平安夜大餐

已忘了有多久, 沒有跟小巨人二人世界。今年的平安夜, 我們終於有機會了, 多得蘇太太肯開ot。

其實我們是去了看演唱會, Aaron的當然值回票價, encore又encore (雖然我最喜歡他的歌沒有唱)直到12點。

但是我們的平安夜大餐與消夜, 更令我回味! Merry X'mas!!

2nd Wk 12 - OSCAR

無驚無險又到12週, 大肚反應仍然係反胃、作嘔同暈陀陀。不過好既係超好胃口, 雖然反胃就未試過嘔, (即係全數吸收麻... 嘿嘿)。又多得小巨人每日精心炮製營養早餐, 養得我「肥肥白白」。

今日去政府照OSCAR度頸皮, 之前要自費, 依家可以慳返2千蚊, 仲係可以排到早期, 真係好!

姑娘本來好似好惡, 嚇得我戰戰兢兢, 不過講開momo是食媽媽奶既時候, 姑娘竟然180度超nice... 真係估佢唔到。細bi好乖, 好快就順利度到頸皮, 今次result係1.06mm, 係正常水平。

跟住, 驗埋血走得, 由去到走, 都係用左1個鐘咋! 好快手!

私家倉

奶粉大特價, 買三送一, 又係上倉好時機! 一個上午發動公公、婆婆、爸爸同各方好友, 終於買左幾轉。就連媽媽都要出動, lunch走左兩轉。買左先想起睇睇到期日, 好彩仲有兩年, momo可以慢慢食。

存貨太多, 屋企都放唔晒, 唯有暫借一下私家倉。比高峰期10罐奶粉加5條濕紙巾, 依家都唔係好多野o者... 呵呵!

小朋友作業

多得好同事挨義氣, 幫我拎左包磚頭返來...

網上媽媽們推介的平、靚、正小朋友作業。boo媽說boo boo很喜歡做此類作業, 希望momo第時都有興趣做下。

三本一套只是RMB53, 平均HK$20一本, 質量超讚。

從新出發

好友不斷的更新小女兒成長的大小事記, 實在令我深深佩服, 我也要從新的為我的心情好好記錄一下。

久違了我的blog... 真的要好好從新出發。

Let's GO!

Ocean Park @ 1212

去癲、去玩、去Ocean Park...

今年生日有好節目, 爸爸媽媽要帶momo去海洋公園。因為生日免費, 同行又半價, 我地一家三口入場先用了$140, 好抵呀!

不過momo今次唔知係咪鄉下仔出城定好眼訓, 初時個樣好似有d緊張... 竟然去到playground就最開心! (小朋友, 你屋企樓下都有公園啦!)

好彩, 最後午睡小休之後, 臨走前去水族館有驚喜, momo見到大魚小魚游來游去, 表現興奮! 雖然我地覺得, 還是舊的一個更震撼...

我的2011 Birthday, 真的很happy! 多謝 Momo & Papa!!

X'mas Party @2011

今年的X'Mas Party很開心。

小花貓提議攪攪新意思, 換個場地來個Cooking papa mama & babies, 逗得大人細路都好投入, 仲有一幕幕溫馨的親子廚房。

可惜momo被睡魔急call, 所以無緣做Cooking Momo了。不過今年終於可以同小朋友們互動互動... 追追跑跑  (其實係佢自己走來走去), 又可以跟住大家玩遊戲。

多得各好友積極參與, 超感動! 只要大家開心, 希望年年都繼續下去。Merry X'mas... ho ho ho!!

心痛

做人父母者, 小兒受傷了, 原來比自己受傷更心痛, 今日終於深深明白...

小巨人本想幫momo抹鼻涕, 誰不知原來爸爸指甲鋒利無比, 可憐momo面上立即留下幾道血痕。我立即責怪了小巨人幾句, 但往後回想, 也知道爸爸都不想發生。當時語氣重了, 非常對不起。幸好momo只是皮外傷, 他本人也可能不發覺。

看著爸爸一臉內疚, 我還是不時提醒他剪指甲好了, 原來爸爸媽媽都要注意自家整潔, 以免傷及小兒。

本季大愛

等了很久, 終於又可以同各姊姊妹妹出擊淘寶。

一心等待冬季可以買新BOOTS, 可以找到心水一刻真是無比興奮! 款式平易近人, 而且容易襯衫, 價錢只是HK$250.00, 全牛皮。

大愛!!



Kiss Papa

「Kiss Papa!」

呢個係目前為止, 16個月大既momo聽得最明白同action最快既指令!

因為小巨人由momo幾個月大, 無時無刻, 一有機會就發動指令。momo亦由最初只鍚面面, 依家識得錫爸爸媽媽既嘴嘴。

呢個亦係冧爆公公婆婆既秘密指令...

before & after

跟爸爸一樣天生曲髮的momo, 一長起來, 真的跟爆炸狗一模一樣。今日終於有時間, 請私人髮型師 (又是小巨人) 好好修剪一下。

今次momo安定多了, 只是有時哭鬧一下, 爸爸技術也進步了。

兩個都讚一下!! 錫錫!

2nd Wk 7 - 心跳

今日又去見醫生, 見紅的情況好了很多。

不過不知是藥物叔反應, 還是因為陀b... 成日反胃又暈陀陀, 比上次momo時厲害得多。

今次照到細bi心跳啦, 個心閃下閃下仲食手指。

2nd Wk 6 - 見紅

一直以為陀bb應該無驚無險的我, 應該開心得太早... 因為今日竟然見紅了!

本來一朝早發現時, 一直不太擔心, 點知到下午情況不妙, 打電話去搵醫生, 姑娘竟然只是冷淡的叫我去急証室, 原本想等到放工時等埋小巨人再作打算。後來小巨人提議再打去醫生度, 另一姑娘竟然叫我立即去見醫生, 當時我都感覺到自己感動得眼濕濕, 當然9秒9立即起行。

經醫生照一照, 原來是有點水泡, 令胎盤不穩 (((嚇死人咩...))), 不過情況是正常的, 但就要臥床一星期, 不要操勞, 休息休息。

回家後, 終於鬆了一口氣。

2nd Wk 6 - 見醫生

依家香港生bb, 床位供應超級緊張, 依家政府醫院要越早去排隊, 因為要排早期驗OSCAR (之前只有高齡媽媽可以免費, 依家已經全免啦!)。而8週之前已經要向私家醫院留位, 總知咩野都係同人搶搶搶, 多得大陸同胞們。

今日就去左見醫生, 暫時一切正常, 不過仲未照到細bi心跳。

本來拎到醫生紙, 就立即去廣華排期, 誰不知依家改左, 原來要住址証明, 攪得我一頭煙。邊行邊講電話改地址的我, 竟然由油麻地行去TST都唔知道。

最後就約左boo媽食個拉面lunch來順一順氣... yummy!!

2nd Wk 4 - 奇妙旅程的開始

本來一直很喜歡小小b (12月小b)的我, 經過幫momo找學校一役, 發現年中出世的momo都如此難找, 所以決定只好將計畫提前。

最後, 小小b就變成了「年中b」了, 預產期應該是下年6-7月的事吧!

我的奇妙旅程, 又要開始了!

Momo 一歲了!

Momo一歲了...

他開始學行，
他吃得比之前好，
他很愛跟人互動，
他很喜歡笑，
他也開始百厭了!

唏噓

由第一天在這公司工作開始，已經知道「不是你的事不要管」的公司文化。想當年我這熱血青年，當然做什麼也沒所謂，只知「幫到就幫」。

昨天，老闆找人幫忙什麼什麼，當時負責的同事走開了，我竟然沒有感覺 (以前是會第一時間去幫手吧)，當然之後也沒有丁點內疚。終於，我已經被這裡「同化」... 我有反思的，為什麼想當初很堅持的我，現在變成一個對工作沒熱誠的人。

之後跟同伴討論過，竟然大家都有同一感覺，就是很唏噓。不過，人家怎對你，你當然就怎對人好了，世界是很公平的。

好玩apps (Smile Cat)

蘇碧介紹下的好玩apps，在蘋果商店找一下 "smile cat" 就有啦! 係一個photo frame既apps，雖然係韓文，但係公仔好得意又靚!

多得佢幫Momo變身Pinky Momo! 仲有爸爸媽媽愛Momo... 多溫馨!

已經好cute既Boo Boo，依家就更加cute!

留港消費

琴日趁放早得來的半個鐘, 晌屋企附近商場極速閒逛, 發現有好o岩Momo既牛仔褲, 仲係外國牌子(剪牌), 質地超讚。

今日決定帶埋Momo去度身, 看檔阿姐「是但up」竟然仲比琴日老闆平左幾十蚊, 依家HK$100有兩條啦! 我仲差d幫趁左網上大減價, 依家唔洗, 又慳左。

可以留港消費, 太好了!

My little daughter

Pinky Momo... 媽媽鍚鍚

抗通漲

通漲無處不在, 人民幣對淘幣又天天新高, 一於要淘下平野, 平衡下心理。

準備給Momo玩的拼拼版, 斗斗城HK$45 (買二送一), 依家RMB20三塊, 都應該係正版。不過比較兩者, 大陸版本比較輕身, 款式也只有字母、型狀、數字。

不過對我來說, 已絕對超值。

憤怒鳥

估唔到今日做左Angry Birds... 真的憤怒鳥(了)!!

都唔好問點解市民成日要去compliant, compliant, compliant... 投訴政府部門! 而係高高在上既官員, 可以少少野就諗住係市民有錯, 唔攪清楚就話「等佢睇下告唔告你」。

依家係你地做漏野麻煩左我地, 同埋唔係我地自找麻煩, 而係你地做野唔查清楚就比麻煩我地... 最嬲就係, 要兩老加一個bb走來走去, 原因只係有人做漏野! 嬲爆。

比人投訴, 都要睇下係咪自己有錯在先。

平都有好野

又淘到好野，50元3件小朋友t-shirt! 品質超讚，好野黎。仲賺左滿足感... 唔單只係價錢問題，而係滿足到難以形容! 總知就係開心，呵呵!

之前都有試過失手，受了教訓千祈唔好貪平，睇下人地comment都好重要!!

無聊遊戲

無聊的遊戲，

希望不會被餐廳列入不受歡迎名單。

不過我還要好好的苦練一下心理戰，

猜包剪鎚不能再輸了。 

呵呵!

愛你不愛你

近來城中鬧哄哄的，應該是藝人夫婦離婚還是不離婚的問題吧! 天天C1新聞頭條，最可憐還是一對小朋友。

原來婚姻也可以如斯脆弱，當初愛得死去活來、天昏地暗，最後還不如天天新聞頭條，互爆陰私。女方想儘辦法贏得同情，也不惜傷害曾經愛過的人。不過儘管如何好戲也好，我還是佩服男方，沒有當面說出女方不是。可恨女方極低的EQ，防線一攻即破。

婚姻，原來不只是一個童話，也可以很醜陋。

錢妹妹

錢妹妹出世啦! 真係抵錫... 好靚既little baby!

又一次証實momo很愛baby, 對人熱情又手多多, 不過我知佢今日佢超級開心! 原來多多好喜歡boo boo, 成日送上big hug之餘, 仲拖住四圍玩。真係好sweet!

見到佢地個個咁開心, 我都好開心呀!

開倉大特賣

今日去開倉，竟然搵到好野! Cap帽只要30元，仲要有牌子。

本來貪得意買來送人，不過越睇越鐘意，最後沒收了。

呵呵! 心情好...

I love PAPA

輪到爸爸節了... Momo love PAPA!!

上次去完老虎bb聚會, 抵抗力超弱的我病了足足一個星期。Momo本來都好厲害,可以完全無事。但這個星期好像給我傳染了, 沒什麼胃口。

今天看他的小臉好像比之前瘦了一點... 唉!

四隻老虎

4對朋友, 有4個同年小朋友好難得呢... 加埋3個小小哥哥姐姐! 次次聚會都十分熱鬧, 好開心。

今次最開心係, 難得捉到四隻小老虎排排坐。下次要集合晒七小福至得!

Let's Play

小老虎們開始懂得一起同哥哥姐姐玩玩了, 最喜歡看著一班小朋友在互動。

另一件我最開心的事, 就是可以樣Momo盡情地試玩具... 哈哈!

原來momo好愛玩車車, 豬仔車可以ready了!

小涼鞋

等左好耐, 今年樓下開倉竟然無份, 今日行街終於搵到。

Momo的當季小涼鞋, 比原價平左一半有多!

親善大使

難得一次很齊人的無心約會, 我竟然有點「久別重逢」的感覺, 很感動! 呵呵! 朋友們都說Momo很好玩, 因為任何人也可以跟他抱抱。

可能就是跟媽媽一樣愛熱鬧, 我的小小親善大使。

新玩意

是時候出街用餐時安排毛毛有自己既坐位, 所以就買左呢個新玩意(餐椅安全帶)。以後去到邊度都可以有位坐啦!

又係淘寶玩意, 多謝人民幣60元。

暫別蛋撻頭

呢兩個月, 毛毛頭髮長得很快, 是時候轉個新髮型, 暫別做蛋撻仔。

Before

After

雖然感覺涼快, 但係媽媽都係鐘意毛毛做蛋撻仔多d!

給小孖寶的

公司樓下法國童裝又開倉, 新生兒(((嘩!)))只要HK$100 / 6件。受好友所托, 要找一下小孖寶的新衣, 經過精心挑選, 非常滿意。

唔單是價錢超值, 又幫到小孖寶哥哥妹妹搵到靚靚兄妹裝, 大滿足!

1st 母親節

值得紀錄的日子, 我與小毛毛的第一個母親節。