好似一個女工咁，左曬右曬。

天氣咁好，一個下晝已經可以收衫啦!

Week 34 - 蓮蓬鬚加雞蛋

雖然仲未知順產定開刀，為左易生d，夏太推介我飲下蓮蓬鬚加雞蛋。我都好羨慕佢「嘟」一聲就生左阿boo，一於試下先!

唔知係咪我鐘意飲呢d野，我覺得幾好味喎!

OK繃

小巨人好友添晌台灣帶返黎既手信，好得意呀!

包裝係膠布，打開原來係朱古力! 仲幾好味架!

Week 34 - 醫院覆診

今日下晝去醫院覆診，自從轉左專科之後，才發覺政府service真係好好!

醫生話，毛毛整體都係比較細，不過生長都算幾好。政府多數都唔會因為呢個原因而比媽媽開刀，不過就要睇準時機「催生」，毛毛好大機會要做七月bb啦!

醫生又話，見到胎盤有點鈣化，嚇得我返屋企上網睇多d資料，原來都係正常現象。不過醫生就話儘量唔好吸咁多二手煙，可能都有d關係。至於毛毛咁細粒，醫生意見話可能有左初期，我食野唔係太「食得」同平時工作太緊張有關吧...

依家對政府醫生完全改觀，可能對住我地既時間多左，所有問題都會悉心解答，好細心。不過... 我見到要去呢個部門的case，都唔係太好。所以有得揀，當然唔入好過啦!

多謝，大姨媽!

蘇碧去完花旗國返黎，帶左好多禮物比毛毛。之前佢話打開成個行李，毛毛既野佔左一半有多，本來我都唔信，不過見佢拎住兩大袋禮物到我家，真係呆左!

個個都知蘇碧一向勁鍚小朋友，所以毛毛有福了... 我一定要教佢冧死大姨媽至得!

仲有佢好姊妹Candy既小毛氈，好soft又靚，我好鐘意。最鐘意都係一set由蘇碧精挑細選既小朋友書，真係靚到... 我都想學下生字!

偶遇

同小巨人一班兄弟們去大衛家觀戰，滿心歡喜期待既「葡萄牙對巴西」，結果係悶戰一場，大家有攻勢但唔刺激，最後得兩隻蛋。

好彩之前晌商場遇到小花貓，仲有殷殷既飛吻! 真係好耐無見殷殷，我發現佢真人比爸爸媽媽平時發出黎既相細粒多了，而且仲係好baby! so cute!!

估唔到連小巨人都有份收「飛吻」，我睇殷殷當時，應該仲好眼瞓! 哈哈!

最後一次

每一次都說了是「最後一次」，
今天應該真的是暫別前的最後一次了...

說再見時，我也有點不捨。
真的不知道幾個月後的事情，
我會很懷念，大家有講有笑的時間。

時間好像過得很快，希望可以再見面。

Every Day I Love You

夜晚聽收音機有驚喜，一首舊歌加熟悉既聲音。
之後飲住小巨人既愛心靚湯，好warm!!

I don't know but I believe
That some things are meant to be
And that you'll make a better me
Everyday I love you

豪比你

我公司都出左名騎呢，唔係d同事咁簡單，而係成個admin都超騎呢...

今日有人拎住我張產檢假紙同我講，公司唔接受「整天」既到診紙，要問醫院攞病假紙。我同騎呢喇叭(傳話人)講，我唔係病，醫院點開病假紙? 張紙寫明我成日晌醫院，咩野叫只當半日? 咩野道理? 不如公司寫明點先接受。明明係我上午同下午各有野要做，係醫院安排架麻。其實可以同我了解左咩野事先，唔好咩野都唔知就話唔接受。真係痴痴地...

之後又話我請左一個星期假，要扣埋個短週，我話要「問下」。騎呢喇叭就話已經問左勞工處，你問左唔代表我唔可以問下化? 我知錢唔係好多，只係五分一，但係就好激氣!

本來我放工o個陣真係想爆炸，不過小巨人話... 扣多一日、少一日都唔係問題，由得佢地慢慢扣，當「豪比佢」啦! 最緊要唔好影響心情!

因為假可以慢慢請... 心情唔好請假、心情好又可以請假!! 

微笑小豬!

小巨人同班好朋友們，仍然keep住開生日會，所以定期會見面，真係唔錯! 其實我都好想學下。

今次到肥雞啦... 大家揀左食中菜。

每次最開心就係拆禮物時間，由於禮物都係主角自己揀既，所以拆禮物一刻，係其他人surprise 多啲!

「微笑小豬!」好可愛! 見到佢, 個人都開心啲，我諗就係主角揀佢既原因!