6個八聚會

今日舉行左一個秘密聚會，地點依舊係大家喜愛的上環打邊爐，行動代號係6個八。3個女人一個墟，6個女人又點會止兩個墟，所以真係嘈到爆炸又笑餐死。




飯局上有人提到「曖昧」，當局者迷時拖拖拉拉、曖曖昧昧，實在會令人樂在其中，最甜蜜的時光也在這個時候吧。但當結局漸漸揭穿，原來不是自己所想時，好像是由天空被掉落地底，痛得很。

不過我覺得最討厭的，還是在局中佔便宜的人。

我就是喜歡

今天，我和小巨人一起已經六個年頭了。

轉變... 我們好像也沒有什麼大轉變，(嘻嘻) 除了身型吧!

生活... 我們由兩個獨立的人，加起來變做一個家庭了。

喜好... 執屋已經變成我最大的娛樂嗎? 雖然有時候還是埋怨小巨人不幫忙，但我還是樂在其中的。

慶祝... 我們沒有什麼慶祝活動，只是閒逛一會，再回家看獎門人。

生活很平淡，但我就是喜歡。



*********************************************************

今天收到一個喜訊，翠詩做了媽媽喔! 因為寶寶過了預定的日子還不肯和我們見面，每天也和準媽媽一同等待... 真的很想去看看她。

家好月圓慶團圓

「家好月圓」大結局了，電視台正好晌屋企附近開派對，我同小巨人經過，當然要去「八」下。

小巨人仲帶埋佢個新玩具出街，順便睇下影唔影到陳豪。可惜，原來阿卡今晚無出現呀! 幾經辛苦同人逼人，小巨人終於到影到荷媽一家比我睇... 小巨人有巨人高度，梗係睇到啦! 不過我就咩野都睇唔到，只係聽到聲咋，所以我地最後都係唯有跑返屋企睇了。



過去幾個星期，「家好月圓」都係我同小巨人每晚坐定定睇o既節目，亦係我地每晚最期待o既時候。 曾經睇到我地咬牙切齒，真係好肉緊。依家無得睇啦，不過都好... 係大團圓結局，大家開心。

很溫柔

出奇媽媽今日帶左四萬同小柏高出來。家姐仔四萬，佢最鐘意笑又好乖，所以係我地o既甜姐兒。仲有非常活潑細佬小柏高，原來對上一次見佢已經係上年四月的事，佢o既頑皮事件就聽出奇媽媽講得多，今日原來先係我地第二次見面。

估唔到仲有其他事令到挑皮小柏高坐定定... 原來就係晴晴啦! 哈哈^_^! 咪睇小柏高成日跑跑跳跳，原來對住bb非常溫柔，加晒分之餘仲「林」死人。




小柏高:「Hi! 晴晴!」

我要快樂

近來工作極不如意，真係要「快樂一下」。

小神童專程由比利時帶返來的tuffles正來得合時，人地話食左朱古力會開心d，睇黎我呢排真係要食多d啦!

話說豹豹今日變身做左神婆豹，幫我起左支掛...「天門一掛榜，預定奪標人，馬嘶芳草地，秋高聽鹿聲」佢話係好野黎喎，亦令我精神一振。

希望Bad Time快d過去吧!

重見檯面

多得某同事的白眼，我終於的起心肝要令我個位黎一個重見檯面之日。

咁多野去左邊? 原來好多都係垃圾，仲有d私人野放番晌櫃筒，又收埋晌檯底，咁樣已經可以清左好多野。

Before & After... 睇完真係~~~unbelievable~~~!!!

Before


After

1st生日會

臻臻大個仔啦! 咁快就一歲了... 菜太決定攪個party等大家開心下。


臻臻真係好似大明星呀! 各位記者朋友都表演得好專業。


大明星就梗係有好多大小靚女相伴... (圍住佢全部都係女仔黎架!)


菜太同場加映的拆禮物記，臻臻個樣好happy呀!

迷失東京 (5)

其實小巨人o既戰鬥力已經比我想像之中強勁。平時陪我行一陣已經唔耐煩o既佢，晌今次旅行全程投入，認真抵讚。


可惜佢最終都係頂唔住要休息休息，連我地每次旅行重頭戲，禮物大合照都無力參與... oh no! oh no! 咁唯有我自己黎啦! 嘿嘿

我地都唔係買左好多野之麻，不過入面我最鐘意的，就係一對米奇同美妮，佢地好可愛呀!

原來咁快就5日，真係唔想返香港呀!

迷失東京 (4)

東京disneyland

玩到唔捨得走呀! 我地真係由早...






...玩到晚呀!






可以玩埋香港o個個就好啦!