出trip去@美國 (1)

又出發去美國啦! 今次7點半(好早!)就到左機場, 因為有蘇小弟陪我食早餐. 我地當然揀左Burger King, 呢度係蘇小弟必食推介, 佢仲有折添呀! 不過佢都好開心, 因為我用左部NDS交換佢O既IPOD, 所以佢依家可以日打夜打了...

今次搭飛機好開心, 因為我隔離位係一個好好人o既姐姐, 同佢傾計傾得好開心. 走o既時候仲祝我地成功 (eee... 我臨走時爺爺都係咁同我講架wow!) 雖然晌飛機上面訓得兩個鐘, 但係見到咁靚o既白雲, 即時令心情好起黎!

撐過去

因為美國之行令我忙得很, 其他事都唔可以兼顧了... 就連blog也未有時間update...

不過, 呢幾個星期公公o既身體好差, 就連行路都有點困難, 又話自己雙眼成日想合埋. 初時天真的我以為佢又發脾氣, 只係叫佢要積極一點唔可以自暴自棄或怨天尤人... 點知醫生話公公腎衰竭情況已經去到已經積聚左好多毒素晌體內, 所有會嘔心同無力, 同埋雙眼成日想合埋其實都係一個好明顯o既病徵. 只怪我自己太一相情願... 終於都要做洗肚o既準備...

所以日日幾忙都好, 我一定會準時收工去探佢. 可能醫院入面有護士姐姐照顧, 佢竟然好精神呀... 也令我去美國之前無咁擔心!

我知道公公好勁, 呢一次一定可以撐過去. 因為我知道佢一定要見証FA Project完成的!

最高指示

放完一個開心假期, 返到公司竟然收到指示... 去美國! (我心諗: 唔係下化??! 仲要去10日咁多??)

原來係Pushy想我做小探子, 睇住m主任晌美國一舉一動. 嘩! 同事們講得無錯呀... 估唔到佢地已經過左蜜月期! 但係... 坐長途機真係好難頂, 而且今次係同一個我超討厭o既人去. 一定比死更難受... 希望d時間快d過, 快d過, 快d過!

(不過我知道其實Pushy也比好多機會我的, 我也比其他人幸運的了, 所以一定會儘力完成今次o既小探子任務!)

新的一年

我都未曾想過,
這個艱鉅任務於新一年的第一天就完成了...
都可以算係我同小巨人o既新年禮物!
我們終於有永久秘密基地.
祝大家新年快樂!

Mission 1: Completed!!!!