呢幾日病到7彩, 反而多左好多時間晌屋企, 最大娛樂竟然係同蘇小弟一齊睇卡通片... 因為佢呢排對一套卡通片好有興趣, 知道香港終於做啦, 所以特別錄起佢. 呢套就係依家日本好紅o既"Keroro軍曹"... 睇完覺得又幾攪笑喎!原來依家d卡通片主角已經唔興心地善良/有愛心/做好事, 而係已經變成怪雞/傻氣, 仲要唔係人類! 可能要比d小朋友知道現實唔係佢地想像中咁理想... 哈哈! 可能咁樣先至連"大朋友"都吸引埋!
我以為自己已經過左睇卡通片o既時候, 覺得只會係小朋友先會睇... 原來只要簡簡單單, 比少少時間享受一下生活, 做咩都會好開心...
