人前人後

人前人後真的有兩樣嗎?

更甚者，不是單向，而是雙向的。時間有分別、地點有分別、人物也有分別... 時而有講有笑，時而不相識的。彷彿是大家默許了的相處方式。

但有這一個人在身邊，總是有點時空錯亂的感覺。

Week 21 - 新成員

我同小巨人決定，平日會將毛毛bb交比蘇太太照顧了。

呢個當然係一個好難既決定，因為交比蘇太太，平時唔可以帶bb返屋企。但係比請工人，我就放心得多。

蘇老大同蘇太太依家連睇電視都會諗起毛毛bb。蘇碧又已經搵定佢個好姊妹，要同bb影set靚相。平時懶爆既蘇小弟，都主動話要執好野，比個靚位放bb床。我知道，佢地好期待呢個新成員既出現，個個都會好錫佢。

多謝支持!!

探探小余願

翠詩第二位千金出世啦!

余願對媽媽好好，生產過程順利又快手，真係令人羨慕。仲令我地又可以組織個探b團。

計埋主人家總共係10大7細，咁多bb晌間屋入面，確實震撼!


bb們最開心，淨係一個生日蛋糕，都可以玩左5次吹蠟燭，希望毛毛bb可以快d加入同佢地玩啦!

Week 20 - 動起來

我睇過討論區，通常都係18-19週左右開始感覺到胎動... 之前我都分唔清楚係D腸郁，定係毛毛BB晌度跳舞。

今個星期好忙，要早起身，又怕遲到，夜晚當然瞓得唔好。不過，錯有錯著，琴晚瞓唔著嗰陣，我按住肚皮同毛毛BB玩玩，竟然比我感覺到佢「郁」左一下。好開心呀!

上得工廠，當然要好好保護自己，全程封咀!


睇書話BB唔鐘意嘈咬聲，原來係真架。今日晌工廠開會，各路人馬唇槍舌劍、吵吵鬧鬧，我即刻感覺到毛毛BB四圍捐來捐去，好似想要匿埋咁。

掉低

今天又先被掉低了，
我很討厭這種感覺，
都是因為我太心軟了吧!

不過，說到底...
沒有習慣，沒有依賴，
就不會有被掉低的感覺。

Week 20 - 飲糖水

一朝早就要去醫院飲糖水! 其實即係做一個驗血，睇下有無妊娠性糖尿既風險。醫生話我本身偏重，所以就要比其他準媽媽做多一次驗血。(人地只要27-32週驗一次就得了!)

第一次抽血晌八點，之後飲一杯好甜既糖水。初時覺得甜甜地無咩野，仲飲得好快。點知唔知係太早... 太肚餓(之前要禁飲禁食)... 定真係太甜... 我飲完之後個頭發下發下，又有啲想「獲利回吐」。

不過嘔左要再飲過架，所以死都要忍住。跟住等左兩個鐘頭，再抽第二次血。之後當然去食個豐富早餐先返公司啦!

兩日內收到電話，即係驗血唔合格，咁就要比醫生捉入醫院食糖尿餐啦! 希望電話唔好晌啦...

Week 20 - 營養過剩?!

之前成日話呢幾個月無肥過既我，終於黎料...

自從上次覆診之後，知道毛毛bb屬於偏小型(28/100)，醫生仲開左維他命比我，小巨人就要我食多d野。加埋利是既兩罐媽媽奶粉，磅數終於有所提升。

不過一星期重左4磅，依家又會唔會誇張左d呢?

Week 19 - 留位

今日趁有時間，小巨人陪我到醫院交留位費。毛毛bb出世既地方，醫院規模細細，但就勝在夠清靜，又近屋企。

我都有諗過去政府醫院，可以享受下做香港市民既福利。但係小巨人想我同毛毛bb有好一啲既服務，所以貴啲就貴啲。希望到時順順利利...

不經不覺，已經過左一半日子。下個星期係20週了，好快呢!

覃府彌月

覃府添丁，大宴親朋。我同小巨人幸運地被邀請，當然又可以見到舊日一齊打拼既好同事們。

我同左呢班大男人報喜之後，佢地竟然唔相信。因為我仍然未見肚，而且佢地又話我瘦左，個樣又細個左。可能晌佢地心目中，仍然係一個初初畢業既o靚妹，仲未似一個媽媽掛... 不過佢地知道係真既之後，都好開心。仲七咀八舌咁講起湊仔經，又叮囑我要小心同注意既事，好感動呀!

席間比我聽到一句:「有無攪錯，第一胎就係仔?」我知係玩吓，但係我想強調，生女都有生女好，思想咪咁守舊啦!

Week 19 - 照結構

今日有一個重要既檢查要做，就係去醫院幫毛毛BB照結構，即係睇下佢係咪健康成長。

因為醫生約左下午2:45，仲可以同小巨人食個好豐富既午餐。等左一陣，原來係上次檢查既同一個醫生... 咁啱既! 醫生左照照、右照照，有時會解釋比我地知佢睇緊邊一部份。不過房入面實在太黑、太靜又太暖，我真係差D瞓著左。

最後，醫生講左一句:「BB生長得好好呀! 唔駛擔心，一切正常!」

好野!!

Week 19 - 開估啦!

成個半月無見毛毛BB，好掛住佢，唔知佢依家變成點呢? 今日順便試下睇另一位醫生, 小巨人仲可以趕得切陪我。

等左成個鐘，終於見到BB啦! 醫生好細心, 每部分指比我同小巨人睇... 頭仔、肚仔、心跳、大臂仔都好正常。

醫生仲好確定咁話:「好清楚... 係男仔!你地可以放心去買野啦!」

相當刺激

我覺得自己都幾好彩, 去到每間公司都可以識到好朋友。

標美會又有聚會, 因為我要同積奇蓮報喜, 好似好耐無見佢, miss her so much! 今次威廉同咪咪都一口答應, 多得豹豹同柏師奶提醒, 一於幫威廉攪返個遲來了一個月的生日會。

呢班「友」, 最難得係咩野都可以講, 好野衰野都得。最好係唔會嬲, 又唔會怕串, 只怕無反應! 所以真係笑到我... 有d肚痛!

唔知毛毛bb會唔會覺得太刺激呢?

被出賣

無意中翻開電腦的舊照，竟然找到了... 巨人也有cutie時!

明明...

在沒有預計的情況下，收到一個「say sorry」的短訊，人家都主動求和，最後我也交待「無事了」。

但是，冷不防一個踫面突擊，大家竟然有點尷尬。明明...是已經講和，見面時又像很陌生。明明...覺得大家很熟絡，不到五分鐘後，卻有「路人甲」的感覺。明明...有時好像很近，但彷彿又很遙遠。

究竟我認識這個人嗎?

Week 18 - 推介

余願提早出世了，好彩翠詩的靚靚大肚相仍能如期發表。見到她大大的肚皮，真的很羨慕，竟然一條紋也沒有，我當然要請教老師。

她推介的就是Biotherm Biovergetures (撫紋美體霜)，很怕油淋淋的我，試過真的很爽。雖然要出紋的還是會爆出來，不過也希望爆少一點吧!

但我又發現，毛毛bb好似知道琴晚我有點情緒起伏，整晚都郁來郁去。我想除了照顧我的肚皮，也要好好照顧自己才對，不要令毛毛bb陪我唔開心了...

你在哪裡?

近來很懦弱，動不動就喊，多數也因為公司的事。

放工前，只是一個小小的誤會，又喊到七彩。當時的一刻，很想忍，但又忍不住。對著msn又喊、在廁所又喊、講電話又喊、對著豹豹... 又喊! 返工真的有這麼淒涼麼? 好彩，豹豹立即施展另類療法。果然...

「gossip能醫百病!」

不過，以前堅強的我，你在哪裡?

死掂佢

X同事說:「唔關我部門事，我地理唔到。」(咁你地做到咩?)
Y同事說:「有咩野事，上黎開會先慢慢講!」(上去一日講幾分鐘野?)
Z同事說:「咁你咪自己死掂佢law...」(真想爆炸!)

喂! 個project你有份架喎! 點解依家講到只關我事? 當初只係阿姐叫我「幫下手」咋... 想起當時接手既時候，你又講過咩野? 依家又愛理不理...

呢個咩野世界?

多多, 生日快樂!

話咁快，多多就一歲大啦! 最開心係我又有住家飯食... 好味道!




大家一齊唱生日歌，仲有阿boo情深的一吻! 佢果然最鍚多多... so sweet!

愛不單行

愛 只有簡單筆畫 卻比想象復雜...

悟

今期壹仔的訪問，杜汶澤說:「潇灑的，氹到人開心轉過頭走咗去，你無想過他欠你，便少了樣牽掛。」

看到這句話，令曾經悶厭厭的我，立即有所頓悟。

的確，你不想人家欠你什麼，不貪心的去望回報，就不會有失望。反正是自己選擇的，好的壞的結果也要自己承受。雖然也會有軟弱的時候，就當是鍛練EQ的過程。

不問回報，自然就少一點抱怨。

Week 17 - 搖籃曲

這幾個月來，睡眠質數也不太好，每清晨的三、四、五點都有機會起身。

小巨人提議可以睡前聽聽輕音樂，聽說對大小朋友都蠻好的。剛好夏太有存貨，我們當然立即上門交收。充滿音樂細胞的我，甚懂得欣賞 (反話是也)... 頭幾天，不夠一首樂章之後，真的可以倒頭大睡到朝早。真的有這麼神奇嗎?

不過，這幾晚搖籃曲的魔法又消失了。小巨人說今晚試試不關機，待我起了身，也可以再邊聽邊睡。

「毛毛bb，你不喜歡莫札特嗎? 還是你喜歡鄭秀文多一點?」

Week 17 - 生仔生女?

各位好友都問我毛毛bb係男仔定女仔，其實我都仲未知道...

唔係我唔想知道，而係依家已經定左無得改變了，我點心急都唔會轉架啦! 而且我諗... 依家知道的，都唔係100%確認，倒不如100% sure的時候才問醫生。

我承認我係「發女狂」，因為一廂情願認為囡囡又嗲、又乖、又孝順、仲可以扮靚靚... (係我想多左嗎?)

不過如果係男仔，我都會咁愛毛毛bb架... 我同小巨人講，至多比我幫佢扮一次女仔啦! 哈哈!

Week 17 - 醫院檢查 (1)

由新年(1月2號)排期，足足兩個月，終於可以去政府醫院做檢查。

去到已經好多人，好彩我聽話，一早準備好晒姑娘叮囑要做好既事，所以過程都算順利。今日上磅，發覺又輕了! 其實呢四個月以來，我既體重都無增加，反而有點擔心呀...

但係我係偏重，所以醫生都安排左我飲糖水做糖尿測試，希望無事啦! 好彩都有樣好野，醫生比我做照結構的超聲波檢查，如果照得好，又可以慳返d!

呢個三月好忙呀!