做家務

我:「其實你識得做咩家務呢?」

小巨人:「我識得早啲訓覺，唔阻住你做家務。」

我:「如果第時生左bb，你又識得做咩家務呢?」

小巨人:「我識得抱住bb早啲訓覺，唔阻住你做家務。」

我:「...」

冬天來了

久違左嘅冬天終於黎啦，真係令我好興奮，好耐都未試過有冬天嘅感覺啦!

不過除左興奮，就係凍、凍、凍... 我發覺荃灣比青衣還要凍，真係比其他地方仲要低幾度。但係我可以安排好耐無著嘅大褸們出場了。就連出左名唔怕凍嘅小巨人，都要出動佢嘅長袖衛衣抵冷。我地「後生仔」都咁樣，可以想像到啲老人家仲勁。

特別介紹: 公公的「型仔」冬天look
(羽絨褸 + 冷衫 + 羊毛衫x2 + 綿納 + 大頸巾 + 絨帽)

未停過

原來我真係未停過...

去完honeymoon，第二個星期已經要去上海。
去完上海，又要處理未完成積左成個月嘅工作。
返到屋企，又要立即準備晚飯。
食完晚飯，仲要準備晒返婚禮嘅相比各位親朋好友。

所以我諗「大囍日子」、「甜甜蜜蜜@歐洲」、「上海精華遊」都只可以不日完成。
不過我唔會放棄架!

上海精華遊 (3)

眨下眼之黎到最後一日旅程，之前幾日車程不太順利，所以我地決定早一點出發去機場。

但係呢一程竟然又出奇地暢順，所以今次有好多時間晌機場啦! 我好想買小福娃呀... 不過想到只係放晒晌屋企做擺設，我又打消左呢個念頭! 寶寶頭上嘅福娃小帽，勁可愛。仲有一啲特別手信，就係「嗞嗞烤肉味」同「吮指紅燒肉味」薯片。唔係掛... 竟然仲貴過香港嘅薯片一倍有多，我梗係無買啦! (都係借黎影下相算了。)



唔知係唔係搭港龍關係，起飛時間非常準時。不過當我地滿心歡喜上機時，先發現呢一程飛機係無左小電視的...



不過點都好，回家就好了!

上海精華遊 (2)

第二日，下午食完午飯，又要開始我地幾個鐘嘅車程返上海市。天氣原本已經好凍，再加上落雨關係，真係冷得我地騰騰震。今次嘅團友們都非常合拍，就係一上車就休息休息，哈哈!



經過六個鐘車程，我地又返到上海啦! 因為阿仔未去過上海，所以一定要同佢去下外灘。今次再重遊外灘，風景依舊美麗，不過遊人已經少左好多，亦都可以比我地影到夠。不過真係好凍好凍，我諗就係呢個原因，令到夜晚咁少遊人啦。所以我地都要急忙徹退。



兩次黎到上海都匆匆忙忙，真係希望下次可以留得耐一啲，去感受一下呢個城市。

上海精華遊 (1)

今次上海之旅稱得上係上海精華遊，因為工作關係，真係好精華下...

我地計劃15號下午機，17號夜晚就返香港了，即係只逗留短短三日兩夜:
第一日 - 14:00起飛，一落機就搭幾個鐘夜車去個鄉下地方。
第二日 - 食完午飯又搭返幾個鐘車去上海，去到應該係傍晚。
第三日 - 食完午飯又要起程去機場，搭18:20班機返香港。

今次搭咁短途，飛機上面竟然都有電視仔，所以貶下眼就到啦!


不過一落機, 我地竟然搭左六個鐘車(原本只要四個半鐘)，要夜晚11點幾先去到酒店，真係激攰。好彩今次間酒店好過上一次好多，我地總算有覺好瞓。

甜甜蜜蜜@西歐 (11)

Let's Go: [英國] 倫敦 (British Museum / Convert Garden / Piccadily Circus)

最後一日晌倫敦，當然要好好把握。先去大英博物館，原來佢地「洋鬼子」搶晒我地啲寶呀! 仲有木乃伊，都係第一次見，好驚呀! 之後時間無多，趕住去Convert Garden，好彩有黎到。因為呢度真係好正呀! 下之再黎倫敦，我一定要黎呢度行個夠為止。



終於可以試到fish & chips啦! yummy yummy!!



今次旅程，想行的、想玩的、想食的全部試過晒，實在好滿足... 真係唔係好捨得咁快返香港呀!

甜甜蜜蜜@西歐 (10)

Let's Go: [英國] 倫敦 (Hackey Central / London Eye / Oxford Street)

自由行嘅好處係可以隨時改行程呢! 今日我地就決定去Burberry嘅開倉睇下，我梗係滿心歡喜啦! 不過，最後我只係買左少少野。因為依家英鎊太貴(15.5:1)啦，所以連減價貨都唔再平價。不過我地晌呢個小鎮竟然有發現，就係Tesco啦! 買得我地勁開心!

一天黑，我地就去左London Eye，靚靚夜景包圍住我地呀! 如果可以坐耐啲就好了...



玩完London Eye，再去Oxford Steet行到飽!

甜甜蜜蜜@西歐 (9)

Let's Go: [英國] 倫敦 (Arsenal / Leicester Square / Knightsbridge (Harrods) / Piccadily Circus)

我地晌兵工廠同車仔做左決定，最後揀左兵工廠。



用左一個上午，下午仲有好精彩節目，就係去睇Musical。 我揀左STOMP，因為應該較易明白。咪睇佢個場細細地，我地最後拍爛手掌呀!

甜甜蜜蜜@西歐 (8)

Let's Go: [英國] 倫敦 (倫敦塔 / 塔橋 / 聖保羅大教堂 / 白金漢宮 / 大笨鐘 / 西敏寺 / 國會 / 唐人街) --> 溫莎 (溫莎堡) --> 倫敦

我期待已久嘅倫敦之旅終於開始啦! 先來一個city tour!



今次仲有機會去埋溫莎堡，呢個我地之前無計劃過嘅行程黎架，真係出奇地靚同令我喜出望外。



去完溫莎堡同各位團友bye bye之後，我地就開始自由行之旅了... 好緊張!