哈佬喂啦喂

今日係「哈佬喂」，我一於同小巨人去慶祝下，最後揀左屋企附近的紅山料理。其實日本料理同「哈佬喂」係無咩關係的... 嘻嘻!

水準ok啦! 不過我地晌「百人一株」之外有另外一個選擇了。

韓劇女主角

今日又去左度夏太度，又可以同晴晴玩囉!

不過...晴晴依家大個左，見少夏太一眼都覺得唔安全，再望多兩眼唔見媽媽，即刻喊比你睇。夏太話晴晴最o岩做韓劇，因為佢會好似d女主角咁，個飲泣樣真係好鬼淒涼，一係一roll機就淚如泉湧，所以更加唔好話同我玩啦! 算 了，我唯有寄望佢快d應得我吧... 咁我就要(借d而)見晴晴多d囉! 呵呵呵!

今日仲係我同夏太「偷食時間」，因為夏生同小巨人都唔係太鍾意食壽司，所以我同夏太呢個時候就可以偷食了。Yummy!

咪咪笑

今日蘇碧有左蘇老大同蘇太太去街街，之後夜晚帶左我地去佐敦食野。原來依度好出名，連小巨人都識，仲話係巨人媽媽o既至愛... 點解佢無帶過我黎架?

好彩我地早左一步到，我地仲以為無咩人，點知由7點開始已經爆棚，要開始等位了。




依家蘇老大同蘇太太得閒會同朋友們食下飯，又四圍去旅行同食下好野，我都覺得佢地開心左好多。依家影相佢地會咪咪笑架... 呵呵!

對不起

這幾天，身體突然有點小毛病。小巨人知道後，他有點擔心，看見他這個樣子，真的令我覺得很對不起!

總覺得跟近來的工作壓力有關係，我要儘量放鬆點，也要快點好起來呀! 我會好好的訓練自己，做多點運動，令身體更健康! 我要做打不死的鐵人...

我們下次再挑戰一分鐘做表情的遊戲吧! (好好笑!!)

我的姊姊妹妹

真係要多謝facebook，我竟然搵到蘇子(姊姊)同蘇美(妹妹)。

蘇子只係大我四個月，所以小時候我地好好朋友架! 我仲好記得我地影相都要拖住手，每次分別都好唔捨得。蘇美就細我地幾年，所以永遠都覺得佢好細個，爺爺仲「阿妹、阿妹」咁叫佢。

不過由唔知幾時開始，我地就無咩野講，每次見面只係好短時間，有時hi-bye都黎唔切講，大家又要走了。又唔知晌幾時開始，我地就連見面o既機會也沒有了...

今日同蘇子MSN，雖然只係閒話家常，不過今朝大家講左咁多野，可能比我地過去十年加埋還要多。原來我地仲住得好近，真係要搵日見下我個古靈精怪、表情多多o既姨甥女呀! 我都好想睇住佢大個女。

Facebook萬歲! MSN萬歲!

食盡香港

難得安安仲有一日晌香港，我同小神童一於帶佢食盡香港。琴日帶左佢食泰國菜，今日就換下食韓國菜。因為安安同小神童已經留左晌廣州成個星期，食左中菜同日本菜，所以香港行程都係食下其他亞洲菜。

最後我地揀左豐園，之前同他他佢地食過，夠「韓國」同好好味呀! 我地去到已經好夜，所以好快就有位了。

琴日去左女人街，本來今日想去埋廟街，不過我地醒起原來未帶安安睇香港最出名o既夜景，所以一於食飽飽就去散下步啦!

其實我成日都唔知「星光大道」晌邊架... 今日同安安一齊做左遊客。真係好靚喎! 可惜我地的傻瓜機，唔係好影到咁靚o既夜景。下次要同小巨人黎，等佢帶埋個新玩具黎先得!

安安好開心黎到香港，佢話好想再黎。我地都好想再同佢去玩過呀!

廣州大作戰 (2)

大作戰的作戰日開始啦!!

人流比預期中少... 唔知係咪d人仲晌香港未黎呢? 好彩我地有靚女同事「安安」，都有d人為左同佢傾計入左黎吹下水，小神童個報告亦唔駛咁難寫... 嘻嘻!

其實平時都好得閒，於是就提早左mission II，而且又時間四圍去睇下... 嘩! 我見到福娃呀!




點知夜晚走時超多人，逼逼逼同熱熱熱... 好彩我聽日就閃人。小神童同安安仲有四日要繼續... 真慘!

廣州大作戰 (1)

多得阿姐的last minute changes... 我可以由留晌廣州7日6夜改為3日2夜的短trip。

今次主要幫小神童做助手，仲有接一個法國同事--安安由香港到廣州。結果早上，一等就等左兩個鐘。原來安安原籍哥倫比亞，仲之前兩個星期先返過鄉下，又加上第一次黎香港，每樣咁敏感o既野加埋，佢就晌custom等左兩個鐘。

奇就奇同佢同行有一對哥倫比亞夫婦，佢地只識西班牙話，約左個大陸的guide又唔見人，所以跟左安安去左同我相約的九龍站。我本住香港好客之道，就帶埋佢地去搭火車，全程就由安安做translation。不過... 如果佢地唔係好彩晌custom撞到安安, 佢地又唔識講英文，咁佢地會點呢?

仲有原來南美的女仔，真係好靚架!

生日會

蘇太太的生日又來了，今年佢話好耐未去過食自助餐，加埋玲姐、小健同小茵，我地又拉大隊去接蘇碧放工了。雖然大家越來越遲放工，遲到好過無到。蘇老大仲同我地行下個outlet mall，竟然又有戰利品!

今日以蘇太太生日名義blow chicken，都好齊人下! Happy Birthday!

分手要狠

昨晚一個突如期來的消息，令我痛哭了一場，連小巨人也嚇了一跳。
不過今天見面，發現是我的反應過敏嗎?
為什麼我看來比當事人還傷心?

一起真的不易，何況是十年的時間...
幸福在手裹，有人真的不懂珍惜。
原來共渡患難，也不代表永遠可以同甘共苦。
而且秘密揭穿時，真相只會越揭越醜陋。

你心痛、我也心痛。
你傷心、我也傷心。
你心死、也等於我痛心。

平時看你像隻小綿羊，原來狠心起來，也很絕。
不過你不寂寞，我們永遠也stand by you!

bb俱樂部

我地成班同學仔，今日一齊去探翠詩同佢個出世只有13日的小寶貝--小靜。我地又開左一個開心party了，個個逗bb玩得唔捨得放手。不過依家除左係我地同學仔party之外，仲開始成為bb俱樂部。我地今次有臻臻、晴晴同小靜! 真係好好玩!






同場加映小花貓帶來的好消息，下次bb俱樂部又有一個新會員--「喵喵b」了! 好開心呀!

恭喜! 恭喜!

今日去參加健次郎o既婚禮，我好早已經到左，仲可以順道觀禮。健太太好靚呀! 健次郎亦非常sharp醒! 當新娘子宣誓一刻，終於忍唔住喊起黎，我都覺得非常感動! 真係要祝福佢地日日都幸福開心快樂!



到左晚宴開始時，好彩有錢生的個人表演，令我真係可以安心做個歡樂小姐... 所以我的「第一次」總算順利過關啦! 哈哈! 其他人仲以為錢生搶晒d野講，真係唔好意思。不過估唔到健次郎一雙手填的二百幾張六合彩竟然有如此魔力，令全場起哄，真係大家開心!

我地最開心當然係又可以聚一聚了。

歡樂小姐

休息了一整個下午, 睡飽了再去會合錢生夫婦，仲有準新郎健次郎同準新娘健太太。我們整晚談著星期四的婚禮，健次郎竟然不禁有點著急。也難怪，因為通常準新郎到一個星期之前，才發現自己原來沒有幫過手嘛! 哈哈哈! (我記得小巨人當時也是這樣子。)

我答應了健次郎做司儀，也是我的第一次哩! 怎可失禮人前...所以我也有點緊張起來。平時會一口拒絕這些邀請的我，經過自己的婚禮，明白找人幫手真的很難，所以這次就答應了。不過當然會先看看誰是拍檔... 就是準爸爸錢生了，所以我也沒什麼好怕!

我相信以錢生的口才，觀眾們會笑死而不會悶死的，就由他自己發揮，我來做歡樂小姐好了... 嘻嘻!

世上只有

上星期五出席左希文o既生日會，仲有各位「大朋友」小田、健次郎、錢生錢太，加上出奇媽媽o既美食，個個都盡興而歸。

原來柏豪仔唔係我想像中咁粗枝大葉，佢對住婆婆時都好嗲架，我對baby boy都有d改觀了。其實佢都係一個bb，個個bb都要人地鍚架啦!

依幾日又睇到出奇媽媽對希文講o既一段說話，真係感受到媽媽對子女無限關懷同愛護。(我睇到想喊呀!) 平時大癲大肺o既出奇媽媽，對希文真係超級細心。有咁愛佢o既媽媽，唔怪之得希文幾時都咁sweet!

手作仔

自從買返d針線同整理左之後，屋企的針線盒終於似模似樣。到我手痕時又可以整下手作仔了，原來我已經好幾年無整啦!

但係我發現我o既針線技術差左好多，手指頭都硬晒了，無細個時咁靈活。


(今日針線盒又有新住客... 「比針拮」熊貓。)