好朋友

今日係momo學校既家長會，難得mo爸今次特別請假陪我地返去，一入學校，全學校上上下下都跟我地說著momo在學校的趣事，我想佢返學一定好開心。

今日又係momo好朋友－梓浩最後一日返學，梓浩同momo晌學校出左名是一對孖公仔，因為佢地一齊搭校車又一齊返全日，日日都拖住手返學，連笑容都好一致。我知道梓浩會轉校之後，都好唔捨得佢兩個要分開。不過我地已相約一齊學畫畫，咁每星期都可以見面。

每次想起momo在學校的得著，都覺得是賺回來。這家學校是我無心插柳報的，當初沒什麼選擇，口碑也只是50/50，也不是我們的首選，不過原來上天就是自有安排。想不到我們誤打誤撞之下，竟有意想不到的結果。

女人之苦

我聽過有Ｄ媽媽話，生仔唔辛苦，谷奶才辛苦．．．原來塞左仲辛苦。

本來平時都ＯＫ的我，就算塞左都好快可以解決，痛都可以忍到。點知今朝發現塞左，以為平時咁樣泵多幾次希望通返。點知LUNCH的一次，泵到一半已經頂唔住，超級痛，未試過咁痛，我決定要立即去健康院見母乳姑娘。最痛既時候，係行唔到同透唔到氣。去到健康院窗口，Ｄ小姐話要針卡，我解釋係飛奔過去，同當時已經行唔到加埋想暈．．．只係死頂。健康院小姐好好人，即刻比我見姑娘，姑娘又比我見醫生。醫生明白我有幾痛，即刻開左超強止痛藥比我，但佢地結論係，未見過我的case，叫我立即去急証室。

好彩急証室唔太遠，我又已經無咁痛。決定死撐去埋急証室，等左３個鐘，最後醫生話係發炎，開抗生素比我完成任務，原來已攪左６個鐘。

返到屋企食左藥已經好左好多，人體多奇妙，但真係好可怕的經歷。

後記：
＊痛到一邊乳房好似要「脫離」我身體，又怕醫生話有組織壞死，叫我切（自脫定比人切．．．）勁驚！
＊當然好唔想比人睇自己身體，但係已經痛到豁左出去，只想快ｄ好返，不過醫生姑娘也很專業，令人很放心。
＊其實我有返過屋企再泵多一次，攪呢攪路可能又比我通返，但痛的程度，接近要「咬毛巾」。

一天遊

很想帶momo同妹妹出外走走，在姨媽的幫助下，３個帶２個終於完成任務。

今日教momo什麼是銅鑼灣，又見到佢近期至愛的阿拱（因為又係紫色的．．．），又同姨媽high tea食薯條，去書店聽故事，再去青衣城跳壞旦人彈床食晚飯，又係超級開心的一天。

妹妹近來飲食有改善，出街時都可以自己食奶奶，希望快ｄ再找地方去玩！

小小生日會

因為朋友的事很突然，令我真的沒什麼心情。連momo的生日會，我也沒心情去想，幸好朋友們都不介意，最後就是他們幫忙左拼右湊，幫momo又攪了一個小小生日會。

我沒有大事宣揚是生日會，想看誰有空就一起玩，人少少的生日會，我最喜歡，這樣momo才有時間跟最愛的哥哥姐姐們互動。（不過今次最厲害的，就是在家中急忙找到３張給小朋友的椅子，原來家中什麼都不缺，就是缺＄！）

第一次由他跟哥哥姐姐們食飯，原來效果很不錯，完成了８０％ 

yummy cake

最愛的臻臻哥哥、booboo姐和dada哥

都係booboo姐最好, 一直陪住momo

天氣不似預期

昨晚，收到一個很壞的消息，朋友輕生了... 當時的我，腦中只是一片空白。

一直以來，他就是我們眾姊妹的好弟弟。 出生在陽光地方，在外國土生土長，性格也是陽光大男孩，品性乖純又善良，就是他給我美好的印象。記得當時人在外國，閒來無事就找他聊天問功課，很懷念跟他一起的日子，還有他的臘腸飯。

我這幾天不停的在想，他當時在想什麼呢... 應該是無助、絕望又很孤獨，令人很心碎的感覺。他走了，家人朋友都很傷心，想起他們一家人感情要好，我感覺到什麼是肝腸寸斷，心真的很痛。

人生的時間很短，但願我可以關心身邊所有的朋友。

老表，你好野！

出來工作以後，大家都各有各忙，雖然見面少了但情仍在。直到有些事情發生了，有期望又會換來失望，我不想深究誰是誰非，只希望無論如何，都不要影響我們的感情。

momo真是天賜給我最好的禮物，有了他，好像什麼也變得「和諧、和諧」。只是一個小小生日會，也很窩心！

半天迪迪尼

mo爸終於在百忙之中抽到半日時間，完成學校畢業禮之後，帶momo去迪迪尼！我知道momo很開心，因為今次可以同巴斯光年合照了，還有新的怪獸大學場景。

不過臨走時發現我跌了mo爸的會員証，心情跌落谷底。不過職員沒有叫我們先補領，反而是叫我們等一晚，因為如果是他們員工發現的話會先行注銷，這樣就可以免費補領了。結果我們回家途中真的收到電話找到了，下次去櫃子再做新証就可，服務超讚！