今晚放工之後入左沙田探爺爺, 醫生話佢個肺照到有陰影, 所以要入醫院做個詳細檢查. 希望佢無事可以快d出院啦!
佢第一眼見到我, 竟然問我係咪減肥, 佢話見到我瘦左(呵呵!), 我都覺得好驚奇... 因為爺爺雙眼唔係太好的, 要好近先至認到人架! 佢仲叮囑我唔好減太多了, 一陣病左就唔好! (係!我知道了!) 今日同爺爺傾左好耐計, 原來佢之前擔心我上一份工o既事 (eee... 係我自己爆晌口嗎? 連我自己都唔記得了...) 我話比佢知依家無事了, 而且依家工作上好穩定, 已經做左年半, 叫佢唔洗擔心!
其實我從來都無諗過, 爺爺都會記得我o既事... 因為蘇big係大孫, 而且成日探佢; 蘇小弟就係唯一男孫, 所以好錫到佢; 堂家姐同堂細妹就住佢隔離, 所以會成日見到面... 而我呢, nothing吧 (我晌班"族人面前好低調的)! 不過原來都唔係我所諗的...
三姑姐又同我地講, 其實爺爺成日都好掛住我地... 收到!
