美食的引誘

今日好早返到屋企, 仲竟然晌巴士上面"撞"到蘇老大同蘇big... 好好笑! 返到屋企, 原來連蘇小弟都晌度, 今日係咩特別日子呢? 咁齊人o既?

我又唔可以同佢地食飯啦, 因為仲"享用"緊我個減肥餐! 但係蘇太太o既美食實在令人好難忍... d"送"香到我一聞到, 個肚就立即打鼓了! 所以最後我都係忍唔住食左... 大約一隻指甲咁大o既豬肉餅 (仲係蘇太太的拿手小菜呀)! 好彩, 我仲可以飲到靚湯... 好好味呀! 真係飲到停唔到!

天呀... 我幾時先可以食媽媽飯呀?