今日去左探婆婆... 公公又係之前一晚無訓到, (所以下次都係唔好預先話佢知!!) 不過佢今次叻仔左, 無再喊得咁厲害! 我同婆婆講, 佢一定要保佑公公身體健康, 我地都會乖乖地睇住公公的! 不過呢個小朋友琴晚無訓覺, 所以返到屋企唔舒服, 今個星期無得打牌了!
上幾個星期有日發夢見到婆婆, 佢著得好靚, 好高貴, 仲同公公&阿芝一齊飲茶! 晌隔離o既蘇太太, 只係細細聲同我講:"婆婆真係唔記得左我地啦!", 之後我就嚇醒左... 唔好啦! 我知佢一定唔會架. 仲會成日"看"住我地, 睇下我地有無"壞"!!! 我真係好掛住佢呀!
夜晚我地就去左爺爺o既"生日會", 其實係全家人食飯! 佢好happy, 精神都唔錯, 食完飯仲四圍走! 又要飲酸梅湯... 又係一個小朋友咁!
希望所有老人家都身體健康, 日日都開心快樂!
