如果你老公很上進，妳要趕快跟上，否則會被他嫌棄。睇完之後, 只係覺得"女人唔易做"也...
如果你的老公很上進又進取，妳要趕快加油，否則會被他淘汰。
如果你的老公很頹廢，你要自立又自強，否則會被他拖累。
如果你的小孩很聰明，妳要趕快學習，否則會被瞧不起。
如果你的孩子很遲鈍，妳要趕快成功，因為妳要照顧他一輩子。
無知的愛是傷害，無知的消費是浪費。
女人一成不變，男人一定會變。
要做千面女人，不要做鉛面女人。
女人要有三麗：美麗＋能力＋魅力。
不要當三瓶女人：花瓶，醋瓶，藥瓶。
女人有三美：形象美，語言美，心靈美。
千萬別做~~
三心女人，在家裡放心，想起來傷心，看起來噁心。
三轉女人：圍著鍋台轉，圍著先生轉，圍著孩子轉。
女人要有四立：思想獨立，能力獨立，交通獨立，經濟獨立。
女人要美的自然，而絕不是自然就是美。
漂亮美人像寶石，智慧女人像寶藏。
女人因為有氣質才會千種風情，萬種浪漫。
想要得到別人的愛，首先要自己愛自己。
相愛不是互看對方的眼睛，而是要有共同的目標，理想，話題，朋友。
相愛容易相處難，相處容易相信難，相信容易相諒難。
行走在智慧中的女人最美麗，而要得到智慧就要走入人群中。
讀萬卷書不如行萬里路，行萬里路不如閱人無數，閱人無數不如名師指路。
無意中去左書局買左兩本書, 我好少咁豪, 一次過買兩本咁貴o既書. 第一本叫《衰神左撇子》, 我一見到個書名就比佢吸引住, 我唔係用左手的, 但係小巨人就係左撇子, 我好想了解佢多d, 所以就決定買返屋企慢慢睇... 
另外一本係《餐餐有餸加》我睇完之後, 好想向身邊所有人推介. 因為佢講中晒我地由細到大o既生活一點一滴...
以前老闆娘要返加拿大做闊太了, 所以今日就約左佢星期五飲茶... 佢係我以前公司o既上司. 亦都係我出黎工作上第一個正式教我做野o既人.
冰人伯金引退 (明報) 07月 24日 星期一柏金終於都正式退休了...
【明報專訊】在荷蘭前輩雲巴士頓、告魯夫和並肩作戰多年的新舊戰友拱照下，荷蘭「冰人」伯金輕輕揮手，為20年足球生涯寫下完美句號。儘管伯金始終未能為荷蘭足球帶來突破，更從未獲得「球王」榮譽，但其「禁區芭蕾」技術卻對英超球壇帶來劃時代衝擊，在阿仙奴球迷心目中，更是永遠的球會英雄。
效力阿仙奴11個球季的伯金，成為球會新主場——阿聯酋航空球場的首名主角，這夜也是其足球生涯終點站。在5.4萬名球迷見證下，伯金正式宣布離開綠茵場。最終阿仙奴憑亨利及簡奴的入球，以2﹕1擊敗伯金的母會阿積士。伯金雖未能以入球作為自己的告別禮，但他的細膩技術，及如在禁區跳舞般的靈巧動作，早已烙印在球迷腦海中。瀟灑揮別的伯金終也難掩不捨傷感，他說﹕「要在此刻說再見真的非常困難，我在阿仙奴度過了11年美妙光陰，球迷對我的熱烈支持將會永存我心。」
英超進攻風格先鋒
37歲的伯金出身於阿積士青年軍，1994年世界盃的3個入球令他穩踞荷蘭隊正選。可惜當時效力國際米蘭的伯金未能繼承前輩「荷蘭三劍俠」叱吒意甲的光輝歷史，黯然轉投阿仙奴。1995年9月23日，伯金取得加盟阿仙奴的處子入球，同時英超風格劃時代的衝擊亦已悄悄降臨。伯金回憶道﹕「我認為自己對進攻足球帶來一定貢獻，也許我也算是改變英超風格的先鋒之一，加上韋拉、比堤及奧華馬斯等技術型球員陸續加盟，開創了英超盛世。」仍未由雲格掌帥的阿仙奴一度被嘲為「悶蛋足球」，伯金來投不僅為傳統「高Q大棍」的英式足球注入藝術元素，更為英超增添星味，《每日郵報》更讚賞他為英超史上最出色外援之一。
在阿仙奴新主場正式啟用及伯金的引退下，意味「兵工廠」及荷蘭的未來，已落在年輕人身上。也許在今仗為阿積士先開紀錄的亨特拉爾，以及近年令伯金退居後備的尹佩斯，會追隨前輩的足，再創「橙色革命」。
特別通告: 經過紀律委員會一致通過, 由於陳牛先生紀律欠佳, 被罰停賽一場.所以, 今個星期日就有一日free day, 可以同小巨人去左佢想去好耐o既深水"保"! 依家佢去左大埔做野, 好少時間可以去到佢呢個可以瘋狂shopping的地方. 依家好似古人耐唔耐先出省城辦貨咁, 仲要幫埋公司同事做買手...
為左要試下傳聞中好抵食o既大家樂香蕉船鐵板餐, 蘇太太今晚就提議同我&蘇小弟去青衣城食飯. 
其實由細到大, 蘇老大同蘇太太都好忙, 忙住返工搵$, 所以我地好少一家人行街, 甚至去超級市場! 依家到我地大個左, 更加少... 因為輪到我地要返工, 有時間又顧住自己去街! 所以我都返多左屋企食飯, 真係要珍惜下同屋企人相處o既時間!
呢幾日病到7彩, 反而多左好多時間晌屋企, 最大娛樂竟然係同蘇小弟一齊睇卡通片... 因為佢呢排對一套卡通片好有興趣, 知道香港終於做啦, 所以特別錄起佢. 呢套就係依家日本好紅o既"Keroro軍曹"... 睇完覺得又幾攪笑喎!
今日又去左睇第三次醫生, 真係病到成個人都無晒心機... 不過接到嘈嘈電話, 我就出動去玩啦!
見到面, 初時Kiki有d怕羞, 不過好彩佢好易同人熟, 佢好快就同我玩啦! 佢大個左好多, 今年已經升小學二年班, 頭髮長左好多, 又瘦左好多... 但都仲係咁可愛! 原來哥哥Koko仲做左我師弟, 同我讀同一間中學呀! eeee... 我之前見佢地, 一個讀幼稚園, 一個讀小學之嘛... 原來時間真係唔等人架!!!
2006年度世界盃冠軍--意大利! 我唔係太熟悉今年o既意大利隊, 不過見到佢地無比國內聯賽打假波醜聞影響, 反而越打越好, 我都覺得佢地好厲害.
以為畢業之後一定各散東西的我們, 又一次相會了... 晌msn上面! 原本只係"開會"討論我地出唔出去食飯, 點知越add越多人, 有蕃茄, 小影, 小蒲, 柏齊, 老大, 同我, 就連晌澳洲o既Jack包同美國o既雯清都加入戰團, 情景何其壯觀!! 哈哈!
琴日終於"的起心肝"去整頭髮, 計計吓, 我有大半年無正式攪吓佢, 所以係時候轉個look! 其實我每次都好怕去, 因為真係坐得太耐, 坐到個人都發晒"吽哣"! 
我本來想整個好爆o既爆炸頭, 不過去之前怕自己接受唔到, 所以打消左呢個念頭. 最後電左個比上次"孿"少少.
今日終於都買到起飛啦! 不過我辦事不力, 本來幫大小姐買埋, 仲可以名正言順遲啲返公司... 可惜一去到葵青劇院, 我只可以攞到91號籌, 於事大小姐就去荃灣睇吓, 結果都係佢買到先... 超樣衰! 下次都係醒目啲去荃灣好了!
