Love Paradise

呢排係腦海日播夜播既歌...正呀!!!

Love Paradise

歌手：陳慧琳 作曲：陳光榮
填詞：Poman Lo 編曲：陳光榮

＊You're always on my mind
　All day just all the time
　You're everything to me
　Brightest star to let me see

　You touch me in my dreams
　We kiss in every scene
　I pray to be with you
　through rain and shiny days*

＃I'll love you Till I die
　Deep as sea Wide as sky
　The beauty of our love paints rainbows
　Everywhere we go

　Need you all my life
　You're my hope You're my pride
　In your arms I find my heaven
　In your eyes my sea and sky
　May life be our love paradise＃

REPEAT＊＃＃

Sweet! Sweet!

生日快樂

今日約左利是, 黎太, 蕃茄食飯, 當係慶祝利是生日。

因為利是唔想大攪, 所以食飯就當慶祝啦。雖然冇約好大班朋友出去(都不外乎去唱歌吧!), 其實得我地四個都好開心, 因為我地可以不停咁傾成晚, 全程都冇dead air!! 有時回想起我地相識既過程都幾得意, 我諗緣份都唔淨止只可以發生於男女關係上面。反而令到我地四個人相識既一班朋友已經冇再聯絡, 但係我地就仍然咁好朋友, 世界真奇妙。

但係今日利是又宣佈, 佢同男朋友又分手了... 好可惜。因為之前佢地經歷好多風風雨雨, 只怪個男仔唔懂得珍惜(利是真係好好好好架)。見佢真係有點憔悴, 希望佢快d好返... 但係我都好唔開心, 好朋友咁唔開心, 但之前竟然感覺唔到, so bad!!

祝利是生日快樂, 從新開始!

冇心機

今日好冇心機... 因為發現出左糧只係五日, 今個月只剩番 130 蚊, 仲要用到下個月!!!

窮呀!! 唯有慳 d 啦... so bad! 因為冇心機, 唔講太多了。

關於我

關於我的四十九件事...
1. 在哪裡工作： 新蒲崗
2. 剛才最後吃的一樣東西是什麼：奶皇飽
3. 天氣如何：炎熱
4. 戴隱形眼鏡嗎：有
5. 上一次生日蛋糕上蠟燭的數目：1/2枝 (同小慧 share 的)
6. 通常吹熄這些蠟燭的日期：十二月中
7. 星座：射手
8. 有兄弟姊妹嗎：姐姐/弟弟
9. 有幾個耳洞：沒有
10. 喜歡目前的生活嗎：很喜歡
11. 喝過酒嗎：廿歲前-好多/廿歲後-好少
12. 有想過要自殺嗎：太怕死, 唔敢想
13. 不敢吃的東西：內臟
14. 最喜歡吃什麼東西：蛋糕
15. 最喜歡喝什麼：咖啡, 奶
16. 最喜歡的顏色：黑, 粉紅, 藍
17. 最喜歡的數字：十二
18. 最喜歡的卡通人物或品牌：Burberry
19. 最懷念的日子：在 Adelaide 讀書時
20. 最喜歡的歌手：楊千嬅
21. 最喜歡的人：Bibo, 屋企人
22. 最喜歡的東西：meme
23. 最喜歡的書：行過峰火大地
24. 最喜歡的故事：童話
25. 最傷心的經驗：失戀
26. 最喜歡星期幾：星期六
27. 喜歡春夏秋冬哪一季節：冬季
28. 喜歡的運動：羽毛球, 訓覺
29. 冰淇淋種類：朱古力味
30. 最怕什麼東西：黑, 死, 熱, 鬼
31. 討厭做的事：訓覺比人嘈醒
32. 討厭別人做什麼：整污漕 meme
33. 討厭的人：冇
34. 擅長的事：吹水, 發癲, 扭計
35. 以後想做什麼職業："CR"老屎忽
36. 覺得自己十年後會在哪裡：青衣
37. 無聊的時候大多做些什麼：攬住 meme
38. 世界上最惱人的事：疴唔出
39. 覺得同性戀如何呢：好勇敢
40. 對於沒把握的事情態度如何：嘗試
41. 有想過要怎麼對付討厭的人嗎：有
42. 通常幾點睡覺：晚間新聞後
43. 現在心裡最想見的人是誰：公公, 婆婆
44. 想要幾歲結婚：三十歲前
45. 近日熱愛的歌曲：Love Paradise
46. 近日熱愛的劇集：楝篤神探
47. 近日熱愛的書本：鋼之煉金術師(漫晝算唔算?)
48. 近日熱愛的電影：導盲犬小Q
49. 今天心情好嗎：好好

中日大戰

今日係亞洲杯決賽"中國vs日本", 今年中國係主辨國, 原來祖國已經有二十年冇進入過決賽, 所以今年成為好多同胞既希望! 可惜結果輸了... 三比一落敗。最令人憤慨係關鍵一球被日本球員用手撞入(即係手球), 見到都激氣! 最搞笑係日本比人踩台, 要政府出面投訴, 又成為政治風波, 好無聊!

但係另一方面中國既前鋒扳握能力低又係事實, 都係自己唔爭氣... 不過好多同志唔服輸, 最後演變成小暴亂。好記得當中有人話:"我地等左二十年, 點都應該係我地得到亞洲杯。" 不如自己檢討下啦, 等冇用的!!

對住祖國既同胞們, 都唔知幫定唔幫好... 吹脹!

相處時

有沒有想過...

相處時需要包容,
相戀時需要真心,
爭吵時需要溝通,
孤獨時需要人陪,
難過時需要安慰,
生氣時需要冷靜,
快樂時需要分享。

醒覺

今日開始打番羽毛球, 好耐冇運動過, 要操下先!

因為只有我同小影, 所以比較輕鬆。佢話我知, 呢個星期終於醒覺了, 唔會再對佢同誠誠之間有任何希望, 因為誠誠竟然講左些令佢好傷心既說話! 呢個時候先認識到誠誠係咁幼稚的! 我第一時間就恭喜佢, 哈!

不過又令我感到, 原來人係可以這麼反面無情, 就算之前同佢有幾親蜜!

真係好傷心的...

女大十八變

信唔信女大十八變呢? 記唔記得邊個係 Candy? 係呀... 就係蘇碧o既 Best Friend。 估唔到佢竟然快過蘇碧嫁人。仲邀請佢去美國做伴娘。

今日收到佢既結婚相, 第一件事就"嘩"左一聲, 因為同我識左十幾年既佢全完唔同晒。印象中, 以前既 Candy 係跳跳紥紥, 好活潑好動的類型, 估唔到相中既佢咁 lady , 好靚女喔!! 不過冇變係佢同蘇碧既友誼仲咁 close, 雖然佢地中四之後就好少見面 (因為Candy去左外國譆書), 但係都咁親密。其實我都好羨慕。

好彩諗返起, 我身邊都有好多 Best Friends ^_^

小風波

今日公司氣氛充滿住火藥味, 好彩後尾老闆F終於調停到呢個小風波!

今朝原本已經遲到既我, 未坐定已經聽到同事S同經理K爭論有關供應商既問題。令我聽到都覺得對經理K有點兒唔公平, 雖然我只係 small potato, 但都忍唔住要出聲, 因為只聽到同事S&同事K埋怨經理K唔幫佢地爭取, 但又冇了解到經理K都好無奈 (主因: 奸人反口)。

佢地初則討論, 繼而經理K黑面兼同事S越來越大聲。後來只見老闆F係房出黎, 大叫一聲 "做乜事? 全部入黎!", 於事佢地又入老闆F房開"閉門煲煙會議"。我都唔知點做好, 所以打電話搵同事C求救... 不過佢都趕唔切返公司。

最後散會, 表面上好似風波平息了。但係氣氛仍然好僵, 連我提議去飲茶都冇人理... 好彩 Lunch 又回復原狀。(真係嚇"屎"我倆... 哈哈!)

後來我同老闆F傾計時, 其實都係大家着緊公司生意吧! 只係同事S語氣重了點, 其實單生意唔係佢的, 佢亦大可置之不理, 不過就係大家都肉緊, 就有點火藥味。

我相信我地可以斡一番事業的, 大家努力! 我地係"最強陣容"嘛!!

心跳回憶

今日放左工, 我地就一支箭咁走左去, 因為要去漫畫展, 點知... 比人搵左笨! 原來冇野睇, 最後好無聊又人迫迫, 蕩左個幾鐘就閃左!!

不過都好, 反正返到葵芳都仲好早, 有時間買我既 Aaron 新碟(其實只係新曲加精選) -- "城意三部曲"! 講開 Aaron 都幾失望... 依家人氣大不如前仲顧住追女仔, 工作又唔多努力! 見到佢成日比人批評都幾心痛, 但只可以怪佢自已仲眷戀往日風光, 又唔去 update 自己。唯有買佢新碟, 支持下佢, 等佢從新做人吧!!

聽到佢以前既歌, 諗起似前自己讀書既回憶, 好興奮! 哈哈!

"對你愛...愛...愛...不完..."

黃大仙保祐

仲記唔記得我同蕃茄既"求神拜佛"之行呢? 今日終於成行啦! 最好笑係我地兩個青衣仔出省城, 差點係黃大仙蕩失路。好彩好快就搵到。其實我地都唔係好知道d程序, 希望用誠意撘夠。"黃大仙, 黃大仙, 請你保祐婆婆身體健健康康, 同埋公司生意快d有氣息, 咁我一定會還神架!"

之後就同蕃茄去左食Lunch同行街, 好耐都未試過咁輕鬆行街傾計, 仲買左好多無聊野 :)

不過三點又要趕返屋企, 因為約左小巨人去同公公&婆婆食飯, 但係我實在太累...終於訓過鐘! 結果唔可以接佢地去 (好彩有蘇碧係度), 仲差d"毫無建樹", 好彩都幫公公買左兩包米(八公斤)! 不過見到公公今日係咁偷笑, 又笑到見牙唔見眼 (因為帶婆婆去食飯), 我都好開心!

今日多謝小巨人幫手喔! Thanks so much!