今日秘密基地進展理想，我同小巨人亦己經為佢度身訂造左鞋櫃同電視櫃，仲有蘋果師傅超值推介廳櫃一個。
由於電視櫃屬於我地天馬行空，蘋果師傅亦有小小「R」頭，不知不覺我地由4點傾到11點，估唔到竟然傾左咁耐！好彩師傅亦好有耐性同我地一齊研究，就連我地留意唔到o既地方亦一一提點。比起之前去搵負責人老頭o既經歷好得多了。不過，因為無其他相似o既產品對照，所以都未知完成品係點樣。希望唔好有「驚嚇」效果就好了！
原來我地傾到連未食飯都唔記得，所以晚餐特別好味。完成任務之後，又拖住疲累o既身體返到大埔，準備明天繼續作戰！
