因為保持公司一貫「持家有道」精神，是次行程亦以「慳」為宗旨。所以各團友需要去深圳機場登機。每當我諗起因為走上大陸搭11:50而要06:30起身，我真係會好好保持住呢個「中指」。不過個機場其實唔差的。
晌機場呆等嘅時候，同事們就趁機會鬆一鬆，個啤酒樽仲好得意。不過我上到機見到個飛機餐就唔想食，所以只係食左少少... 原來我之前儲定啲糧晌我個胃度係啱架! (都儲左成個星期 --> 即係不停食!)
香港同深圳天氣都唔多好，見到天空有藍天白雲好開心。不過原來去到寧波比香港更差，天色烏雲密佈，仲攪到我地班機遲左成半個鐘。出發去第一站「象山」途中更加傾盆大雨，好似倒水咁! 個電話又唔知做咩用唔到... 即係無得打比小巨人... 激死我啦!
坐左足足兩個鐘車，到16:30終於到啦! 好彩第一日只係用黎搭車，可以早啲休息。酒店有得上網，我終於可以同小巨人傾到飽，好掛住佢呢! 之後幾日行程將會好緊逼，諗起都暈。
