今日小健約左我, 小巨人同蘇小弟去睇森美小儀歌劇團, 今年個劇名叫BIG NOSE, 即係馬戲團入面個小丑o既紅色大鼻子... 我睇之前其實都無咩idea呢個劇係講咩, 只係知道有好多歌星同DJ. 仲怕無聽開佢地o既節目會唔知佢講d咩.不過睇完之後, 就覺得好精彩, 我地有個靚位當然要加分, 而且成個氣氛勁好, 全場都無冷場. 我仲估唔到有我最鐘意o既千嬅參加, 佢做一個富家小姐, 所以個造型好靚呀! 仲有令王宛芝o既演出令我好難忘, 平時晌電視上見佢講野"陰聲細氣", 原來晌舞台上竟然係另外一個人... 真係好好睇!
初時我以為呢個project(森美小儀歌劇團)只係宣傳多於一切, 原來佢地都好比心機做的! 我睇完之後, 真係抱住興奮o既心情離開, thanks a lot!
