雙子星生日會

好耐都無同舊同事們見面，仲要係齊人嗰隻。難得今次同一日生日嘅雙子星--劉生同花姨自動獻身，我地又點會放過呢個機會聚一聚，咁我地就決定攪一圍「鮑參翅肚」樣樣齊壽宴賀一賀佢地。



就黎做爸爸嘅劉生仍然係咁大細路，我地笑佢第時會同劉baby爭機打，或者會同劉baby一齊打機打到唔停手都未定。我地都好期待見到好可愛嘅劉太同仍然晌媽媽肚入面嘅劉baby，不過劉太要返學，可能要到劉baby出左世先見到佢地。而之前受左重傷嘅花姨仍然休養中，精神都比之前好左好多，咁都令人放心啲，祝佢早日康復、身體健康、人比花嬌。