我愛紫色

momo近來對紫色很著迷，今日換左個滑嘟嘟的印仔，我諗佢一定會開心到癲左！（多得好友提起滑嘟嘟都係紫色，我先留意下，唔該晒！）momo喜歡紫色的原因，應該係同學校有關，佢真係好鐘意返學！哈哈！

妹妹８個月

妹妹，

轉眼妳又八個月大了，可能是出牙仔的關係，近這個月妳吃得很慢又很少，令媽媽很擔心。媽媽的整個新年假，就是不停的餵你，因為你有時要食２小時分開３次來餵，真是令媽媽有點氣餒。最後發現你熟睡時才肯吃，總算有點曙光。

這兩天起，妳又有進步了，開始喜歡吃婆婆的愛心粥。

我想你知道，媽媽給你的付出是理所當然的。但是婆婆對你的付出，妳就一定要銘記在心。有時候，婆婆比媽媽照顧妳的時間更多、更愛妳呀！

妹妹，妳長大後一定要孝順婆婆喔！

媽媽

年初七 幸福波波池

又來一班細路攪攪震的時候，今次簡生來個波波池派對，開心到成班細路大笑。

最厲害仍然是momo，不論人多、人少、有人定無人，佢都是有份玩的。大細劉兩兄弟都唔弱，一齊來百厭；何氏姊妹花玩得來都很斯文；仲有簡大二少就較慢熱．．．快ｄ黎一齊玩啦！妹妹最細，暫時只可以遠觀，不能參戰。

見到成班細路開心的笑聲跟滿足的笑容，就有很幸福的感覺。

年初六 大埔

一年一度大埔到此一遊

年初五 小情人

今年的情人節，都是在忙碌中渡過，放假照顧著兩個baby，忙得我比返工更忙，連情人節也沒什麼感覺。不過有點特別是有「情人」來訪，Carrie姨姨是也。

很久沒跟她談談心，真希望下次再聚時間可以多一點。

同場加映是momo的情人姨媽，今天開始，媽媽都比下去了。哈哈．．．因為momo話佢最鍚是姨媽，姨媽當然甜到入心。情人節快樂！

年初四 赤柱

本來是姨媽探好姊妹一家，我又一齊去湊熱鬧。 沒想到，爸爸肯跟我一起「癲」，帶住momo跟妹妹，加埋姨媽幫手就出發去赤柱來個西班牙下午茶。

帶住兩兄妹出「遠門」要很多裝備，車程又較長，但見momo跟妹妹很開心。今次momo又認識了yan yan姐姐，睡前都說下次要再找姐姐去玩。

雖然我們有點論盡，不過都是很值得。

年初二 濕地公園

終於帶到momo去濕地公園啦！同行仲有姨媽同公公一起出發。

對於老人家跟小朋友，這個真是好地方。除了可以邊行邊看風景，沿途又有很多地方可以休息，對有腳痛的公公也很好行。小朋友又可以做做摺紙小手工、玩遊戲閣、睇展覽，戶外地方很漂亮，令人心曠神怡。

其實去散步也可以，公園外面又有一個大草坪，也是小朋友放電的好地方。

蛇年年初一

蛇年的年初一，momo同妹妹換上姑媽送的新衫就出發。多得姑媽的心意，令我省去很多時間幫兩兄妹買新衫，都是小朋友著華服最可愛。

肥豬格格同陳大福去拜年了

同場加映預祝姨媽的生日，最開心係momo，因為可以唱好多次的「Happy Birthday」同可以切蛋糕呀!

年廿九 行花市

年廿九難得Mo爸有假期，本來想去人氣冰室食個巨蛋餐，點知人地都收爐了。最後食個午餐，就帶Momo行花市。

今年係Momo第一年正式自己行花市，所有事物對佢來講都好新奇。仲竟然巧遇佢最好朋友梓浩仔。梓浩送左個巴斯波波比Momo，開心得佢要攬住午睡。

之後就是準備蛇年啦．．．咁快又一年。