食午飯嘅時候，氣氛比晌公司開會輕鬆，所以有個好好交流嘅機會，大家傾得好開心。受到當地人熱情招待之後，我地又要趕路。各團友知道今次要搭4個鐘頭車去永康，已經有晒心理準備。不過大家傾吓計，就比想像中容易過。其實沿途都好少車，所以好順利。
我地仲經過「橫店影視城」，原來係晌咁偏遠嘅地方。我第一件事諗...明星真係唔易做，坐車都坐到「吽」晒!
預計要四個鐘嘅車程，三個鐘已經到，真係意外驚喜。間酒店仲幾ok，所以我地都留晌度食晚飯。唔知團友們呢排係咪辛苦得滯，竟然揀左啲「補品」... 真係見到都「飽」晒!
