變變變

忘記維持了曲髮已有多久，
就讓我今個星期開始換一個新的髮型吧!
好野! 終於可以變變變!

之前好興奮地問下小巨人意見:「我整返直d頭髮好唔好?」
點知佢問返我:「點解要比錢人地又電曲又拉直嘅?」
吹啤啤...

郊遊樂(釣漁翁)

終於可以起程去郊遊，我好耐都未去過，所以應承之後又有點怕。不過小巨人同事們揀呢個行程適合初初行山的人(即係我)，所以我都可以應付。

雙眼好耐未望到咁遠咁多野，竟然一次過睇晒藍天、山頭、樹林同海灘。我覺好好玩呀!





不過今日天氣好得滯，陽光也非常猛烈。所以對於唔曬得的我，返到屋企又唔係好妥，因為又嘔了... 有點中暑的現象。下次都係做好準備先得!

雖然今個復活節假期完了，但過得非常開心。

「大」紙船

今日同小巨人一班「姣鬆dee」四圍去玩，因為鬆dee們買左車，可以周圍去遊山玩水。

經過西貢海濱公園時，發現有幾隻大紙船，好特別。都好耐無去過西貢，雖然入夜後才到，但係都覺得變左好多。幾舒服喎!

我地今日竟然由沙田 -> 大圍 -> 馬鞍山 -> 西貢 -> 彩虹 -> 荃灣，只係仲未過海咋。厲害!

早場

復活節第二炮，原本係約左小巨人的同事們去郊遊。

不過天氣唔多好，仲落住好大雨，結果都係收到急call取消了。當時我地已經搭緊地鐵，真係一時間唔知去邊度好... 好彩今日係假期，仲有戲院早場等緊我地。我地就決定去奧海城睇「史柏力魔怪書」，我覺得ok好睇呀!

之後仲比小巨人發現有穿梭巴士去荃灣，我地開心到好似中獎啦! 因為係免費架喎... 嘻嘻! 仲可以順便行下新的商場「荃新天地(Citywalk)」，但原來仲係無咩舖頭，不過啲食店幾得意，等我下次黎試下先。

咁樣行下、睇下，原來已經下午3點幾，係時候飛奔返屋企午睡! zZZZzzz

遊樂去@濕地公園

復活節假開始啦!

本來第一炮係去錢太新居house warming，點知各方好友無頭無尾。好彩仲有熊貓姨姨一家四口加印印，真係人強馬壯。結果，我同錢太兩個無聊師奶，竟然join左熊貓姨姨的「復活節家庭日」。

我地一行7人去左濕地公園，好開心喔!

絕對珍藏

真係要同夏太傾吓，唔知可唔可以做晴晴bb個經理人呢?

因為，我今日又同利是去探夏太同晴晴啦! 小巨人知道左，第一個反應係:「你又去?」係囉! 我又去探晴晴啦! 今日，晴晴終於瞓醒覺，仲眼仔碌碌望住我地。原來，小baby真係成日都瞓覺架...

今日真係又食(薑醋)又拎(禮物)，因為夏太送左套「晴晴bb限量版」紀念品比我，一套兩款，真係絕對珍藏! 咁我就可以日日都對住晴晴bb啦!

最大貢獻

蘇家大小旁晚終於安全到達香港，佢地狠狠拋下我跟小巨人就去上海旅行，因為佢地話...

四個人(蘇老大 / 蘇太太 / 蘇碧 / 蘇小弟) 搭的士剛剛好、蘇小弟公司的特價機票，只有父母或25歲以的直系家屬先有份、蘇碧公司的特價酒店房，每次只可以訂兩間。

所以，無貢獻的我同小巨人，只可以留晌香港等佢地返黎啦!

夜晚，當然唔少得同爸爸媽媽(仲有米高同蘇碧)食晚飯。一見面，佢地已經急不及待要同我講佢地旅行旅途上的二三事，仲分享沿途的風景相，原來大陸真係風景如畫。

希望下次真係可以一家人去旅行。咁我唯有貢獻壯男一個，幫佢地做各種勞動工作。

為你鼓掌

今日，又去左親親小晴晴啦!

我好興奮，因為已經一早約定翠斯同小花貓。唔知佢地仲記唔記得，翠斯、小花貓、夏太係我中學時代最好嘅朋友，我地仲成日約埋傾計、逛街同唱k。不過唔知幾時開始，大家就各有各忙，只剩返我同夏太，好耐都未試過同佢地坐埋一齊閒話家常。

今日，翠斯仲宣佈左一個好消息，佢要做媽媽了。我真係好佩服佢，因為由佢幾個月之前話我知佢嘅想法，到依家真係實現左，感覺真係好奇妙。其他人可能係信口開河嘅一件事，佢真係做到。而且我真係感受到佢做準媽媽嘅喜悅，我真係要為佢鼓掌!

小花貓向公司請辭了... 過去幾個月都一直唔敢搵佢，就怕打擾佢。好野，終於可以約佢，真係好享受我倆講不停嘅時光呢!

別了

今天的肥肥追悼會，看到她的好友憶起往事及送上祝福，我又哭了。

從小到大看見她，就知道已經很晚，因為已經是在「歡樂今宵」時段嘛... 我們這一代，也就是聽著她爽朗笑聲長大的一群。小時候，還以為肥肥的笑聲是錄音的，為什麼每次也可以一模一樣?

這幾個星期，每次看到有關她的節目，我也忍不住眼紅紅。特別是欣宜的悼辭，仍深深的在我腦海裡:

Have you ever seen a shooting star? No, well they're very rare. They're seen in the sky for only a very brief moment. When they appear, they're so brilliant, so bright. You are my shooting star, Mom. It's not your contagious laughter, your fond hair or your darkened glasses I'm going to miss, because these are not the things that made you a brilliant shooting star that you were 。

別了，肥肥。

有你就好