為左要試下傳聞中好抵食o既大家樂香蕉船鐵板餐, 蘇太太今晚就提議同我&蘇小弟去青衣城食飯. 連蘇太太都知道的話, 睇黎大家樂o既promotion做得好成功... 果然, 去到係超級多人. 好彩我呢個先頭部隊都搵到位比母親大人! 原來真係好抵食, 有湯, 有扒, 又有香蕉船都只係$39! 可惜以我一人之力, 實在唔可以"蒸發"呢個豐富晚餐, 所以我只有睇住佢地食, 我食其他野!
食完飯, 我地仲可以去行街街! 仲陪左蘇太太去超級市場掃貨... 雖然佢之前只係想買一條麵包!
其實由細到大, 蘇老大同蘇太太都好忙, 忙住返工搵$, 所以我地好少一家人行街, 甚至去超級市場! 依家到我地大個左, 更加少... 因為輪到我地要返工, 有時間又顧住自己去街! 所以我都返多左屋企食飯, 真係要珍惜下同屋企人相處o既時間!難得今次有時間同蘇太太同蘇小弟四圍走, 其實我好開心的!
